¹ Okutenga kwa paulo mukosi wa Ongo na endumwa ya Yesu Kristu. Njno natumirwe kwabala boshi Ongo alondore kusudi nibaereke omu kanangana na omukatikati kombwenge obupatene n'okumerera Ongo. ² Na oku rengerera akalamo kesiku soshi kala Onga atatetire obubesi. atulaanibe okutengera eulu litasa kubaho. ³ Na Ongo akashangi apangaye akacikaye omwasi waye okunjira ya amahubiri mala mahereswaye E amri ya Ongo mchungusi wetu. ⁴ Nana kuandikirire woyo Tito mwana wani nisimire kurengera nobwemere tulitwa ingirira ala wuma. Niku hemire emwisha no buuma butengerire E'mwa Ongo. ⁵ Nakurekaa eyo krete kabushi ebyabaa bitali kwa nyorokire noku londola abakosi bakanisa mungasi musingakula Ongo akuburaye. ⁶ Omukosi wakanisa atapasene okuba n'emikoshi yoshi; abe mulume wa mukasi muma abe mundu abana baye babe bemesina batabaye besi kandi bata baye bana bata emirire. ⁷ Kubushi Askofu aheresibwe kasi ka Ongo, anapasiswe kuba mundu ola utaete emikoshi atabaye waku chilola; atabaye hubahubakwa kiburi, mulalwe, atabaye wakubika omujinya, kandi atabaye mundu we tamaa yokuba ne chintu chitaete akamaro. ⁸ Kandi abemupole, wakusima amabuya, abe we kipimo, wokujitawala, mundu wokuteta akanangana, abe muchesibwe na kandi abe mundu wokujuwiya akalamo kaye. ⁹ Nihete akamaro usimbe uno mwasi oku bwemere bokuerekera obwemere ngakula akufundishaye, kubushina wa fundishe abandi nakuba busaba leke oku ira amabi mokupinga. ¹⁰ Kwa bushi kuli bapingaji banene ababumbire emyasi itaete akamaro kandi babesi, sasa echo chikundi chiri cha batora. ¹¹ Aba bali bakusiswa kubushi eibanga kula obuko boshi kubafundisha ebindu bitakwanine okufundishibwa, bende baira bacho makusudi bachiherese efaranga. ¹² Chiro nomuuma wendumwa yaba atetire aba krete batula bandu bakuteta ebisha esiku soshi balinga kuno nyama sibi, bali balafi kandi balonja. ¹³ Eyi mwasi iliya kanangana kabisa. Kurengere bacho ubabu sekusibu kubushi basi buhe obwemere. ¹⁴ Bataendekerae okusimba emiani yekiahudi wala esheriya ya bandu bala yire akanangana. ¹⁵ Okubandu bakomire, buli kandu kakomire. lakini kwabandu babi nabataemirire indacho chikomire emikengere yabo ne zamiri sabo siunjure amabi. ¹⁶ Ibachibura nambu bamanyire Ongo lakini ibamulahira oku matendo mabo bokukwaza, baasi. Abatakwanene ku ngasi chindu chikomire.