¹ Kutenga kwa paulo, endumwa ya Christo Yesu okuagizoya Ongo mchusi wetu naya Christu Yesu olauli bwemere bwetu. ² Kubushi Timoteo mwana wani sasa kurengera obwemere n'omuisha bina baye emwawo, na obushashire no kuemera kutengere emwa waliya wetu ne mwa Christu Yesu waliya wetu. ³ Ngakula nakuburaye akashangi naendaye emasodonia nisimire nekale wala Efeso kubura abandu fulani bataendekeraye okuhubiri emafundisho mobubesi. ⁴ Nakandi bataendekeraye okuhesa akashangi kabo kwamiani n'emipango irehire sitaete businda bwamasino mababusi bokuchocheya obuhaka embere sokuyumbaka obwenge bwa Ongo butengerire no bwemere. ⁵ Mupango wa ino myansi nisimire okusimana obutengere alakati womutima ukomire zamiri zikomire na obwemere bwakanangana. ⁶ Abandi bandu baangukire nokuya omumapatano amataete kamaro kwabushi batabayeba simbire ebijiro binola. ⁷ Basimire kuba balimu be sheria kubabatamenyire ebindu bali bateta wala ebibakazia. ⁸ Tumanyire oku esheriya iriibuya iriyakosango kubihemire. ⁹ Aliko tumenye oku esheria yaitabekwaye kubushi ya bandu bokuteta akanangana, alakini ejuyabandu babi nabataemere: abatindire Ongo kandi banyabyaha; abalibachesibwe bala bachafukire balabende baeza ababusibabo; batata na ba mama babo na okueta abanadamu, ¹⁰ Bala baliri imbaraga bakuira amabi abukuteya emilonge, kandi bakuteta ebisha bokulapa ebisha; n'ebindi byoshi bingaba enyuma ya enyigirize sa kanangana. ¹¹ Bilabierekire na omwasi mukulu wa ongo muchesibwa, naeresibwe. ¹² Njono nakusa Kristo (Yesu mukulu wetu) owanibikire mwemisi nokunianjakuniri mwe mesinokulondora nimukolere. ¹³ Nachirebingaba okumutangiro nabayenitamuyunva na okumutesa n'okumukamba nababalirwaye nakolaye ebyo omobujinga bwaninyeine nokutengena kalamo kani nyeine. ¹⁴ Na omuisha wa waliha wetu kubushinjono ni hindamurwe okumwansi wa Ongo alaumu nakalamo n'obusime buli omumutima wa Kristo Yesu. ¹⁵ Omwasi uno uliwa kanangana kabisa kandi ukwanine okuemeribwa kabisa kandi ukwanine okuemeribwa kabisa oku Kristo Yesu abashaye okundu kutugombora tuli bandu bebyaha. omukati kabo. njono nilimunyabyaha kulisha aboshi. ¹⁶ Aliko nababalirwaye kwa bushi kuli ngo kubanitumiraye njono na baye mundu webyaha kulusha boshi Kristo abwerekana okuchitondeka kwaye, nibemuani okuboshi balibahonda kumuemera nokupata kalamo kesiku soshi. ¹⁷ Basi bukenge nokusime bulibwaye kubushi alimukulu wesiku soshi, ola utakafe kandi ataloli bwako ouli yene ongo, esiku soshi n'esiku soshi bibebacho. ¹⁸ Mwana wani timoteo, nikuheresise oruhusa luno, kuerekera nemyasi yobutabiri buli bwatetwa kurengerawoyo, kubushi ukulikire kuala kulwa bila bitabibuya, ¹⁹ Kurengera nobwemere ne zamiri sikomire kuli mbandi bandu, okulahira kupatana nezamiri sabo bagandamisi n'obwemere bwabo. ²⁰ Mwamitima yaba bandu muli Himeneyo na Aleksanda, kubushi nibahere sise shetani kusudi bachifundishe batakambaye Ongo.