² Nde akasale ekilelo ka mbo yande shi akumi anei la etsho akumi anei nde akoke djala. ³ Ohembanyi satana kasukana suke lande, konde mbote ate: naka mete we eko ona Nzambi lomba dia ave ane wakadimo mapa. ⁴ Koko Jiso akokadimula ate, kema dimi halosala, nedia Nzambi akate lo afundelo dia oto hosena dia mapa ntho, koko l'oteketa wa tomba malonyo wa Nzambi. ⁵ Malawo satana akawembe la yerusalem lo ngelo k'osato, lo dihole diele laadiko tshe lo Petelo. ⁶ Ko nde mbote ate: Nakamete we ona Nzambi: Yaoke malane polo leee we hooko, ne dia akafundama ate: nde ayosha lotshingo lee inondjelo dia yo kolama l'anya awo. ⁷ Di aha we sakana lo ave koko Jiso akokadimula ate: ndoko, dimi halo fumbo, ne dia akafundama lo afundelo dia tohe mbake kuma diondjo Nzambi kaye. ⁸ Nto satana mbowemba la diko dia akuna wa ladiku tshe, ko mbowenya diolelo tshe dia lakete ndo engenongeno awo tshe. ko nde mbote ate. ⁹ Layo kosha engenongeno tshe naka we ayokusamee ndo mandolami. ¹⁰ Koko, Jiso akawote ate: Tshoka, satana, ne dia: Akafundama dia; We oyotemola paka kumadiondjo Nzambi kaye, ndo oyowokambe paka nde ko. ¹¹ Satana mbotshika, ko w'andjelo ndja suke lande dia mbokimanya. ¹² Lo wonya waki Jiso aki lo wodja wa Judee ambeki wa Joani obatisani wakaye le lui dia djowote dia kumekanga herode akashile la mbidja joani obatisani lo lokuna malowo Jiso aka kalola la nazareth lo wodja Galile. ¹³ Malawo nde akatshike nazareth dia tsho l'osomba wa kapernaum dia toya tshikala loko capernaum l'okedi wa galile, lo kete ya dioho dia zabulona ndo nephatale . ¹⁴ Kene ambokoma dia kotsha kene kakate ovutshi Esai. ¹⁵ Kete ya zabulona ndo kete ya Nephtali, mboka k'okedi lo wedi wa Jordane galile wondja wa apaganu. ¹⁶ Ato wo djashi lo wodjima wakenyi osase wa woke ndo wane wakadjase wodja ndo lo dedi dia nyoi osase wakaleke peta. ¹⁷ Tate malo etena kako Jiso oyadi paka lo Capernaum, akatate sambisha ata ate: Nyokadi mule etema ndo nyotshike pekatu, ne dia dielelo dia ya suke. ¹⁸ Oko akinde lo ta kendekenja wa galilee, nde akenyi Simona( Pierre) ndo onango le andre watoke oteyi l'odua, ne dia vo waki amudji wa nse. ¹⁹ Jiso akawate ate: nyondjele, layonyete amudji w'antu. ²⁰ Ahala tshimba vo wakatshike eteyi awo ndo mboyela. ²² Nde akawete, k'ema edja yo watshike la shewo la woato, kovo mboyela. ²³ Jiso akengola galile k'otondo paka la ato nde anei, dia sambicha ato lo wa sinagonga , dia sambisha lokumu l'ololo la diolelo ndo konoya hemo la dikonola lo wedja. ²⁴ Lokumu lande lakahadjo lo wedja wa syrie ndo waka wela weho w'elando tshe: ( Dikuse, Edenge, Dikunyia) ko Jiso akakonoya. ²⁵ Elui watu wakoyele malo ndo decapole malo Jursaleema ndo mala Judee malo wedi wa jursalema.