¹ Niwirengi, bhuntambi insi bhanu bhasoki, mutangire kiro, muhuche minsori bhuisha bhurio weya kuri bhanu. ² Bhusoki winu, bhehe bhinu bhyabho na njangi sambora bhanu sariwa na nyese. ³ Inoro na bhehe bhinu bhirimo nundu, na nundu isaya ya shikayo mibhi yinu bhuri kasha.Mumashaka bhehe mumatu akunume, ⁴ Sunga bhuisha mutukatua bhahingi imbi bhikangi mashwa, bhama subhuka , na murenge wa bhahingi wameya mumate wa Ongo mubhake she bhita. ⁵ Murika mu chuo mwichucha bhikai bya bhusa bhusa na ishima mirire na imbana, mumasukucha mitima inu bhuri matu ya mirire ⁶ Mumamina bheya, mumashura bheya ntibhakora bhibhi na ntinti bhakukaire kitinire. ⁷ Mubhesa bheya bhosi irindira bhanu bhanakitu ihere matu ehyeyeremo Mukota.Mine mubhingi sunga, Muhingi warinda bhiyo bya seya bhanu bhuisha iwe karinda niibhuninka imbura mu bhuhinge bhubhere bhere nambu wa kunuma. ⁸ Na bhanu hotu murindire, murie mitima hima bhuisha Mukota Wiyange. ⁹ Angi songore munakinu isha na ongo bhatakusori, bhuisha mukeri wa bhinwa uri hamyango. ¹⁰ Mutinge myomba za ntumwa za Ongo, mukia bharinda na isimira bya sumasuma bhisunga ngibhu. ¹¹ Sunga, twebhangi bhu bharina Ngoa imbi bhakorwe bhubhi angiyebha, angisubhuka.Mure kwarukira mwakiango Yobhu wasimira mario ingi yati yasimirangawe na kunuma kwa mario cha mukoresenge Ongo, bhuisha Ongo urisere bhuronge na njushuri. ¹² Ibhere rakira kikai, mwanitu, angi sare murina ra kumbingu, ao ra hanu kansi, ao umpe mutinda misera.Umasinira nti usimire na umatima nti utina bhuisha na oongo bhatakusongori ¹³ Munakinu wasakirwa, muhemere turi Ongo, Musikinu ulimungoa asimbe numbo siitata Mukota. ¹⁴ Munakinu usambangi, muhikire bhatunga bha Bhusani, bhakunge bhamuhemere ni musingo mu rina ra Mukota Mine Mumbingu. ¹⁵ Ihema la hema bhanu musimira la ramya mukuni, na Mukota wamusimanya, neo mukori wa bhibhi, Ongo wa musasira. ¹⁶ Kira mwiya wakuto bhuongwa wawe kuri mine, na kira mwiya wa hemire mine, timo murama.Ihema ra kira ntambi ra mwiya usirabhuwongwe kurimine risimirwange tete na mine mumbingu ¹⁷ Elia asanga mwiya bhuri bhate, wahemanga nguru mwishaka mbura bhu itaki, na mbura yaremwa ike kwansi itukire bhiranga bhi shatu na mweri mutubhe ¹⁸ Kampe kashangi wahematu na mbura yake tu muchuo nabhiyo bhyaheta tu kwansi. ¹⁹ Bhana bhitu eo mwiya nkati kati ni inu wamishika kore na mahano a Ongo, umpe mwiya wamukuriche muminwa ya Ongo ²⁰ Sibha mwanitu, umatunja mukori wa bhibhi munse sawe imbi asa kwa morimanire we, ubhese nti umatunja mwiya mwikwa na ubhese nti umarinya bhibhi bhingi kuriwe.