¹ Boazi y'ahika hamulyango, yayemerera. kandi leba owo buzale bwa hihi, owo Boazi yagambire, yahingura, Boazi yamugambira, Tahamu, sigara hano, weho, yayichunda, y'ayikara. ² Boazi yakwata mubakale bo mumugi, abaseza ikumi, yagamba: mwikale aha, bayikara. ³ yagambira owe omunyabuzale: Naomi aya rugire mwihanga lya Moabu, yagulisize echihchweka ch'itaka elyabaaga lya mwoozo wetu Elimeleki. ⁴ Mbwenu, ntekatekire kukumenyesa n'okukugambira: omwakire mumeso g'abataka bakale mu bantu bange. waba olenda kulokora olokore, aliko waba atalenda, obingambire, kugira ngu mbimenye. Habwokuba tahaliho ondizo owo kuku lokora, kukuchiira, mwiine hanyuma yawe. yamugarukamu! ndyamulokora. ⁵ Boazi yagamba: Echiro cho olyagura ilima ya Naomi, aho naho ogur n'elya Ruta..... omukazi wa nyakwigendera litayebekana mumulage. ⁶ Owe munyabuzale wa hihi, yamugarukamu: nyewe nyenka ntambasize kwilokora, habwokutina kusenya omulage gwange; onkwatile obulokozi bwange, habwokuba, ntambasize kwilokora. ⁷ Obunyakale muli Isiraeli, babanga biine engeso y'okulokora n'okuhinganisa, omwe y'azuraga echilyato (engeto) che akachihereza ondizo: Ebyo byatangaga obuzulizi muli Isiraeli. ⁸ Niho, owe mwenise wa hihi yamugambira Boazi: oyigulire weho wenka> Obwe yazura echilyato (engeto) che. ⁹ Boazi yagambiraabagukrusi n'abantu boona: Mwebwe, mulabazulizi elizooba nkoko na gulire na Naomi byoona ebyabaga eby Elimeleki, byoona ebya Kiliona na Malona. ¹⁰ Kandi na gulire na Ruta mumuabu, mukazi wa Malona abe mukazi wange kugira izina lya nyakwigendera lita yebwa mumulyango gwe, kugira izinalya nyakwigendera litayebwekana muli Bene thatha be na mumwanya gwe. Mul'abazulizi elizooba! ¹¹ Nabantu boona aba baga ha mulyango, abagulusi, bagamba! Tulabazulizi. Mukama okore oyumukazi atahire munzu yawe kususana na rakeli na tega, aba babili, wayombekire enzu ya Isiraeli: na wowe, oyemerere buzima muli Efurata, n'izina lyawe lihimbisibwe muli Betelehemu. ¹² Enzu yawe ebe nk'enzu ya Perezi, owo tamara yabere hali luzaro lwo mukama alahereza kuhingulitra ogu mukazi. ¹³ Boazi yakwata Ruta, yamukora mukazi we, yamutahira, Mukama yamubasisa ku sama enda, ya zaara omwana w'obwozo. ¹⁴ Abakazi bagambira Naomi: Ahebw'emigisa Mukama, ogu Mukama atakulekire kubura omuseza wo kukulokora elizooba, kandi Izina lye lihimbisibwe muli Isiraeli. Ogu mwana alakugaruliza amagara, alakukasha n'okukulisa mubugulusi bwawe; habwokuba mukazana wawe, akulindire, yamuzere, iiwe ni murungi hali wowe kukira baliya bana musanzu b'obwozo boyazere. ¹⁶ Naomi yakwataomwana, y'amuta muchifubache, yamulembera. ¹⁷ Abatahi bamweta izina, bagamb: omwana w'obwozo y'azarwa hali Naomi! bamweta Izina lye Obedi. niwe ise wa Yese, aliwe ise wa Daudi. ¹⁸ Oru nilworuzaro rwa Perezi ¹⁹ Perezi ya zere Hezironi, Hezironi ya zara Ramu; ramu ya zara Aminadabu. ²⁰ Aminadabu ya zara Nasoni, Nasoni ya zara Salmoni, ²¹ Salmoni ya zara Boazi; Boazi ya zara Obedi. ²² Obedi ya zara Yese; Yese ya zara Daudi.