¹ Yuda kobe nde na Yesu Kristo, na tobae Yakobo anga bande iba baekoki ekundo, subu Akudula epa na bande babibelamisi ange Yesu Kristo: ² Bosama na bakolo na ekunda atodisane a tatmu. ³ Bamanzami, m'pa inde m'bine na eme mekola muhuo na eme adindia, Anu bolamu ndasu balanu na sey adindia anu anga aana lanu botse abanu na mbua mema la upa ema na bokolo nde bakapi anu kendo imoti aba ba nebei Kristo. ⁴ Anga bato bato'o abi bangi ao esomea Angalanu Na bato Nde Baekoki na Angabo. Anga Nyangina bato nde nda babi piahalia bondo la Akudula nde masu a hali elehe nd'Akudula na koma Apasu ye mayae na Apasu Yesu klisto. ⁵ Na mbenunde N'ekondi bende baupe Ana suwa imoti. Abalanu bato toto na Epa Abianutoisi a nzeka ba misu Mbulali Aba baetindisa bande ndabi ba Yesu. ⁶ Naba mangese Ndenda biba chungi Mbata nde Mayabo Aba Doya Ama buiki Ndabo Akudula eepisi suba eleki Nda kiiha anbgo na anbgbo, toda Anga Nyangiana a suwa Nde. ⁷ Na sinda nde Sodomo na Gomora na Nzi nde Abiatimbi nae nde Abi angi mayae Suba Etele na belea kunda ima nde kala Aba baehangia kengesabo na bande bamusa onalabo myombo Nyangiana suba N'sa kiha Angbo na Angbo. ⁸ Tambilia Nganga nganga Aehe Aka lota elotei la uchisa Ngopo Abo Na Koma umangese Na luhua mbele Musa la domi. ⁹ Ata bo'oo Mangese mikoeli Nde baiki nee luhuana na N'keti baiki saniana kiinda Musa. Akoni kapa Nyyangiana la mbeaawae mbusa endo Aba luhua Epa Ao hamee. ¹⁰ Ata bo'oo bato nde batuha mbea pulipili kanga bende paupi inde ba labo Sinda ba ny;o bande Nda upi hetana bande bauchisi. ¹¹ Ekalabo anga ;ande batambi suba ahe nda kaini na tomba labo ahe nda chede batindi anga buchede nda Kora. ¹² Bande Nde ba kuka angasu ekundo tondana labo matanga Sani na baelisa mayabo. Na Ebundu amatanga Iboo Nde akpoloi nakukai. Na mbua Nde akuu kendo ibali Na inde akingitani. ¹³ Ande biakoa la iboo nda kopi sonii Abo mayabo, Na lelengwe ba nde banua suba todaha abi bae pipi anga kiiha Angbo na angbo ¹⁴ Na enoka nda sabia lalo suna tombea elehe nde Adamu. Ndabi luhu anga abaluhua onani. Epa apiano na bato bangbo na bagbo na bato nde bamoki. ¹⁵ Anga akale Nyangiana la kila too na pisa amakache labo bande N'da ba ti Akudula Atambelea labo pilana abo Nde bakoli kala subs ahe nda okala bande nda batea yonga achede angae. ¹⁶ Bande nde bande Abi baingimiki nawee tata abelea ema nda chede nawe pipa labo auu Anga tema batabo. ¹⁷ M'pa benui, bamangami bokanise elehe nde balahu kala na bato babi na Epa Yesu Klisto. ¹⁸ Aba baluhua anusua nda sungia Abono na bato nde batelemelano etele labo Inde na sungiali. ¹⁹ Bato nde onganisa batabo, bande bauchuani na tambelea achede nde Kala n'da bana mbua mema. ²⁰ M'pa benu bamanzami boo hiine suba bokolo Ndanu mbua mema anza Kpee, na sinda nde bomenia kane mbua mema ndanza. ²¹ Bobe suba ekundo nda Akudula na balanu na mbua mema abunza abondea Epa nde masu Yeso Klisto abi kapiasu ika lasu kiiha agbo na angbo. ²² Bo hangie mbua mema anza abande bana amaha. ²³ Botoise batoo na pengetalabo atoisa labo suba N'sa Anga batoo bohangie ngomi suba bo'oo, Na bokoma ngombe ndana n'kiki angopo'o. ²⁴ Awae Abi atoi anga basakada na ba bee mosa na bamee la Epipo lae amakanga balabo na echelo nda ngbo'oo, ²⁵ Awae Akudula nganga anyenela Yeso Klisto Epa Nde masu , Epipo abe awae Kpe bongisa na ekanda lakiinda suando na benu nde na sua angbo na angbo Amina.