¹ Yakobho, ntgumwa ya Ongo na Mukota Yesu Kirisitu, mu rwanda kumi na sibhi bharinda, bhabhukeya. ² Bhanakitu, mukaye ni bhese na ngoa, murimunono. ³ Ribhunange mwike mu bhunongonongo ⁴ Eh bhurongonongo ikore murimo wae ni bhese bhea wakonderera. ⁵ Uma mu bhanu wamatuka mu bhwenge, waheme kuri Ongo ungu unikanange musansa raye anga ikemera, na asenikwa. ⁶ Ina wa hema musismirira anga bhikai mbimbi mumutima.Bhusha ungu uri na bhakiya bhibhi wasusa na nyasa iritirena ruhu ni riwa hanu na kuko ⁷ Mwea uribho watasheeyo kikai kuri Mukota ⁸ Mwea wa mutima sibhi ni bhunduka bhunduka munse sae wahera yo munse sae. ⁹ Eh bhanakitu eh muro wa mbese na ngoa ni ntatwa ¹⁰ Ina musoki wakurushiwa kunyuma, bhusha eh maua anse riribhana ¹¹ Eh kense chamasungwa ne ruhu ra kasha rakamya eh maua ri huka. ¹² Ngoa mumwea uri na iyeriko ni wasime mutima, itukana rabhya wahebwayo kiraya cha bhuingo bhare ¹³ Eh mwea wamabhese ne kiraya watebhi mu Ongo ngi wakumu tea. ¹⁴ Ina kira mwea uteyange itukana ne bhishishanga bwaye kusine. ¹⁵ Eh bhishishanga byamashuka nti byabhuta ne bhibhi bhibhutange ikwa ¹⁶ Bhanakitu, bhashimwa, angitikaka. ¹⁷ Kira mwea wanikwayo rehebho rahunda, ne rehebho ritukange kwiyo ni hita, ritukange kwa tita, ritukange kwa tita wa chaka kusira ihidja na kirumbirumbi chi bhunduka. ¹⁸ Mushime yae watubhuta mukinwa cha rengeka tubhese bhuri bhuto saye ¹⁹ Bhanakitu, musibhe, kira mwea wasanguhe muri rikira ina watabhese mwea wiebha ni shunana. ²⁰ Isumbuka rabheya ritakochi ikiya mwea wasibhe byakonda kuri Ongo. ²¹ Muriye kore eh bhibhi bhiti ne bhibhi bharengeresha, nipokere bhunongonongo, mukinwa kirikumunda ninu, cha murisha ishukara mu mutima inu. ²² Ina mubhese bhikora eh kinwa, nti irukira ho, ni kwitima kwenu ²³ Umabhese mwea wirukira ekinwa, nanti mukori, eh mwea yao uribhuri mwea wikae bhusu bwae kurisine mu kikairiro ²⁴ Wamakinda kwikae nienda nti wasera bhuriwe ²⁵ Ina ringu ukaenge eh momba eh momba wese muria mubhi byakonda nirika kumunda watabhese mwea wirukiraho ni sera, ina wabhese mwea wa kora murimo, mweyangu washee mukisa ²⁶ Mwea wamahaka bhuri mu byakonda mu herero ne rwami rrwambe ni husa eh mutima, eh muherero wambe uribhusa ²⁷ Muherero wakondere isira mikosi kuri Tita Ongo nti sunga bhea, kubhi na bhashubhakari mu bhurio ni rikashushu muchuo