¹ Muizi mwengwa, benetu, vye bevwi bwetu henu busaaba ne kanyemu. ² Kuhwa ku libika neku tulwa kwe Filipo, vye mubi izi, twa yaangwa ne bubasaa kwe Leza wetu, lumbu tuba longeshe enjili lye Leza, mu bita byoshe ³ Lumbu labajila lyetu lisi bwatile ku kosa, kete neku, kete kandi ku buzimba, ⁴ si naho ku vwe Leza watuyemela tu kwanini ku hebwa enjili, ni vivyo tumuku teta, kete lumbu lwe kusimiswa ne batwe, si naho ku simiswa ne Leza, kizi aku keka mitima yetu. ⁵ Ndako kanjuba, twa teta magambo ge butebi, nge vye mubi izi; ndako kanjuba twa loonga mabi, Leza ali kabonele we byonibyo. ⁶ Tusa shonda kili hanjolye bandu, kili lyenu ne baandi, twali simile tu imbule ne baandu nge basendwa be klistu, ⁷ si naho, twa ijuula bindu binovu mbanze zetu. Ne kandi vye bibibwa bya yangwa bushoga ne baana bage, ⁸ twaali simile, mu bulamu bwetu bushoga ku benwe, isi naho ku hana enjili lye Leza, si naho kandi bulamu bwetu, bizanga mwaali bonekele menemene. ⁹ Mwa kengelo, benetu, mukolwa gwetu;muzuba ne bufugu ku mukolwa, isi ku mubetula kwenu, twa longesha enjili ya Leza. ¹⁰ Muli ba kanele, ne Leza ali genile kabonele, vye twa loonga kwenu kizimu itabizya gambo takatifu, bwasee ne kizi lisinga kemwa. ¹¹ Mu izi kandi vye twaali ku benwe vye mubusi ne baanage, ¹² mukuba tendela kuba holeza ku zata vi kwanine kwe Leza, kizi ahete babuza mu bulopwe bwage ne hanjo lyage. ¹³ Ni kyatuma tumuku hanja ku hyanya mu yanganane gambo lye Leza, vye twa giila mutenene, mwalilonga, kisi nge gambo lye bandu, si naho, nge vye nili bwase, nge ngambo lye Leza, kizi aku kola ku benwe baitabizya. ¹⁴ Lumbu, benetu mwakola baigi be mahelo ge Leza kizi bali mu yesu klistu mu yudeya lumbu benwe nemwe, mwa libbuka ne baneene mabi nge galya ge ba yahudi ba libuko. ¹⁵ bli ba Yahudi ni batisa kabezya mpungu Yesu ne basendwam batu itile, kizi basi ku simishwa ne Leza, kizi bali bago;a be bandu boshe. ¹⁶ Muku tu kinga kuteta ku bapagani lumbu ba lopwe, lumbu bagendeleli mu mabi gabo. Si naho bute bwaba gwata menemene. ¹⁷ ku betwe benetu, kuhwa ku bikwa hasi hofi nenu, ku mwego sinaho kete ku mutima, twa loonga vubavuba bukenelelo lwe kuba bana. ¹⁸ Kqndi twa si;ilila kuya henu, menemene neene Paulo kizanga kimwe ao bibili, sinaho kisigo watukinga nabyo. ¹⁹ Gani ali ju vivyo kalazi ketum ao lega lyetu ao nge kavi lyetu lye hanjo? isi na benwe nemwe, malanga ge kabezya mpungu wetu Yesu ku kanjuba kage? ²⁰ Vivyo, muli hanjo lyetu ne malega getu.