¹ Le lushi oloyi wato wakatatshuma na too, ndo vo komonga la dango dia ndee, Jiso akeele ambeki ande kombatee ate, ² Lamboka oloyi w'anto ane ketshi ne dia wambosala shi shato suke lami ndo vo buu ndoko la yango yande. ³ Naka lambakaloya lawakawo la ndjala, wolo oyo washila lamboka dikambo eko amotshi l'atei awo wakaye omaletate. ⁴ Ambeki ande wakowote vate: Ngande wayo talesha l'ekate lo dihole dia losengo nee? ⁵ Jiso akawambola ate: mapa engana wele lanyu? wakakadimola one teko la mapa esambele. ⁶ Nde akawadjashe lokete, akose mapa esambele mal'okongo wande mboka losaka akambele kombisha ambeki ande da mba kahee, ko vo wakakahe oloyi w'anto ango. ⁷ waki too ndo layema yo to sesee, Jiso akoke losaka kondo mbakahee. ⁸ Vo wakale ko ndo ndota, ndo wakawela asoka esambele da teni daka tshikala. ⁹ Vo waki ato nunu nei, l'okongo walaso Jiso aka akaloya. ¹⁰ L'okongo diko nde akadee l'ambeki ande la wato otsha la leeke la Dalmanuta. ¹¹ W'Afarise wa kaye lango ko tate teketa la Jiso ndo dia bohemba, vo wakolombe dia nde mbaenya djembetelo y'oma l'olongo. ¹² Jiso akayambola lo kanyi ande ate: lote wana lolonga lone wekonyanga djembetelo motshi? lomete konyotemi te: lolonga lone halo kondjaki to lembetelo. ¹³ Konde akatshu akatshike ko mbide lo wato dia mbeta l'omamu okina. ¹⁴ Ambeki ande wakahe tsho la mapa. ¹⁵ Jiso akawate ate: nyosene ndo nyewo wodoya w'Afarise la Herode. ¹⁶ Ambeki ande wakatate kana yimba l'ama sawo vate: hatoya la mapa, ¹⁷ Lama akeye Jiso dikambo so, nde aka wate ate: lotee wana wakanyianyu lo woho wahanyaye la mapa? ¹⁸ Nyeko letema wolo? dia monga la atoi ko hanyoke? ndo nyaha lawongo? ¹⁹ lam'akama hembola mapa etanu lo dikambo dia anto nunu tanu asaka angana wakanya tongo na? Vo waka wote ate dikumi la ahende, ²⁰ Nde lam'akama hembola mapa esambele lo dikambo dia anto nunu nei asaka angana waweke wakanya tongona? Vo wakawote vate: asambele. ²¹ Nde aka wate ate: polo laso nyu nyatooke? ²² L' ama kawatatshoka la Bethsaida, waka wele kanga tshungu kakawa lombe dia mbondanda. ²³ Akose kanga tshungu lo lonya kombotola l'andja w'osombo, ko mbokita disoyi lo washo ndo mbo ahe anya nde ndo mbombola kana ambena, engo kymotshi? ²⁴ Akende kondo mbita ate: lambena anto koko lek'omena anto oko etamba. ²⁵ Jiso akawahe mbala ka hende washo, ko kanga tshungu akeni dimena, washo wande wakadiho konde akeni diango tshe dimena. ²⁶ Ko Jiso mbote diaha mboto la wodja . ²⁷ Jiso akatatshoka l'ambeki ande lo wadja wa Cesare wa Filipe ko nde akawambola ate: Ata nyu emi? ²⁸ Wako kadimola vate: Joani Obatizanyi akina Eli, akina omitshi l'omvutshi ²⁹ Ko nde akawambola ate: ko nyu atanyu eemi? Petelo akakadimola ate w'eko Kristo ³⁰ Jiso akakokomiya ambeki ande diaha nvo mbute onto dia ha nvo mbute onto dia nde mbele Kristo. ³¹ Loma letena keso akatate nembetshiya ambeki ande dia nde pombaka soyama esui efula oma le dikumanyi,ewandji w'elombedi, Afundi ndo ndjakema ko mbola loshi lo sato. ³² Ko Petelo akatshu lande lomami kotate mbuta Jiso. ³³ Ko Jiso akoke okongo ko mbaenda ko mbite Petelo ate: Satana tshimba l'okongo ami ne dia we kema la tokanyi t'anto. ³⁴ Omalaso Jiso aka ele anto ndo nanga ndjelami nde ayaseke,Embe osongo ande w'asui ndo andjele. ³⁵ Ne dia onto tshe lalanga nkoke loseno lande ayolishisha, koko onto tshe la yolishisha l'ote ami lokumu l'ololo layowotshaa. ³⁶ Woho akona mete wayo nga l'onto naka nkondja andja w'otondo ko nde shisha loseno lande? ³⁷ kana kakona kayokimo onto dia mengoya la loseno lande? ³⁸ Ne dia one layonga lasoni l'ote wami ndo loyako oteketa ami soni lateyi wa lolonga la loseka ndo atshi wa pekato ona onto oyo woka nsoni lama wayondoya lolotombo lashe kame l'andjelo w'ekila.