¹ Muniumisanga ari mukianga nani nami Kirisitu, ² Ngi bhubho chasingwa munisubhikia kumunda nabhiti na bhanu mumasimirira bhiti inisanya nabhu mwakianga murukira imbu ma bhunsonsomorenga ³ Inashima muteerere mbu mutwe wa kinsi mumina ngi Kirisitu, na mutwe wa mumina ntiwabhume, na mutwe wa Kirisitu ngi Ongo ⁴ Kinsi wabhume, kutii uhemange au unsosomorange wabhesi wamabhumbe mutwe, ntiwakabhishe mutwe wawe ⁵ Ngibhubho kinsi mumina mukashangi uhemange ao unsonsomorange nantiwabhumbe mutwe ntiukambishange mutwe wee ⁶ Bwisha mumina kutintiwabhumbe mutwe na wabhewe bhuteo bwisha bhibhi mumba kikerwa bhuteo wawe ao ribhewa ⁷ Bwisha riirq ntirihemange wabhume ibhumbe mutwe wawe bwisha iwe nsusenya na bhutu mba wa Ongo, ina mumina bhutumba wawe ntibhisa na mokewe ⁸ Bwisha wabhume ntiwarengechiwa bwisha na mumina, ina mumina bwisha na wabhume ⁹ Nti bhubho wabhume ntiwarengechiwa bwisha na mumina, ina mumina bwisha wabhume ¹⁰ Ngibhubho rihemange mumina wabhesi na bhiteerere chisimanirwa mumutwe bhisha na ngashani ¹¹ Ina ntimumina hasira, wabhume ao wabhume nti hasira mumina kumunda na Ongo ¹² Bwisha kuti mumina wasairenga kuri wabhume bhubho bhubho wabhume wabhutwanga na mumina ngibhubho nantangiro ya bisheke, bhiti byasairenga kuri Ongo, mwikererenga bhanu bhisine ubhansa ¹³ Ngubhubho? rakondera mumina wamuhema Ongo atintiwabhume mutwewe? ¹⁴ Ngibhubho? ntirabhuhani bhumwakia wabhume warengechwa wamabhese na bhuteo bhore ntikosa ¹⁵ Inaa mumina wamabhese na bhuteo bhore ntikosa ina ngoa kuriwe bhuari wasangombe ¹⁶ Ina mwea uthi uti wamasondo iriisha bhusu bhate tusira bwakare kare bhuri byibya ao ndushu bhuri sisa ¹⁷ Ina murisisinya mubya, mukashi ikorange bhanukuma nano ntimurishe ngerero ina murubhansa ¹⁸ Mucharoso kasa kuti mukumanana murushu na masiangwa bhukuri ubhangano kukwinu nani ntina simirira ¹⁹ Chakonderera ntimubhose na wenge kuribhanu, kongo imbi bhakurisiwa bhabhesi mushoko kuribhanu ²⁰ Ngibhubho mumakumanana hima hima ntirakomenwa murise bhio bya Ongo ²¹ Bwisha kinsi mwea ntiwatngira itinge bhio byawe muribhucha irisa hima hima nangu uri nerwakanangu utamirange ²² Ngibhubho? bhanu musira bhinundu kwa murire bhanu ni omere? bhanu murerange rushu rwa Ongo nibhisho bhisha imbi ntibhateerera kiti kiti ntingibhubho ntanga bhutata bwisha nacha ²³ Bwisha ani nahembwanga na Ongo byakianga na bhusakia bhanu bwisha mukashangi tita Yesu mukindi cha chakianga washiwa watingenga kambonsa ²⁴ Nawe wakianga wamatata Ongo wakerakera kambonsa wakanya unu ngi mubhi wani uriho bwisha ninu? mukoreshe bhunu murikandira ²⁵ Nabhubho bhubho wakianga wamahendanya ririsa watinge na mutambi webha, mutamabi unu ndani achasha kumunda na nehama yani: mukoresha bhubho mukinsi kashangi korengechange bhanu riomo, murinikandira ²⁶ Bwisha mukunsi kashangi bhanu murisange kambonsa kano neriomo mutambi ntibhanu muturange mwasi wamikwiri ya Ongo neriya rawe ²⁷ Ngibhubho kinsi warisa makambonsa au muriomo mumutambi wa Ongo na ntinti wakomenwa wabhese ntiwamikerer ubhansa mumubhi wawe na munchama ya Ongo ²⁸ Rihemange mwea ntiwisisirisa wisine nakunuma narantiwarisha kombonsa na mutambi ²⁹ Bwisha urisange niriomo wea wawe ntinti wakwisisirisa mubhio ³⁰ Bwisha nacha kuri bhea bhingi kukwinu wamakoreshabhubho na runutu bhamariminya bhungo ³¹ Ramubhesengi twamusisirirange wea witu tutamukererwa ubhansa ³² Ina tukerani ubhansa, iha nti Ongo wamutuenyerayo hima nachuo ³³ Ngibhubho bhanakitu mukashangi bhanu mukumananange muririsa ntimuri ndirane ³⁴ Mwea wambhese narwaka nti warire mukinundu chawe mumwenda kwarengecha ngumanuno ya bhansa na bya bhiti nabhi byamobya ani nikiayo narebhera kuro narengechayo byoo