¹ Yesu amebirikira abiabuwe ikumi nababiri hauma neri habo obutoki bweri haira esombinga. Emihanda yoshi ye sombinga ne mihanda yoshi ya makoni. ² Amatsina wa bakwenda ba Yesu wano omumbere ni Simioni oyubirikirwamo Petero owa kabiri ni Ndereya muala wabo Petero owa kashatu ni Yakobo muala wa Zebedayo na Yoani muala wabo : ³ Na Filipo na Baritelemayo, na Tomasi, na Matayo omukongotsi we Palata, Yakobo muala Alujayo na Tadehi, ⁴ Simioni munya kanana na Yuda Iskariote oyo wahotera Yesu. ⁵ Erikumi na babiri Yesu ametumabo inia kangyabo inia neena ati mutaendaa okomunda wa bapanyifu, mutingiraa no momiyi yabo eya basamariya. ⁶ Ohonyuma kwiye muende eyirie shombuli samali rihera esomo nyumba ye Isiraeli. ⁷ Ati, mukana enda, muhubiri nwo mu neene muti, obwami bwe lubula buli hofi. ⁸ Mulamye abakoni, mulubule na baholi munabye ababenzi, muhayire esombinga, mwama habwa busha nemwe muhane kubusha. ⁹ Mutahekaa esohoro, nesofuranga shenyu, ne shaba omo soshaho shyenyu. ¹⁰ Eshaho mutahekato okoluendo lwenyu, kushangwa eso ngimba ne birato, ne mitso yeri enderako, kushangwa oyukola yuna tolere inialya akalyo kuwe. ¹¹ Omobuli muyi kuche mulongo mwandahika mushondemo mundu muuma oyu tolere mwikale ohowe mupaka ishubula. ¹² Muketsie abandu mwahika omo nyumba, ¹³ mwingire omonyumba eya matolere, obuholo bwenyu bushibeho alakini enyumba itatolere ni mwashubula no buholo bwenyu. ¹⁴ Nowa matinda eribupokera, nerihulikiritsa ebinwa bwenyu oko ndambi omutoka oko muyi oyo, ni mwakunguta amaulwenyu mwatoka oko muyoyo. ¹⁵ Kweneneko enibabwira ko byendeba ngeri isingya singya, lwe Sodomo ne Gomora erichwerabo kulenge omuyoyu. ¹⁶ Shunga enibutuma nge sombuli omo katikati ka manyambwe nemwe, mube bolo nge sonzoka kutse nga makuku. ¹⁷ mumbe ne mitima iholokire mwende twalwa omo mashenge mwanda humbirwa omo mashenge. ¹⁸ Mwanda twalwa embere shya bakuku, na bami bushana nangye, ni bereretsa kubo na kobapanyifu. ¹⁹ Bandaba babukunanga embere ya bandu nimuta shishira nineena bingi. bushana ebinwa byeri neena mwanda habwa byo kondambyiyo. ²⁰ Bushana mutalimwe momwanda simola omutima watata wenyu wowanda simulira emwishi yenyu. ²¹ Omundu andimana neri binduka nerita muala wabo. Nishe okomwana, na bana bandalenga oko bubuti babo, neri qshonderabo oluholo, ²² newe mwanda tinwa, bushana neri tsina lwaye. Omundu wanda isimasima okwihika kera omu ndwongu ende shabulwa. ²³ Mukanatibitwako omo muyi ono munashaira mala emiyi yoshaya Isiraeli omwana wo mundu iniatetsya hika. ²⁴ Omia atali mukulu kulenga omukangiritsa uwe. omuombe atalengitse, mukulu uwe we murimo. ²⁵ Endambi omwiha ahera iwata ngo mukangitsa uwe, no omuombe ahera iwata ngayo mukulu kulenga omwami uwe uminye esombinga ni sama malingira omo nyumba. ²⁶ Anibwira mutubahabo hatali mwatsi andabishama obulimwatsi abishamire ende huluka. ²⁷ Ekyo ni babwira omo mwitsimwa, mu neene cho omo mwishi, necho muhulikya omo matwi, nga nama mwitsi fulao kushe. ²⁸ Mutabahaabu, abangita omubiri batanga kola oko mutima, mabahe, neri kenga oyo uwite oko butoki bwe bwerihetsa omutima no mubiri omo kyuna kyo muliro. ²⁹ Ezo, shyo ngushwi biri shi talie shiulwa ku bichere bike? hatali wangakonoka tata inyatetsi. ³⁰ Lakini mumunye esonzwiri shenyu shianjire. ³¹ Mutubahaaa kundi mumwite ngumbu nyingi kulenga eso ngushu nyingi. ³² Obuli muuma uwandani kiritsa embere shya bandu na ngye nanda mwikiritsa embere ya tataye owo mumbingu. ³³ Ewo, niti oyo wanda nitinda embere yabandu nangye nanda mutinda embere ya tata oyuli omo lubula. ³⁴ Imutaanitsa mbu nahikaa nienireta buholo omo kihuo muno, ndaletaa buholo, lakini amalwa. ³⁵ Kubusha nahikaa erihira omundu alwe nishe nomu nya chala no muhunga. ³⁶ Enzimba uliyo mundu andaba womo nyamba iwe. ³⁷ owandaba iniatsi ire ishe kutse nyinya kunirengaa tanitolere noyo wamalaha kumuala kutse mwali atani tolere. ³⁸ Oyu tanga heka omusalaba, neri nikwama atanitolere. ³⁹ Oyo wanda shonda obuyingo buwe anda hetsabo noyo wanda hetsabo bushana nangye ende shungabo. ⁴⁰ Oyo wanda ba angirira iniama nyangirira ingye. Noyo wanda nyangirira iniama ngirira oyo wanitumaa. ⁴¹ Noyo wama ngirira umume nyeretsi bushani ini mumenyeretsi anda habwa luhembo olo mundu we kundukundu. ⁴² Ohoshi hoshi owanda muha muuma wa bandu baye aba bolwata lwa metsi mufu wirwa, bushana ni mwiya. Omundu atangasha kindu kyoshi ngo luhembo luwe.