¹ Polo,Mogbawule,kaleü akula bhao,kanika akula molo ,Nande akula Yezu Klisto mpe Nkunzi mo Abbake,mo amogoïsande ka dumba bhe bhatshuā, v2 na bhanikama bhe bhekpe bha name,ka bha ndabho etonaga bhe ka Galatia . 3 bhe le ghaghamisaga na lembuka lanza na bhanu me Nkunzi mo Abbasu abisi nakanu mpe Nkumu mwasu Yezu Klisto, mo epande site akula mabelu malibhoto miasu, Nande bhe atenyo ka dheliya ya libhoto yê, 5 sika Nkunzi mpe Abbasu , na le ghagha akula bha biti bhekpe; Abenesibho. ⁶ Awane mbangia sika bhana pakisini mogongo naka mo anomakande ka sopia Klisto, akula agaâ naka ketshatshio tikina. ⁷ Kanika bhe yakula ketshatshio tikina,Nande bhao bhikina bhawa bhanyasa tekpoli ta nu,mpe bha bhaã bhe bha pakise ketshatshio tika Klisto. ⁸ Nande,sika si bhasu,Dheliyea anzelu mo kigolo adukulaka abengialaka ketshatshio tikina kanika tè tika mo tamobhinikiandé, mo walibhoto nio! ⁹ Nanomongianinde kamambola,mpe at amomongia gwa ka dheliya, like Molo amoti adaku gwa ke tshatshio tikina na tè romance kamambola , mo walibhoto nio. ¹⁰ Mpe gala nde, mabelu manza muka bhao nimo nabhã! solo mia Nkunzi ? Angi bhanga bhe anakesa bhe bhao bha nebhã ? Ikande bhe anakesa bhe bhao bha nebhã, !abā kanika Moloamatekani muka Klisto. ¹¹ Ananomongia,bhanikama, bhe ketshatshio tè bhonokandé kame kale tika Molo , Akula kanaviaū ka Molo,na nde ka me mo ngbamana ka Yezu Klisto ¹³ Bhanayibaniko,Nande, ngbamana ikame ikande ka sopia judaisma,katengambaye Nikande nomo mpe nomasa bha pala yetonaga tika Nkunzi . ¹⁴ Mpe tengambaye nadende gianga ka kadumba judaisma na bhe bhambekisagi bhanga bhamè mpe kame kamugï,Dheliyea nadende nasikia mapolopolo akula bha ketshatshio ta bh'Abbasû. ¹⁵ Nande,adheliye amobhongoliagande mo anebisande sidi tona ka nako kasopo,mpe anomakande kugulia yimbiake, ¹⁶ bhe anewanise yeme mo menake, bhe bhamowanise na ka kadumba bha pagano, nde gala, Kana napota nzolo ata gilâ, v 17 mpe Kana dhakiande na ka Yeruzalema na ka bhe bho ikande bha gbawule kamambola kame, nande nako nenda naka Arabia.Nawa nako negumba na ka Damasi. ¹⁸ Bhanga bhisalo nakumbisa,na dhakiande naka ka Yeruzalema akula bhe ne wanise na ka Sefasi,mpe talipiande naye bha biti mabhoko na egî kibhuku moti. Nande Kana namena ata mogbawule amoti, Kasi si Yakobo mo nemaka Nkumu. ²⁰ Ka me bhekpe Nano dhingiliande, wenani, ka Nkunzi mambolaya Kana zokage . Nande nako nenda na ka bha pala ikina ka bha migi bhe: Siria mpeSilisi. v22 Nande, Nikande modadaku ka bhao bhe ka bha mugi bhe ka;Siria mpe Silsi. ²³ Nande, bhikande bhanga:Molomo ikande abisa bhao bhezoō,adeni Etane mo aw'abenguia ketshatshio tanza te ikande olaã. v 24 Mpe bhikande bhamo wukusaga Nkunzi akula me.