¹ Yesu ameshwa neghena nabo momiani ame neghena, ² Obwami bwe lughulu bushoshiree no mwami yowa meikumakuma bushana ne kishiishii kyendwaa ya muala uwe. ³ Ame tuma baombe buwe eriangirira bobasha birikirwa mokishii kyendwa, he mobata hikire. ⁴ Omwami emeshwa tuma bandi bandu baambe ame neghena, mubwire boshi bobasha birikirwa. Mulolee konyame busheera kalyo muminye konyame basheera ibi kwirire songa nesombuli byatse kerwa nebyoshi bitayarishibwe, muhike mobishiishii bye ndwa. ⁵ He bandu aba bame sheka bame iendera muuma kokishwa liwe naindiko mobutsurusi buwe. ⁶ Bobashashibire bamensimbabo ne baombe buwe bame olerabo kibi neri'tabo. ⁷ He mwqami ametsibuka. Ametuma baserekani buwe bamita bitiabo neri okya muyi wobo woshi momutsanwa. ⁸ Aho ame bwira baombe buwe kyendwa yahikako, he bobasha birikirwa nibata tolere. ⁹ Okwaho muende hohali muhindano wesonjira soshi, mubirikire bandu boshi kobyame tolera erihika ko bishiishii bye ndwa. ¹⁰ Baombe bameya monzira nene neri neriangirirabo bandu boshi bobasha lolwako beba kwirire ne babi. Naho endwa yamichulamo bagheni. ¹¹ He mwami abere abingira eri lola bagheni abere ashunga mundu muuma youtambere lukimba lwendwa! ¹² Omwami ame mubutsa, mwiraye ushahika munomute nutambite lukimba lwe ndwa? Mundu oyu mwatashubitse kinwa. ¹³ Aho nimo mwami amebwira baombe buwe mumine mundu oyo komaboko noko bishando mumuushe yombua yo iri mutsimya, eyoo yoiri erirera na rishia meno. ¹⁴ Bushana bandu bangi bama birakirwa naba shombwere ni bake. ¹⁵ Aho Bafarisayo banda eri yaamushahera kobanga mutsimba mo binwa biwe. ¹⁶ Aho bamatuma biababo hauma na ba Herode bama neghena, bamamubwira Yesu, mukangiritsi, tuneetsi iweye uli mundu we kweri, kandi tunetsibwe kauna kangiritsa ebyo mungu ashodire kwerikweri. Uta hangaikire nebwenge bwaundi mundu kandi uta irire ndoolii kobandi bandu. ¹⁷ Aho utubwire uanitsaki? Ah, ah litindinwe eriha bakarani palata aohi? ¹⁸ Yesu ameminya bibi bya kandi ame neghena bushana naki uwite kyounyishako, bushanaki mulingye luhande hande? ¹⁹ Munyikangye so faranga sosina lihira palata ! Aho bama muletera Dinari. ²⁰ Yesu amebutsa bo, busuubu nelitsi neri nibwa ndee? ²¹ Bameshubya nibya Kaisari, nimo amebwirabo muhe Kaisari biwe nebye Ongo muhe byo Ongo. ²² Babere bamonvwa kinweeki bame sangara. Aho bame mika bama iendera. ²³ Kiro ekyo bangi baba Sadukayo bame hika howa Yesu, bama neghena hatali shuba kobobafwiree, ²⁴ Bame neghena, mukangiritsii musa mwaneghena, hali mundu amafwa bitabuta bana, muala wabo nemu fwirwa amule mwana bushana na muala wabo. ²⁵ Habaa nibabutirwa ba linda. Owe limbere ame hikya kandi ameshwefwa bitsiri buta banaa. Ame mikira muala wabo mukatsi ewe. ²⁶ Kandi muala wabo we kabiri ameira batya batya, kandi wakashatu kwamebya kutya kutya eri hiha howa Kalinda. ²⁷ Bama malikolebyio boshi mukatsi oyo naye amefwa. ²⁸ Aho erishubaho endeba mukatsi wande kobalindaba? Bushana na boshi mobamu hikya. ²⁹ He Yesu ameshubitsabo neribwirabo, mwame bushirwa bushana nimutetsi ebi handikirwe ne maala we Ongo. ³⁰ Bushana mokiro kyeribyaho hatali tahya neri tahibwa, okwaho bandu bendebya ngakuno bama ihika eyo lughulu. ³¹ Okwaho bushana neri shubaho kobobafwa, mutetsi mwa soma ekyo Ongo ababwira kwimwe ame neghena : ³² Ingye nyiri Ongo wa Abrahamu, Ongo wa Isaka, Ongo wa Yakobo? Ongo ate Ongo we banfire, ni Ongo we baliho. ³³ Mondambi muhindani babere banvwa ebi, wasangara kwakangiritsa. ³⁴ He Bafarisayo babere bonvwa ngoko Yesu ametsiryabo ba Sadukayo bame hindanya hauma ibo kwibo hauma. ³⁵ Muuma wabo mundu we miambo amemubutsa niamutinga. ³⁶ Mukangiritsi ni muarabo ki walengise indi miambo yoshi mokitabo kye miambo? ³⁷ Yesu ame shubwa, lipendire niwa mupenda mukulu kulu ko mutima noko konfunfu nako bwenge bwawe boshi. ³⁸ Eyo miabo nyikulu neye limbere. ³⁹ Neye kabiri ishoshire neyo litolere iwa mwanza mulikyenyu ngoko uyanzire. ⁴⁰ Miambo yoshii naba shomboli boshi baemere ko miambo yi biri eyi. ⁴¹ Ne Bafarisayo niba tetsi bayi kumekumoe omo Yesu amebutsabo. ⁴² Ame neghena ah mwana anitsaki busha na Kirisito? Iye ni mwana wa ndeno? Nabo bame shubitsa ni mwana wa Dawidi. ⁴³ Yesu ame shubitsabo mbeni biribite Daudi nomutima Dawidi ame birikira mukulukulu neri neghena : ⁴⁴ Mukulukulu amebwira mukulu uwe hira bobata twanzire hishi wa bishando byawe. ⁴⁵ Ye Dawidi alimebirikira kirisitu "mukulukulu" bateno mowangabya mwana uweno? Wanga mushubitsa na hatali yowanga musubitsa kubutsa kutoka. ⁴⁶ Hatali mundu yowangashwa kokya erimubutsa kinwa kandi hatali yawashwa pima kandi neri mubutsa kinwa kutokako biro ebyo kuhika neri endeleya.