¹ Gosile yeembeo gootongama,tonino besege ndese go ngonge yami,bebeende mbo,baito ba isalaele la kanga la balewi batiganyanye moete basego la gehuma bende tonga lokola mbeo i lilo yabo,la bakanana pe la bahiti pe la Bapeliji la bayebusi la boamona la baito ba moaba ba baito ba ejipito la baamola. ² Poa yembo besilende goosa baasina laa bana bogali babo poa yabo la poe bana babo galo libota li boasi baasosila osangana la lisego li bokili:ee yogo i tonino la baito ba lokuku mongale go felo loe loo la goopengwa. ³ Gooemi galo,yendeende tulu yami la tulu yami ye liolo,ye totolende soge mo bogbe boami la Geombo geami la yembende mogema. ⁴ la pe bobatubu abambe n'obilima la baogi ba IONGIAONGIA ye Isalaele poye opengwa bwabo kobebundama,be yangaende goangalemi.yengalendesse moete ogema tee oilelo bo liolo. ⁵ Laa go likabo li liolo,yeemalende ototoga go ilomi yaami,la tulu yaami la tulu yaami ye gosee endegende;ye gbendese la loongo,IONGIAONGIA yami. ⁶ Ye beende mbo,e IONGIAONGIA yami,yaoa soni la yengale la loha poa yoemalesa osio boai goangae age,E IONGIAONGIA yai,poa yembo basumu baiso baiga baiye gotche begbe age biaiso laa obiaiso laa obe boaiso boa gologa tee golola. ⁷ Obanda gobekolo be baise baiso toela basumu baiye tee la buina,la pe poa ye obe boaiso,esu ambwale bekondi biaiso la kanga yaiso tofelame go baago ba bekoni be bokili pe la hisette,la obundemo la ofinolesu bia biaiso pe laa soni go osio boaiso ogangalemo la buina. ⁸ La liogi la yeigee geke,bolimbisi boafelame lesu ototga go Iongiaongia,Iongiaongia djiso,alonganeleesu gesee geande ge loongene,poa yembo asiye esu uuha ya ike goete boombo bwa iso. ⁹ Poa yembo tongale bekobe,kasi Iongiaongia yaiso ati siye esu goete bokobe boaiso ge aga osemboelesu oboto mobaiso ba bekondi la palasa mbo auhesusu poaye oemalesa mbele ye Iongiaongia yaiso la pe oindja bisee abisegamelo la afeesu lopango lo yuda laa yelusaleme ¹⁰ la ogiogi,E IONGIAONGIA yaiso,toselenge gani laye itubu?poayembo toatia baogi bago, ¹¹ Aba bee age gondole ye bekobe bago basaoli mboo,yoyuula yendenu go finola ingale yuula i lilo poye mongale yuula i lilo poye lilo li baito bo bokii,poye bosoto baobo; ba a yalisa bo la bosoto boabo obanda go bolelo bo moa tee go bolelo boasina. ¹² Galo,ogiogi ingofii bana ba bogali baino goangale bana ba bolome babo ba ingoosi bana ba bogali la ofia pe laambo bolei loo mo bokili pe bana baino loongo. ¹³ Gombise ago mbeotubu ya gbelesu poa ye mbeombe yaiso laa poa ye opengwa boaso bolene,agefolo Iongiaongia yaiso,boa feesu bitumbo alimbe la oke poaye obe bue boaisa pe boa longanelesu gehulelo. ¹⁴ esu balako bagose pe toandana la bondeko bo basego bee aba motonga lilo.Age bofaoele su kanda la ogangosilesa nge mboo ata litika litiala pe ata omoa afakime? ¹⁵ E IONGIAONGIA mungu ye Isalaele,age bongale la boyengebene poa yembo toatiala moete baito abauhelo ogeangale labuina boe,leta tongale gofelo yaago la basumu baiso,boto ata omoa afaemale gofelo yaago fooye loe loo.