¹ U ahon benywe bakelenge, tulombelele kibalo ,mwanda gwa Kolo ligelelele, no kutumbekwa byonka n'nansilya bi kwenyu; ² tukahande kù bantù basi no sitè, babè, kibalo a bonse be no lùkùjagèlo. ³ Mone Kolo ge Mulùlame, wak'amimika no kumigûmba kwè gùlya ngh'ōnono. ⁴ No betwe twebakujagele Kolo k myanda gyenyu, nte mwakwela monka mwa tumilagelele byonka nte sa mwèle. ⁵ Kolo amilùlèke mitèma gyenyu mukahebwe bùkampwe bwa Kabesha Mpùngù, no kîsiko kya Kilisitu. ⁶ Bakelenge, twakumilagelela popopo mu sina lya Kolo Yesu Kilisitu, getolė malango genyu ku ge gense wa kwêtwa mukelenge wa kwègesha mu lujuga, noge ene kùgya monka mu bisigo bya tumisigèle. ⁷ no benywe mwi bamanye muswelo gùyenene gwa kwètùlondesha, kibalo atwèbashe kwa mulè babùle bwèno; ⁸ No atùlèle kilèbwa kwa muntù ge gense sile; oso kwa masùsù no mujembo, busigi no jùba twèlèle kasi kibalo natùka munyemeneni ge gense wa kwenyu. ⁹ a kwana twabùlwa nsambù, kibalo tulùlèke malango getù kùba kêlèngèlesho kya benywe kùlonda. ¹⁰ Bù kilya kyaba, atùbele ahon enyu, nantè tumilagèlèle gùno mwanda, kwana ntè muntù aso kwela kasi, no kwène kùlya kilèbwa ne kali. ¹¹ Kibalo twa kùtegelela kwana kwè bantù kwa mule bakwègèsha mu bwendalale bwabo, nobo basha hùga kweèla kasi kabo bo bene, nobo bakwèjùngwela mu myanda gya bange ¹² Ahon twa kùbalagelela po popo no kùbalimuna munda gya Kolo Yesu Kilisitu, bële mugèlo mu kikokesi no kùlya kilèbwa kyabo bo bene. ¹³ Mone benywe bakelenge na mukakali lùkùjagèlo mu kwèla bisoga. ¹⁴ No nte kwe muntu ge gense aso kùbèkèlèsha gùno mwanda gwa lùno lùpapùlo, mwitole kwelė, no kwène kubanga, namukabangi nêge. ¹⁵ Mone benywe na mukamubali kùba mulwi nenyu ¹⁶ Ano, Kolo wa talalanya mwine amihe talala masigi gonsė mu majèla gonsė. Kolo abe nenyu masigi gonsė. ¹⁷ Lwimu lwane nene Polo kù kùboko kwane nene mwine. Kano ù kabandelelo kane mu mpapùlo gyane gyonse, ù businti bwane. ¹⁸ Kya bùntù kya Kolo lyetu Yesu Kilisitu kibe nenyu bonse.