¹ Banikama, binikiamu naka legiagia la kumu Yezu- Kilisitu ike ewanisa yo tukisa mwa bhao. ² Makiani, abena, awengia na ka egomaga hikaku Kumu molo amoti na nyama amoto mwa wolo pe na lamu wanza, pe engia sibo mobola molo mbambaya emaki. ³ Nande, apakasa miso naka molo mo na lamu wanza, amoyengia: Yewe, wika nande kapala ye ya lokumu! pe kawange naka mobola: yewe wama nako kigolo! sibo wika naka magolo mame. ⁴ Kana wagia si na kako egbalaga mangini, kana banako ngbanga kusulia hombia makia maliboto ⁵ Okani, banikama bha lebani: Abba koponi bhabola ka miso ma mbondo, akula bhike bhao bha mosolo ka bhinikia, kula va mugi mo ayengiande kulia? ⁶ Pe banu, abanomia babola! Kale bhu bhao ba mosolo bhe bhomagi bhanu, pe bamamisa bhanu kamambola ngbanga? ⁷ Kana bhunibo bhadakisagi lina lanza lo bhana nanu? ⁸ Kabanambekisage mobeko mwa lekumu, sika edingi: Wa moba molo mo kako ka tekete sika yewe mangini, giani bhenza. ⁹ Kasi kabanamokomi molo amoti, bana gini mabelu maliboto, bhana ngumana na mobeko ya. ¹⁰ Akula molo kanyase mobeko amoti na kekiakio ta mobeko, molo ya ava ngbanga, sika molo ya anyasi mobeko bhekpe. ¹¹ Akula, si molo mo angande bhe: Kana wagia pite. Wunio anga nde kana wa momo molo. kala mo kawagie boloto pite, kawa momo molo wanyasini mobeko. ¹² Kekiani pe giani sika kambola ka molo mo ako ngangba na mobeko mwa ekisilia. ¹³ Akula ngangba kazange akula molo mo kaleye na ngolu na ka badake.Kasi ngolu amagi ngwanga. ¹⁴ Banikama, egeta molo anga menani bhe ana bhinikia, kiki na matekani? Binikia ate to goisa ake? ¹⁵ Kike bhe miniki moloko soko miniki mokali amambali pe azangi mai moya kula bhiti bhekpe. ¹⁶ Pe amoti kanu kaligo: Winda bhebhi, wezongisani, pe bhanekuta pe kana bhanopa abhu me kaleu na litomba kula nzola, egeta nio agamisa na hu. ¹⁷ Asibo kula bhinikia: Kiki bhinikia ya matekani, ayakua si nawu mangini. ¹⁸ Kasi molo amoti anga: Yewe, wana bhinikia; pe yeme nana matekani. Newanisa bhinikia yako ye keleu na matekani, pe yeme, nowanisa bhinikia ikame na matekani. ¹⁹ Wabiniki to bhe Abba asi amoti, awa gia bhenza; ba bimo go sibho bamobiniki, pe bawakana. ²⁰ Naba nowanise, moloko wanza, bhinikia ye azangi matekani ayototo? ²¹ Abalama, abasu, kate gedaga na matekani, dhili ye anyamisi menake Isaka na makabo kugulia aretale? ²² Awena nawa bhinikia agia na matekani, pe na matekani bhinikia ade yanza. ²³ Nande embekisagi me edinga abengi: Abalama amobinikiande Abba, pe winio amobisande sobe, pe bamomaka nembe muka Abba. ²⁴ Baneni bhe molo engbakisini na matekani, pe ninika na bhukia imoti. ²⁵ Rahaba mokali mbambaya kikande na sobe kula matekani, dheliye avi teka, pe inda ka pesi ikana? ²⁶ Sika nzolo ye azangi elilimo ayo, sobo binikia keki na matani aykwua.