¹ Teofile, Yeselengende, Goeta buku bwai bofelo, Mo ai mbe Yesu go andjelege mo la tubu la moekesee tee go geandjelo. ² Tee la bwina moge age ngalende ge oa liolo go lola gombisa ofa gelenge gengaeli, Otogela bwenda bwelu, Go bekumi belene be lingomba aba pone ge. ³ Gombisa yande oa loso la fine, Ko ekwegela bo boomee, La ko efa bo mbegelo bwiye, Oenesama labo moeta bisemba betu benei, La moselenge mbeo ailete bokondji bo Iongia-ongia. ⁴ Boba tubu be djale nde a Bwenda bwelu, la bangaa moslenga a Baogi ba sina galo abegise Bwenda ebegisabo. ⁵ La galo, MOmbende a bo bokolo go Yelusalema bo Bayuda, BOlome abaito otosa MUngu ba bei Betubu obengae gose lola. ⁶ La galo bekumi belene abuyane gese gemoa ko betundja ge: Bokondji, Monga mbo moene gee nda ngo sela age mbala yaina gehuma ge Yisalaele? ⁷ Ko ebinogesa labo mbo: Moti po yaino yoluba bi gee to bileko abi seleise mo bokondji bwande gelangene. ⁸ Ango galo buyinoli ofia, Bwenda bwelu boyande gotie yaino, La bongalindi baselengeli bai imbio ayenemi go yelusaleme, Goeta Yudea itubu, goeta Samalia, La tee go balio inele. ⁹ Gombise uya oselenga labo yo, Ko egala moa liolo moge geo ambe bo moleta ge, La lifata lindjage mo baiso babo. ¹⁰ La ogalo ambe bo la bileteli kei go lola moge agembe ge moa, Oleta, Baito baele ababate bwelu ko bekwegela bo, ¹¹ La bebea mbo: Bolomee ba Galilea, Mongito aemaelenu moleta go lola? Ono Yesu, Agae liolo go keta yaino, Eyande omo gelenge geao age enenu ge moa go lola. ¹² Bembende bo Batubu mwete okamwa, la, bagelegi babo beende gola, Bembe nde mobea bamoa la obai Mwe mwénde tu to obea gii? ¹³ Kasi Basina bembe nde mosea, la obeambo: Bedjale goete Bagona ba liege. ¹⁴ Monio Petelo, embende mosise batoma liu laomoa, a ena liogiliolo, la abea abo a bwe bobeeli: Baito bayuda, la baito batubu a bangae mwete yelusalema, lu bei mwe, la lipolei batai mo Baogi bai! ¹⁵ Mobisemba biao, Petelo ko eya liolo goeta baetani, Motango lo baito abambe gese gemoa ongala oenega ango bokama la betu bele. La ko ebea: ¹⁶ Bolome la baelo, Mongale nde mbo mo enesame mobee boenda bwelu goeta ba iginya, Eselenge nde felo,Mo bonya bo Tawiti, Mo loo lo Yudasi ge agambe boenesi mo aba bunde Yesu. ¹⁷ ge embe nde mo motango laiso, La nyunde mbale go liogi li Iongia-ongia liao mbwale. ¹⁸ Ono golome, Ouya gelanga la liputi liolaa; Ongala okba, Ko engala etsinege moketa la keta ye bindo, La bisege bisege biande bi bindo ko miagana. ¹⁹ Loo loa lombende olubana la baito batubu ba boi ba Yelusaleme mbo geo gelanga mombe motama lina mo liogi liabo Hakeladama, Lokola mobea mbo; Gelanga ge baila. ²⁰ Indembo, Mokomame nde goeta buku bo begele: Mbo gese geande geangala ge ye lisobe la mbo boto ango ngala ho! La: Mombo gaina aose olito bwande. ²¹ Moenane ngene, MoKeta a ba mbe laiso gese gemoa gee getubu bo bokondji Yesu age ouha laiso gese gemoa. ²² Tee la batisimo ba Yoani tee la bwina abombege mo otoga yaiso, Mo monga goeta mo angale ge semoa lokola temo yo ota bwande liolo. ²³ Ko benga moletsa baele: Yosefu ota ge lina Barasabasi, Gotie lina liota jusitus, La Matthiasi. ²⁴ La ko betonga lie osembogela: Ngene, Oge ngo aluba baofi baito batubu, Bina moeta ibe baele aba teage. ²⁵ Fo yembo auye gesee goete lotomo ambo Yuda aga tia mbo ae gese giande. ²⁶ Ko betoba semba, La samba ko ekbela go Matthiasi, Ko engala obatsana la ba liu lo moa botomami bande.