¹ Go gelanga ge pelo geMokondji mo sirisi go iula dji pelese,IONGIAONGIA augia mokano moela mbeo odji beage go monya mo yelemia,Ata golikanesi li silisi po djo gotsha mo;gai silisi atoma batoma bae goasakola la goatshia mokanda go toula twande toshubu,poae babegise baito gai: ² Silisi mokondji mo belese abea gai:Mungu,IONGIAONGIA dje lioto, apaa toula toshubu to huma mo maago mai:Atomelei yee guaelela ge mbele go yelusaleme dje bayuda. ³ Indi moete djino engae dje libota liande?Sidja IONGIAONGIA angae lande,la alile go yelusalema na yudasi la apoe mbele dje IONGIAONGIA,IONGIAONGIA dje isalaele! Engae INGIAONGIA go yelusalema. ⁴ Go bisee bitubu aenda libota li IONGIAONGIA,baito ba gesee gio be baandebo mabanga ma alaja,wolo,la bia la makabo bo bangene po djembele dje IONGIAONGIA engae go jelusalema. ⁵ Baemaeli mabota ma bayuda la ma babeyamina,bakanga dji IONGIAONGIA pe la balewite,belonga nyende po djeowa mobembo la baito batshubu obape IONGIAONGIA makenesi me owa goa poa mbele djande go yelusaleme. ⁶ Baito bo bainyo nga gombale djabo,Baasidja bo,ba paabo,biabio biainyo elela bo arja, la Olo,la bia biasina,ba nama la bia bi litomba,obakisa ale biabio bi bakise bo la motema mwabo momoa,podje mbele dje IONGIAONGIA. ⁷ Mokondji silisi apa mitindo mbo baese bia bilitomba bio biose Nabukundonozolo eose go yelusaleme,la etende goeta dje ba mbele dji ba Mungu djande. ⁸ Galo miterada,oho ainyo mama bia bi litomba,apaa bia biaho la sheshbasar,moto ga libota li bayuda. ⁹ Mongaande ba saani metuku meseso me OLO,basani koto emoa dje arja,tolonde metuku mele la libwa. ¹⁰ Ba kopo metuku meseso me Olo,bakopo mekama menei la liu dje arja mogelenge geaina,la bia biasina koto emoa. ¹¹ Bia bi olo,la arja bitshubu bingaande koto itano la mekama menei.Sheshbasar etolende momotshubu,gee giidjogebo go boumbu bo babilone la beesende mbisa go yelusaleme.