¹ Neryo bhabere bhaashonda erihika eYerusalema, oko muyi y'ebethefage n'eBetania, mobhahika oko kithwa ky'emizetuni. Neryo Yesu mwathuma abhigha bhuwe bhabhiri embere, ² athi, " muye oko kayi akali embere okw' inywe mwamabihikayo mukandieya ekyana ky' sounds Ikinahangire ekithekyathaheka mundu okw'itsuka na kera. Mukihangule, mukirethe eno. ³ Omundu amabhugha nenyu athi, " mukakola muthya bhusanaki, mumubwire muthi, omukama yuli n'obwagha bwakyo, n'omwenyekyo ashyakithuma enoyolubha." ⁴ Neryo mobhaghenda mobheya ekyana ky'epunda omo nzira ikihangire okyo lukyo lw'enyumba. Neryo mobhahangulakyo. ⁵ Neryo abhabya bimene hakuhi obhabhulya abhigha abho bathi, "mukahangulira ekyana ky'epunda ekyo kyoki?" ⁶ Abhigha abho mobashubhiryabho ngobho Yesu anabwirabho, neryo abhandu abho mobhahamulabho bhathi baghende. ⁷ Neryo mobhaletha ekyana ky'epunda ky'eyiri Yesu . Neryo mobhikirya kukyo kw'eshyongimba shyabo, na Yesu mwikala kukyo. ⁸ Neryo abandu bangi mobhashabha eshyongiba shyabho omo naira, 'abhandi mobathwa ebhishanza omoli, neryo mobashanzabyo omo nzira. ⁹ Neryo abhandu abhabya embere n'abhakwairebho enyuma, mobhatsuka eribirikira bathi, " Kathutsi apipawe! Kathutsi atsumulawe! oyukasha omolina ly'omukama!" ¹⁰ Kathutsi atsumule obhwami bwa thatha wetu Daudi obhukasa! Kathutsi w'endatha kutshihu apipawe!" ¹¹ Neryo Yesu mwingira omo muyi w'eYerusalema mwingira n'omo hekalu mwathungerera ebyoshi byabyamo. ¹² N'engyakya, Omughulu bhalua eBethania, Yesu mwalwa enzala. ¹³ Neryo mwalangira omuthi w'omuthini iniane Hali, omuthi Oyo abya ahutire kutshihu. Neryo wayashonda-shonda ebhighuma byo kugho; nikwa abhere ahika kugho mwaghana ebhikoma Nisha, kushangwa shikyabya kirimo ky'emithiri. ¹⁴ Yesu mwabwira omuthi w'omutini oyo athi, :" shikyabya omundu washyalya ebhighuma ok'uwe be kera." N'abhigha bhuwe mobhowa. ¹⁵ Omughulu bhahika eYerusalema, Yesu mwingira omo kishabhiro neryo mwatsuka erihighira eyihya abhoshi abhabya bakaghula n'erighlirya omo kishabiromwakubhula ehmesha hy'abhakahinganaya eshyofranga n'ebithumbi by'abaghulaya ehikuku. ¹⁶ Kandi mwathaligha omundu akaheka kindu akalabha omo kishabhiro. ¹⁷ Neryo mwalangira bhandu athi," shitsishakire kithi, "Enyumba bathe yashahulwamo nyumba y'erishabiramo bushana n'ebhihanda bhoshi kwehi? Nikwa inywe mwabhiriyirayo mo bwikalo bw'abhanyeyi. ¹⁸ Abehereri bakulu n'abhakangirirya b'Emighambo mobhowa ebyo, neryo mobhatsuka erikangirirya liwe. ¹⁹ Neryo bwabhere bwashonda erihambera Yesu nabhigha bhuwe mobalwa omo muyi. ²⁰ N'omo ngyakya-ngyakya y'omughulu babya bakalabha omo nzira, mobhalangira omuthi w'omuthini. Omuthi oyo inyiabhiriuma eritsuka oko mirihi. ²¹ Neryo Pethero mwibhuka omwatsi w'omutini, neryo mwabwira Yesu athi, " mukangirirya, lebhaya, omuthi w'omutiri ogho wathakira abhiriuma!" ²² Yesu mwashubhiryabho athi, mubye n'erkirirya you Kathutsi. ²³ Kwenene ngaugha nenyu nithi, oyukabhughe n'ekithwa ski athi,ukulike ughushawe omongetsi ishiathika-thika omo muthima wuwe nikwa akikiriraya ekyo akabhugha ko kikandishyabhererera, kyashakoleka bushana aye. ²⁴ Kikaleka inabhabwira nyithi,:Ebyoshi ebyo mukashaa n'erihulya, mwikiriraye ko mwabhiribanabyo, nenyu mwashyahabowabyo. ²⁵ N'omughulu mukahangana mukashabha,mwamabya n'omwatsi oko mundu mumubhuyire Thatha wenyu oyuli elubhula athoke erihahuyira amalolo wenyu.[ ²⁶ Nikwa mwamathenda bhuyira abhandi, Thatha wenyu oyuli elubhula, shiendishyabhauyira amalolo wenyu.] ²⁷ Neryo mobashwahika eYerusalema, omoghulu Yesu abya akalendera omo kishabhiro abhahereri bhakulu nabhakangirirya b'emighambo, n'abhakulu mobhamuhikako. ²⁸ mobhamubulya bhathi, ukakoa emyatsi eyi omo hamuli yahi kwehi? kutse Hindi yo wakuha ehamuli erikola emyatsi eyi kwehi? ²⁹ Yesu mwashubhiryabho athi," ngandihabhulya omwatsi mughuma, nenyu munishubhiraye, naghe ngandibhabwira ngani hamuli yahi ikaleka inakola emyatsi eyi. ³⁰ Eribathishya lya Yoane yalua ewa Kathutsi kutse oko bhandu kwehi? munishubhiraye. ³¹ Nabho mobhatsuka erikanirya omo kathi-kathi kabho bathi, thwamabhugha thuthi, lyalua elubhula, ashyabugha athi, bushana naki momuthikirirya Yoane kwehi? ³² Nikwa thwamabhugha thuthi lyalua oko bhandu, Mobhahya endeko, kushangwa abhoshi mobaghanza Yoane bathi no muminyereri. ³³ Nikwa mobhashubirya Yesu bathi, shithwashi. Neryo Yesu mwabhugha Nabho athi, naghe shindiendibhabwra ngani hamuli yahi ikaleka inakola emyatsi eyi.