¹ Paulo , Boombo bo Mungu , La Boekesi bo Yesu Kilisto mpo yondima uimiya bo kanga ye Mungu la olubana bo loongene ogangae a geendeli gelo . ² Ge inandi , ogangae goliolo li ouha bo loongo , Mwe alakele bo a gologolo a Iyongiaongia agatiambo esinga nde , ³ la ge oho aenisia liogi liande agea geande mondole ye bateya be baapamelei gombisa bolongo bo Mungu Bouhesi ., ⁴ la Tito , Bona boote la oimidja bomoo : Gesagela ,lipea la gehoi moapamelei gondole ye Mungu Ise la Yesu kilisto bouhesi Bwaiso ! ⁵ djatia ge go kelete , Agelenge mbo botee bolelo la mwe aatshiala oemalisa , la gambo agelana a olaisama bwai , booselande bekumi mweta ye toula twaiso , ⁶ Mongaambo touya bolome obatsha mbeo yibe , golome ga ogali omoa ,Bana bande bangae balongene , batshotuba bo mpo ye loteli , to la osundja . ⁷ Mpo yembo mogelane a okomiya ,ambo bobateli bo biya bi mungu, Atongaa boto ga otomboka , to a ligege , atomwa bagana , to bwiba te , tombo atoolela yama yibe ; ⁸ Angae boto boolo , Bwembi bo Baito agatsha lisumu , Boto ga botema bosa ; ⁹ Ogaandane a liogi li loongene , ogalo alaisame mo , mpo yembo akoke oandana la liogi gai atedjame lio.olendisa ogelana a gelenge ge bokoko oge ayoemaelela boumaeli . ¹⁰ Mongae , galo angandu a Baito obatia baatinya bo limbute , Baito baiye obasundja lo baogi boitaa , ¹¹ Goete yemo mpo yembo twindjee benywa . La ota lofindi goeta ye basago, oletsha bo mbeo yi soni oyilaisame . ¹² Omoa mwete yabo ,bosakoli bwabo laene, eselenge nde : keletoa boto ga nama mbe , nda yilembu . ¹³ Lie ligelegi lingae longene . Mwete yemo sundjela bo la opia mbo mongale, Mpo yembo bangae a uimidja bo bwelu . ¹⁴ Mbo boto eandana a baila ba Bayuda , la bebeko be Baito mwe atshia mwimiyama nde bo loongene . ¹⁵ Mo gotubu mongae gwelu a obangae baelu ; Motsha gea agengae geelu a bee bangae a lilo , la opea uimiya , la bweli bwabo , la bagelegi babo batshubu bangaa a lilo . ¹⁶ Bengae momemia mbo belube Mungu , indi bengae moangina mo besala beabo , Agee gengae bo a lilo , Botomboki , batsha gelenge ge uha abesala belo.