¹ Eihiswirwe bya Ninawi. Echigambo choburaguzi bwa Nahumu, ² Muhama ni Ruhanga w'ihali, ayiyihuliraga enzigu, Owebiro byona ayihuliraga enzigu, ayizwire obulakari, Owebirobyoona ayiyihuriraga enzigu habazigube, atwire ayin'obulakari habazigube. ³ Owebiro byoona ayinoburakali bwa zuba, ni mukuru obwa mani ge; nawe ntayakerekuriza abazigu be narimwe. Owebirobyoona ayin'omuhanda mumuyaga, munzura ye chiza, amachu n'omuchuchu gwe muguru ye. ⁴ Yayamagilira enyanza n'okuyumya, nawe yayumya amezi goona; Basaani na karumeli, n'echimori cha Lebanoni chayuma. ⁵ Emisozi yakukuza embereze, n'obusozi bwa yayuka, n'ensi ya hinduka embere ze, n'ebikere munsi ye yoona. ⁶ Ninde ayo yimerera embere z'oburakali bwe?Kandi ninde alya yikara haburakali bwoburakali bwe? oburakali bwe bugwaga nk'omuliro na mtare ga hwerekerezwa nawe. ⁷ Owebiro byoona ni Murungi, n'owobuhungiro m ubiro bya maganya; aramenya abamwibemberagaho. ⁸ Omulengemure gulya bomora omurwa, kandi alyakuratira bazigube na muwirima. ⁹ muri kutekereza ki hali Mukama?Niwe kamara, obusasi ntabulyayiza kabiri. ¹⁰ Na habwokuba boba nkamahwa agataterene n'okuyayuchwa nko munywa gwabo, balya yochwa nkebinyasi byumire. ¹¹ Muliwe harugamu arikutekereza bibi hari mukama, nayine kuhanangirira kubi. ¹² Owebiro byoona, yagamba kuti, nobwe gagira amani goona, nokuba binki balya sarurwa nokuburangana, Nawe alyahingana. nobwe nakutesize, ntandyakutesa tena. ¹³ Nabuti ndahenda enkoni ye haliwe kandi ndahurumura emitwaro yawe. ¹⁴ Leeba echaragirwa na Mukama habwa weho, ntalyagira binki bali mwizina lyawe, ndyabiha munzu ya Ruhanga nebyahangirwe nanga kukorwa, ndya kurimira echituro chawe, habwokuba orhomussi chane. ¹⁵ Leeba hamisozi ebigere byentumwa zo businge! rinda ebiro bikuru, Yuda, hikiriza ebiragiro, habwokuba obusisi ntabulya hinguriramu, bwahwerekerezwa hale nawe.