¹ Byabere kuti, Melkisedeki, Omwami wasalemu, omutambi wa Ruhanga w'omwihuru, ayabugene na Burahimu alikutaha kuruga kwita abami aramuha emigisa. ² Burahimu cimwe c'ikumu c'abuli cintu coyabaga yayakire. Izina lye " Melkisedeki" cigambire, "Oromwami w'amazima w'obusinge. ³ Ntayine ise, ntayine nyina, ntayine abazere, ntayine entangiriro y'echiro nangwa omuhero gw'obugingo bwe. Hanyuma ye obwire aromutambi mu butalihwa nk'omwana wa Ruhanga. ⁴ Mbwenu tekereza ko oyu muntu yalimukuru. Omuzere wetu Burahimu yamuhere cimwe ch'ikumu ch'ebintu birungi by'oyayihize mundwano. ⁵ Kandi echihikire, ecika ch'abalawi abaherwe obugabe bw'abatambi babine echiragiro kuruga mu ngenderwaho kukumakuma cimwe ch'ikumi kuruga mu bantu, echo, kuruga ha baisraeli bagenzi babo. Hamwe nabo kandi n'echika chirugire hali Burahimu. ⁶ Alikwe Melkisedeki, oweyabaga atar'owechika cirugire habalawi, yayakirire cimwe ch'ikumi kuruga hali Brurahimu kandi yamuha emigisa, iwe yabaga ayine endagu. ⁷ Aho tacangirwe koko omuntu muke ntayohebwa emigisa n'omuntu mukuru. ⁸ Habeligambo omuntu yayakirire cimecikumi, alyafa eciro cimwe, alikwe habelindigambo limwe ayayakirire cimwe chikumi, kandi yarihire cimwec'ikumi hali Burahimu chagabwa ko atwirwho. ⁹ Kandi mukuntu kw'okukanya, Lawi ayayakirire cimwe c'ikumi, kandi yarihire cimwe c'ikumi hali Burahimu, ¹⁰ Hakuba Lawi yalimumbindi w'ise wa Burahimu obwire bwo Melkisedeki yabugene na Burahimu. ¹¹ Mbwenu kaba obuhikirire bwabasikene mu kurabira obutambi bwa Lawi, ( obwe hasi ye abantu bayakirire engendsrwaho), Haliho echitago ki kulenga omutambi ondizo kwemerera hanyuma y'ongoma ya Melkisedeki, Kandi kutarokwetwa hanyuma y'okutekanisa kwa Haruna? ¹² Habwecho obutambi bwahinduka, engenderwaho nayo terahinduka. ¹³ Habeli omwe owa magambo aga gagambirwe habundi bwako, kuruga ewe ntawe yakolere orutati. Mbwenu cirikulebeka mutaraga Mukama wetu yarugire muli Yuda, obwoko bwa Musa tayagambire hacherekene abatambi. ¹⁵ Kandi ebyotulikugamba n'ebihikire obwe obwe omutambi ondizo yaboneka mu chimbo ya Melkisedeki. ¹⁶ Omutambi oyu muhya tar'omwe ayaba omutambi higuru y'encinji y'engenderwaho zikulekene hamu n'onezaro rw'omuntu, alikwe mu chiji z'amani g'obugingo butaherwe kusisikara. ¹⁷ Obwe ebihandiko birikuzurira haliwe: "Weho or'omutambi mubutalihwa munchimbo ya Melkisedeki". ¹⁸ Hakuba echiragiro chabangize caterwe chaterwe hamusike hakuba chachitine omuchindo kandi chitahenibwe. ¹⁹ Obwe engenderwaho, hahaliho amani marungi habwecho tulikumwichindiza Ruhanga. ²⁰ Kandi amani marungi tagabonekire kutarokukanga endahiro, habwecho abandi batambi tabakalire endahiro endiyona. ²¹ Alikwe Ruhanga yalire endahiro obwire bwo yagambire hali Yesu, "Mukama yarahire kandi talyahinduka habitekerezo bye". Weho oromutambi mubutalihwa." ²² Habwecho Yesu nawe yayizire kuba obugega bw'endagano ndungi. ²³ Muchihikire, orufu rutumaga abatambi batakora mubutalihwa. Echo nihabwokuba bataliho abatambi bingi, omwe hangu ma y'ondi. ²⁴ Alikwe habwokuba Yesu atwireho mu butalihwa, obutambi bwe ntabuhindukaga. ²⁵ Habwecho, iwe nawe abasize mu buhikirire kuhikiriza kusabira abalikumwichundiza Ruhanga mukurabira ewe, hakuba iwe atwireho mu kusaba habwabo. ²⁶ Habwecho omutambi mukuru alikunkoyu asemererwe ewetu. Atine echibi, ensobe, mwera, ayacirwe habanyabibi, kandi alihiguru kuleng'iguru. ²⁷ Iwe akaba atitagire, muchimbo y'abandi batambi bakuru, kutanga echitambo bulizo, echambere habw'ebibi bye wewenka, kandi hanyuma habw'ebibi by'abantu. Yakolire kuti himwe halibona, obwire bwona yayikitabire we wenka. ²⁸ Mu ngendrewaho, bachimbaga abantu b'ensobe wkuba abatambi bakuru, alikwe igambo ly'endahiro, elyayizire hanyuma y'engenderwaho, yamuchimbire omutabani, ayakolirwe kuba omuhikirire mu butalihwa.