¹ Nevwa bene wetu, lumbaka mu manye vini bye mwangaya ne kusimisa Leza, ne vivyo lye mugweti kola, twa bahuna ne kuhana ne bulozi boshi kuzina lye kabezya mpungu yesu ne kuyata ne kugendelesha. ² Mu izi mubombo ge mikako ge twabaheza mu butambi bwe kabezya mpungu Yesu. ³ Ne bulonza bwa Leza, ne kulelwa kobe; muikenge ne bushwolo, ⁴ Mweshi, mundu ne mundu amanye buihanga mwego mu butakatifu ne mubusi buzimba, ⁵ Buzila buitabizya ku bufwani, nge bandu basimanya Leza; ⁶ Mundu umwe asinga kolela mwene wabo mu buzimba ne kwe twabuhita ne buyemelezana. ⁷ Lumbu Leza asababuza ku busunu, si naho ku butakatifu. ⁸ Nevyo mundu wakema igyo mikako, asa kema mundu, si naho Leza ge watuheza muka ezi. ⁹ Ku bindu bizi lola lukundo lye bene bulongo, musiete londa babasabganile bye nivo; lumbu mwayumuyale mwengwa kwa Leza musimane mundu ne mundu. ¹⁰ Ne vivyo bye mugweti kola butambi bwe bene winu boshi mu macedwane yoshi. ¹¹ Ne kubika bunyemu bwenu mu kulama kwe kanyegele, mu gwailize magambo genu bukola ne malango genu, nge twa babwilile mu mikako. ¹² Ne vivyo vye mugayata nge bandi be mitima mishoga butambi bwe bandu be mbuga, ne usibe ne bukelelo be mundu oshi. ¹³ tusizilonza, bene wetu, muikezi nge bandu basizi kandu nge bandu bali mukalo, lumbu musibe bandu basiete mulangalilo. ¹⁴ Lumbu, mukuitabizya yesu wafwile ne wazuka, uitabizya vivyo vivyo Leza agaleta hamwe ne Yesu bandu babwilile. ¹⁵ Mulole vivyo bye tugwetita butambi bwe lwaku lwe kabezya mpungu ; betui maguman, twasigalila lumbu lye tabone kuvwa kwa kabezya mpungu; tusigatuka malanga nge bandu bafwlilile. ¹⁶ Lumbu, kabezya mpungu gengwa, ne kamangeso kahana, ne izi lye malaika mukule, ne izi lye kibunga kye Leza, igahinga kweshagalulu, ne bafwilile mu klistu bagazuka malanga. ¹⁷ Haguma betu bagumana, twasigalile, handu amwe ne bafwilile tugaya mululu, mubusanganane ne kabezya mpungu mululu, ne vivyo mu ikeze tunjuba toshi ne kabezya mpungu. ¹⁸ Musimile vivyo bamwe ne bandi lulo lwaku.