¹ Mu kulola kwecho kikembe,Yesu abakamagha mwinduko;nu ,ghabind' ikala ghansi,Begheshibwa baghe bashighelelagha kweli. ² Nu,mu kutenda, abegheshagha, nu kubabula: ³ Bakasanilwe bakene ba mutima,kubuno bukota bw'ighulu buli bwabo! ⁴ Bakasanilwe babo bakulila,kubuno bakabobeleshwa! ⁵ Bakasanilwe babo bakwimbotya,kubuno kisi kikaba mwandu wabo! ⁶ Bakasanilwe babo bite nsala nu mpusha sa bulili,kubuno bakikuta! ⁷ Bakasanilwe babo bite chombo,kubuno bakakwililwa lukogho! ⁸ Bakasanilwe babo bite mitima musogha ,kubuno bakalola ku Ghongo! ⁹ Bakasanilwe babo bekukita boolo,kubuno bakamanwa bana ba Ghongo! ¹⁰ Bakasanilwe babo bakuyungwa ku bya bulili,kubuno bukota bw'ighulu buli bwabo! ¹¹ Mukakasanilwa ndi babatuka,babayungya nu babatendela manko ku binsai kubushi bwani. ¹² Mubogheboghe nu mube na chelele, kubuno lukaso lwinu lunene lukaba mw'ighulu;kubuno u bubanubyagha balenganya ba bikagha kubusho kwinu. ¹³ Muli munkange wa kisi.Tondo ndi munkange winda nse saghe,kiki kina bu kulucha?Cha shighala tughu kutebwa ku mbugha,nu kunantwa na bantu. ¹⁴ Muli chengeshi cha kisi,musumba wa ghantata gha mwinduko ta unabisama; ¹⁵ Nu tabakubanjagha tala buno sibikwe munda na kasenga ,tondo ku kasasa ,nu nti sa sanya bansai beli mu numba. ¹⁶ Chengeshi kinu kisanishe bantu bansai,kubuno bantu balole mikolo sinu nsogha,baghanule Tata winu uli mw'ighulu. ¹⁷ Mulenganyaghe buno nashwile kutucha mulembe ali balenganya;nashwile ta kuyucha,tondo kubelelesha. ¹⁸ Kubuno nababula bulili, ighulu nu kisi bikatinga , ta mutilo umoi wa mulembe ukashimwa nu ndi binsai ta bika . ¹⁹ Olya ukatucha lukakisho lukeke,nu kweghesha bantu bubo,akaba mukeke mwa mu bukota bw'ighulu, tondo olya ukabikita nu kubyeghesha,whoso akaba mukulu mu bukota bw'ighulu. ²⁰ Kubuno, nkubabula ,buno ndi kusanana kwinu tabwaghimba kuko kwa Bansashi nu Bafalisayo,tamukingila mu bukota bw'ighulu. ²¹ Mwongwile bwabulwagha bakungu ,kilo kwita;nu olya u kita akasungulwa na bashushi. ²² Tondo ine, nkubabula buno n'olya washibukila munabo emana kwaghibwa na bashushi; olya ukamana munabo Kikongolo,emana kwaghibwa na lusu lwa matenda; nu olya ukamumana mushile,emana kulekelwa mu kaya kata kashima. ²³ Ndi wicha lukaso lobe ku kasasa,nw'agho wakengela buno muninu ite kitondo nowe, ²⁴ shigha gho lukaso lobe ghantata gha kasasa , nu nda tanga ulongane na muninu; nu kuluka lino wesane lukaso lobe. ²⁵ Longana na olya uwite mulondo nawe,gha kuba mucheli mu nsila ,kubuno whoso anakutalikila kuli shushi,nu Shushi anashwa kukwicha kweli Wimalila matenda,nu unashwa kulekelwa mu kahombo. ²⁶ Nakubula bulili,ntukatuk'omo,ndi ntuligha lumeya lushinda. ²⁷ Mwongwile bwatendwagha :ntutenshe. ²⁸ Tondo ine nababula buno olya waghensha mukashi mu kumwelama,atensha nawe kalai mwa mu mutima waghe. ²⁹ Ndi liso lyobe l'indume lya kulhuta mu bwaghi,lungula lyo,nu ulilekela kulai nowe,kubuno bwatunganana ku weli, kighansa kimoi kilekelwe kushigha mubili wobe unsai kutebwa mu kishiki cha kaya katakashima. ³⁰ Nu ndi kuboko kobe kw'indume kwakulhuta mu bwaghi,ketula ko nu lekela ko bulai nowe;kubuno bwatunganana kobe kighansa kimoi kitebwe kushigha mubili unsai kulekelwa mu kishiki cha kaya. ³¹ Bwatendilwe:Ndi muntu atibita mughole waghe, amweleshe maluba ma malekanuko. ³² Tondo ine nababula buno olya watibita mughole waghe,ndi ta ku nsila sa matensha,nti amughalucha luwawa,nu olya wasonga whoso watibitwagha nti atensha. ³³ Mwongwile lingo bwabulwagha bakungu:Ntu lumbile,tondo walangagha kitondo cha bulili kweli Mukota. ³⁴ Tondo ine,nkubabula buno tamulumbile mw'ighulu u kishumbi cha Ghongo, ³⁵ ali ghansi kubushi u kishumbi cha kubikila mashinshi,ali kutingila Yelusalema,kubushi u musumba munene wa Mwami Mukulu. ³⁶ Ntu lumbile kw'itwe lyobe,kubuno ntu naghalula lushuli lobe lwenge ali kwina. ³⁷ Kitondo chobe kibe naki,naki,to' bo,to'bo ;cha talikilwa kw'icho chatuka kweli mwenge. ³⁸ Mwongwile bwatendwagha:Liso ku lingo nu lino ku lingo. ³⁹ Tondo ine nababula buno ntube na lukakasha na muntu mububi,ndi muntu akusunda lubighi kw'itama l'indume,mughalulile l'ikashi. ⁴⁰ Ndi muntu ashima ku kutalikila,nu ku kunagha lopo lobe,mushighile kankamba kobe. ⁴¹ Ndi muntu akukakisha kwenda nawe masomolelo elefu emoi,nda nawe elefu imbili. ⁴² Elesha olya wakusegha, ntu nanile olya ukulonda kwisombya kobe. ⁴³ Mwongwile bwatendwagha : Ukashima u weli nawe bwighi,nu ukasomba mughini wobe. ⁴⁴ Tondo ine, nkubabula :Mushime baghini binu, mukasanile babo bakubashulila,mukitile masogha babo babaghinika ko,nu museghele babo bakubanubya nu ku bayungya, ⁴⁵ buno mube bana ba Tata winu ,weli mw'ighulu;kubuno akusanya musi waghe ku babi nu ku basogha,nu akulocha mbula ku basanana nu ku batasanana. ⁴⁶ Ndi mwashima babo babashima,lukaso ki lumwaghebwe?Balighi ba palata tabakukitagha ubo nubo? ⁴⁷ Nu ndi mwakasha samba bisakwinu umpanga,kiki kimwakita kitamonekile ko?Batakatisha tabakukitagha nubo ubo? ⁴⁸ Mube kashi basanana,anga bweli Tata winu wa mw'ighulu.