¹ Bhanakitu kutabhesi bheya bhingi bhi ihana wisha tubhese mubhanga rwa nguru irenga ² Tuhakange bhate bhati mbiso korekore, abhe uma watangahabhuka mu bhinwa, nti mweya wa konda, wakocha iranga mubhi wawe mongobho ³ Twamaria kihato mu bhunu wa mbunda mbu kongo sa turu kire, twamakokera mubhi wawe siti. ⁴ Sunga hatu mashua, matiri makise, ahumirange yuhu ikiri ina sikorerwange na kakayi kakeke, mu mwani kiri ya murayi ⁵ Nabho hatu rwami kakeke mu bhubhi ina rwitatange mu bhikayi na hingi sunga bhuri nzenzeri ya mushi ka bhusara bhukiri ⁶ Rwami nazo hatu kasha chuo cha bhubhi, rwami ruri munkati na bhitambo bhitu, rubhisha mubhi nti ni ishika rwendo rwa bhuingo naro ruisine ishire mu irunga ⁷ Mihango iti ya bhihuka na mironge, na mbi bhikururanga kwanzi na bhikuro, bhiti bhyore ningwa isusa mwiya. ⁸ Ina rwami kusira mwiya wamukobhya kahuka katakirwe, karisere nae wikwa ⁹ Kwiro tutatange Ongo tita witu na kiriro, tuherange bheya bhashamu chiwanga munsusenga ya Ongo. ¹⁰ Mu ruro ruro rwami musaange utakura na uhero nti rahunda bhanakitu bya bhese bho ¹¹ Injoko ya mutunja mecha aharerwa na a ange? ¹² Muti wa henibhe, wamubhuta marukucha nti bho ndimu? ibho, mecha ema atakoche ibhese mecha akonda ¹³ Inye nkati ninu mwengi na mwenge, washi mikorere yawe mubhurongu na mu wenge. ¹⁴ Ina abha Ongori na bhuhundu hundu na muchao mu mutima nabhe, angi kwitata na angi ebha bhushu kishuki ma bhi iraira ¹⁵ Wengebho nti mbu bhusanga kwiyo, ina wa kwanzi, wa bhusabha na wa mushumbu ¹⁶ Wisha mbuha bhari mutima waange na wa bhuhaka, hari kinzi bhubhisha na mikorera mingi ya bhobho ¹⁷ Wenge wa kwiyo ngi wa hunda mu ntangiro, shushu, kiterere nku manano, bhurisere, musasiro na byahunda, misasi kunuma na bhu hobhe, wa bhukorotima. ¹⁸ Musubho wa ubhanza wekwe mu bhuhoro, kurimbi bhashakange bhuhoro