¹ Jiso akande lo wata, akasaho a dua dia tsho l'osomba awo. ² Enda, vo wakawale kanga ekuse oladi lombeto. Jiso, lamena mbetawo kawo, akate kanga ekuse ate onami, oyakeketsha, pekato yaye ya mbodimanyama. ³ L'ote ako afundji amotshi waka ngunanguna wata vate: oto one ambotenga Nzambi. ⁴ Ko JIso eya tokanyi tawo, akate ate: dikambo kuna nyeko la tukanyi ta kolo l'etema anyu. ⁵ Lendele kolo dia mbuta onea pekato yaye yambo dimanyiama, kana mbuta: Eto kendaakenda? ⁶ Okone, dia nyu mbeya nyate on'oto la kete eko la wolo wa dimanyiya pekato, eto, mbakandate kanga ekuse, osa mbeto kaye, tshaka lo ludu laye. ⁷ Ko nde ak'eto, akatshu lande. ⁸ Wonya wakenyu alui wato dikambo ndo, wakandama la woma, ko wakate la tombola Nzambi laka sha ato wolo wa woho aso. ⁹ Malawo, akaleke tsho etale, Jiso akenyi oto odjashi afutisha elambo, lakawetaka matayo, nde akawote ate: odjele: Otongo, akemala, akoyele. ¹⁰ Oko aki Jiso lo mesa lo luudu, enda afutshanyishi w'elambo ofula ndo wetema kolo wakatshu to djase landekamee la Jiso ndo ambeki ande. ¹¹ Afarise wa kenyi woho ango, kovpo mbute ambeki wa Jiso vate: dikambo kuna owandji anyu londe kame l'afutshishi w'elambo nde l'anto w'etema kolo? ¹² Oko akooke Jiso nde akate ate: aha ato wane wele alembaki mbahomba munganga, koko ase hemo. ¹³ Nyotshu nyoteke kitshimudi y'otekela one ketshi kalangami koko ahal'elambo, nedia dimi lakaye dia djoyanga aha anto w'ololo koko ato wa kolo. ¹⁴ Ko mbeki wa Joani wakaye lende ko vate: dikambo kuna sho ndo afarise teko lo sala ekilelo ka mbo yande kele ambeki aye hawokile. ¹⁵ Jiso akakadimule ate: angenyi w'omi koka djakidia l'etena kewo kame l'omi, shi ya yayonga omi bu lawo, wonya ako mbayowo kila mbo yande. ¹⁶ Ndoko oto latodjaka daka d'etshi ka dihondo dioyoyo ladiko wa dihondo diomusu, nedia etshi koyoyo ayokutola dia Musu, ko diatela diayoleka kolo. ¹⁷ Hawodjaka kanu weyuyu lo atapa w'emusu wa dikoho dia nyoma, naka oto ayosala ngaso k'ete atapa ako wayate ko wanu wayotshula ndo atapa ako wayolana, koko vo todjaka wanu weyoyo l'atapa w'eyoyo, ndo wanu ndo atapa wayo lamena. ¹⁸ Teke nde awate auyi ango enda owandji omotshi ndja djokusama latondo kande ata ate: Onamila womoto ambovo kakiye, yaka yowahe lonya ndo nde ayosena. ¹⁹ Jiso akemala ko mboyela nde l'ambeki ande. ²⁰ Enda nomoto omotshi laki la wshishuelo ka dikila enonyi dikumi l'etende akasukana mal'okongo, akakime ohembo wa dihondo diaki Jiso. ²¹ Nedia nde akayote ate: naka layo koka tshe dia kime dihondo dia nde, layokono. ²² Jiso aka kadimo ko nde mbuta awena ate: ya keketsha, onami la womoto mbetawo kaye amboko kanoya, ndo womoto onga kono la wonya wame. ²³ Lamaka kome Jiso lo luudu l'owandji ndo lamakandenyi anoshi wa tohonge ndo oluyi w'ato. ²⁴ Nde akawate ate nyoyatodja ma lane nedia ona womoto havue, koko nde eko lodjo, kele vo waka wolee. ²⁵ Wonya waki olui watu wamboyatodja, nde ak'oto kime lonye l'ona womoto, ko ono womoto memala. ²⁶ Lodja laka kokane lo wodja tshe. ²⁷ L'otombelo ande mal'ango, Jiso akayelama l'akanga wa tshungu ahende, wane waki lo teketa la dui dia wolo vate: Otuke kethe, ona Davidi. ²⁸ Lamaka nda komi lo luudu, akanga ato tshungu waka suka na suke lande, ko Jiso mbate ate: nyu mbetawoka dia dimi koka sala woh'oso? elo kumadiodjo, mbakowokadimula. ²⁹ Malawo nde aka nanda washu awo ata ate: atshame oko mbetawo yanyu. ³⁰ Ko asho awa wakodiho Jiso akawasha okende wa wolo ate: ah'oto mbeya. ³¹ Koko, ka kanda tombe, vo wakahadjo la lokumu lo wodjatshe. ³² Oko wakinde lo tatshu, enda wambela latondo ka Jiso ose edenge wa lomi. ³³ Malokongo w'adenge tomba, kanga lomi aka teketa, ko oluyi wato wakatshikala la diambo wata vate: tatenaka wo hone lane lo Israele. ³⁴ Koko afarise wakate vate: eko malo wolo wa edengeka tsha nyande edenge. ³⁵ Jiso aketeta lo esomba ndo lo ngelo tshe, alaka nya lo wa sinagonga ndo sambisha lo kumu, l'ololo la dielelo ndo konoya wa hemo ndo dikuse. ³⁶ Mena olui w'antu, nde akandama la ketshi k'oluyi nedia woaki olengolengo ndo lohekoelo: Eko ekoko wele bu l'onami. ³⁷ KO nde mbute ambeki ande ate: Diela dieko woke koko as'olemu weko yema tshutshe. ³⁸ Nyolombe le kanga diela diande ntoma ekambi dia dina diande.