¹ Paulo, n'goigi a Yeso Klisto kanyenea ekondi a Mokonga, sawa na boagi a maisa ne a subia Yeso Klisto, ² mutaa Timoteo, michi n'kondi: Ngoola, ngomi, na bonjanja toka mutaa Mokonga Abee na Yeso Klisto Bosomwa. Nen'bhetei Mokonga akisante, n'mbo neon'tomikia kpanga batatani, na zamili anja, bene neoko kumbuka saa buli subia mema namo kiifha na sua mani. ⁴ Bene neo kumbuka ibho a ngamo nako, etoo koona, gea neopasa netume na fulaa. ⁵ Netuo waza subiani ka belekea nako a dhoni, n'no aya iki mosa subia tatako n'ke Loisi na amako Enise, neto ubi dhoni gea aiki goto subi'ako. ⁶ Ane ka bene aange neoko waza ka meema namo ka bisa goto anja egabo a Mokonga n'ne aiki subiako kanyene bisi'ako njaga namo. ⁷ Kanyongoo Mokonga kaya sofhi'ake loo a tea, alakini a bokpekpe na ekondi na adhabo. ⁸ Bene kukue soni a usuudha gau Bosomwa, n'na namo, Paulo, n'kpa nake a kifungo. Alakini, nengi ka teseka kanyongo a enjili sawa na bokpekpe a Mokonga, ⁹ n'mbo aya so lamisi na ofhana'asu na ofhani takatifo. Aya gii n'ne, n'na saw na mokambo nasu, alakini sawa na mopango nake na ngoola, nne aya sofhi subia Yeso Klisto mosa saa akpange. ¹⁰ Alakini bene lamisa a Mokonga aya onekani ka okona a Molamisi nasu Yeso Klisto, n'mbo aya bisi muiso a kukua na bikisa maisa a kanga kua ka onisa kanyenea enjili. ¹¹ Kanyongo a n'ne, bato mobisi n'tomi mbino, n'goigi, na mwalimo. ¹² Kanyongo a n'kumba ne neye teseki goto ka kema ne. Alakini keake na soni, kanyongo nemuubi n'mbo neye n'belekei. Neubi gea aopasa bedha n'ne neye pati mutake mopaka esa ne. ¹³ Bedha mufhano a yonga anja n'ne oto oki mutamo, na belekea na ekondi n'ne aiki subia Yeso klisto. ¹⁴ Kema anja n'ne Mokonga aya bisi mutanu, bisani u kanyenea Loo Motakatifo, n'mbo aiki subiasu. ¹⁵ Boubi n'ne, bea bune bobu baiki ka Asia baya gee mbamba na eme. Ka n'tua bane Fielusi na Hermogenese. ¹⁶ Bosomwa abise ngomi kenju a Onesifore, kanyongoo ayatuo mojungisa ngobo na kayatu'ake na soni ka n'tongo namo. ¹⁷ Alakini saa ne ayatu ka Roma, aya mo kabhi mbango, na ayamo dondi. ¹⁸ Bosomwa agee ngomi toka mutake ka esa no. Namuna buli aya mo tomikii ka Efeso, boubi anja.