¹ Nee nopfi fibi, munamasu, mbe ba kekuma ka kanisa ndea kenkrea, ² Kagea nseseani subia mokota, bindo abonganigi wa bama kange ukiki homonfie ka kema bubui nadye aobopfa bakpa basii kema, neme pfendeto. ³ Nseseni Prisika na Akila, bunde baoge ekuma neme subia Kilisito Yeso; ⁴ Bunde daabepfekisi ka tena moabe ka nyongoa onda nemo, bindo neomobeba, kebe eme, ngaa ka be kanisa ndea benenji bubui; nseso nemo ka kanisa ndea ka ndebo ndebo ⁵ Nseseani epaineto, nkondi nem mbe ande bototi ndea mosa ndee asia ka Kilisito ⁶ Nseseani Mariamo, mbe dhedjoakisi pfu ka nyongoanu ⁷ Nseseani Andronika na Yunia, benadji bunde debeebue nemo bunde baobikani ka dhoa heteki, nabo debetu subia Kilisito mosuani ⁸ Nseseani Ampliato, nkondi nemo subia mokota ⁹ Nseseani Urbono, utua ekuma nenu subia Kilisito na sitokisi nkondi nemo ¹⁰ Nseseani Apele, mbe bambeokei mbia Kilisito oseseani bakpa nde baka ndabo ndea Aristo bulo. ¹¹ Nseseani Herodioni, bonedyi oseseani beture a ndobo ndea Narkiso, bunde ba sutia mokota ¹² Oseseani Trifaina na Trifosa, bunde beomba pfee mokota, nseseani Persisi, nkondi mbe dabisani pfe mbia mokota ¹³ Nseseani rufo, mtonyi mokota, n'amake, mbe ande amani ¹⁴ Nseseani Asinkiito, Flegoni, Herime, Patroba, Herima, na bemodji bunde kanga ukiki bobu bunde be kimoti nabo ¹⁵ Nseseani Filologo na Yulia, Nerea na aureke, na Olimpa, ne buma kanga nkiki bobu bunde be kimoti nabo ¹⁶ Boseseane k'egemisia anza, kanisa bubui ndea Kilisito benosesi ¹⁷ Bamunadji, denge denge, oongieni bunde booge imani na kema gusa danga a bopfei nde daaboga beni dangaabo ¹⁸ Ka mokota ndesu Kilisito, kube sopfoabo, sua ka nyongo nde adjedjemani n'nde baodyona baodema memea bakpa bunde babuniki ¹⁹ Ngaa edidise nenu okidi ka bakpa bobu, ngaa mema usebo ka benu, na nekondi kema bobu na epfipfisa subia kema andja, na kanga ubapfa subia kema adjede ²⁰ Nadya Mokonga a pfanga a mobae nketi kusia echiadji anu kakete. Bondjandja ndea mokota ndea Yeso Kilisito abe kimotu na benu. ²¹ Timoteo, utua ekuma kimoti neme anosesi, na Lukio, na Yasoni, na sosipatoro, ekombo nemo ²² Eme teritio, netodundui mbeno nde, nenosesi subia mokota ²³ Gayo, doni na k'endjua Mokonga bubui anosesi Erasto, utua ubapfa kanji anosesi na kunarito, manamanu ²⁴ Bondjandja ndea mokota ndesu Yeso Kilisito a abhe kimoti na benu bobu amina. ²⁵ Kekende na bembele mbe aotoka amomose akpe, bindo modyo anje nemo na ka ngondaake Yeso Kilisito, bindo ubikana a boa boabi daamami kpanga mosa, ²⁶ Aoubikana na benedji bobu bindo daakondi Mokonga esa bubui, kagea beoke sebea ²⁷ Nande dye Mokonga mbe ana ubapfa sasake obebo kadye ka Yeso Kilisito, esa bubui Amina.