¹ Polo, no Silivano, ù no Temote, kù kiwelo kya bena Tesalonika, ki munda gya Shetù Kabesha Mpùngù no Kolo Yesu Kilisitu. ² Kya bùntù kibe kwa mule no talala lïme kwe Kabesha Mpùngù Tata no kwe Kolo Yesu Kilisitu. ³ Balùnda, kiyenene kufwisha masigi gonse Kabesha Mpùngù kibalo kyenyumwanda lwetabeso lwenyu lwa ula bïko ù no bùkampwe bwa muntù ku mwinege bwa ètèkya. ⁴ Bù betwe byo, twaswagala kwa mulè ku biwèlo bya Kabesha Mpùngù mwanda gwa kusumatèkya kwenyu, no wetabesho lwa mule nalo mu tusume no kwètùkesha mu masùsù. ⁵ Bùbo Ù businto bwa bùkalabale bwi mu sitè lya Kabesha Mpùngù, kibalo mubalwe mu balya bayenene kùtwela mu bùkolo bwa Kabesha Mpùngù mwanda mwasùsùka a kibalo kyege. ⁶ Kibalo ni nsambù kùmpala gya Kabesha Mpùngù kumilèpa masùsù genyu kù balya bamisùswèle; ⁷ no kumilèpa benywe ba kùsùsùka ndoge amo nêtù; mu kyaba kya kuhutwelwa wege kolo Yesu kuhima mwigulu amo no mikendi-gùlù ga bukome bwege. ⁸ munda gya kikùkù ka kahya; kuno wa KUlEPA bukalabale bô balya basi bamukokele no balya basha likokele injili lya Kolo lyetu Yesu; ⁹ babo bekakalabelwa mu kusindwa kwa mlemba mbagala, no KUMUTENGWA ku meso ga Kolo ù no bùtùmbè bwa bùkome bwege; ¹⁰ Ge kyaba kyene k'ebwèlèla kibalo atùmbèkwe mwi bege balumbùlùke, no kùtwèkèsha munda gyabo balya bakujagele mu lilyo sigi, ( kibalo kusitekekya kwetu kwetabisibwe kwa mule). ¹¹ Ù ahon twa kumilombelela masigi gonse kibalo ge Kabesha Mpùngù wetu amibale kuba bayenenwe kùtelwaa kwenyu, noge ùèkèlèshe kù buntù byonse bya mubele baninge mu mugèlo gwa lwètabèsho kwa bùkome. ¹² Sina lya ge Kolo lyetù Yesu litùmbèkwè munda mwenyu, no benywe munda mwege, mu kya bùntù kya Kabesha Mpùngù wetù no lya Kolo Yesu Kilisitu.