1 Kiro kiuma Yesu aenda ashabira abandu halebe.abere amala isha,muuma woko bia buwe mwamubwira ati : Yoani ninyakuwethu,nawe kutyo tukangiritsye ngako bana shaba Ongo. 2 Yesu mwabutsyabo ati :Muli omushuba Ongo muenda omuneena muti :Thata, eritsina lyawe litsingibwe!Obutieki bwawe buhike! 3 Uende utuha akalyo kethu ke biro byoshi. 4 Uwende utuanyira ebitsibu byethu, kushangwa netwe othuanyira abo batukolera bibi.Utaenda utushiya twingire mulingwako. 5 Yesu mwashuba bwira abia buwe ati :Tulolere ko muani Oyu: Mundu muuma wakwimwe angayira mwira. Omwira oyo nimuhikira mo kati ke kiro ni mubwira ati : Mwiraye,nyibweke mikati ishatu, 6 Kushangwa muuma woko bira baye amanyihikira nyatoka mo luendo, Nangye niawite kalyo kimuha. 7 Oyo uli mo Nyumba Mwamushubitsa ati:Utanyikendetsaya , nyamalire ikinga oluyi, Ingye na Bana baye twamalire onjera.nyitangashuba imana bushana nikuhe mukati. 8 Enyibabwira nyiti mwangatinda imana nomuyaa emikati bushana nibwira, he angimana nimuha ebyoshi ashashire bushana nobuhatikani buwe. 9 Nangye Enyibabwira nyiti :muende omushaba nimo mwahabwa,muende omushondya nimo mwabona, muende amukongota ko luyi nimo mwakingingulirwa. 10 Kushangwa Obuli mundu yo ushaba yo unaenda ahabwa, noyo ushondya yo unabona. Noyo ukongota ko luyi yo unakingilirwa. 11 Ishe ndi womwana mokati kenyu yo muala angamushaba ihere niamuha njoka? Hatali! 12 Kutse Kandi indi yo mwalauwe anga mushaba Iyi niamuha nge?Hatali! 13 Na mo munali babi, he mwetsi iha abana benyu bo bindu bikwirire.Aho isho yo uli mo lubula atindaende aha omuthima mweru bo banaenda bamushabawo! 14 Kiro kiuuma Yesu aenda abinga mutsimu wayiraa mundu muuma mo kitsiru. Omutsimu Oyo abere athoka ko mundu Oyo, Aho naho mwatanga ineena momuhindano abandu mo bashweka kutsibu. 15 He bauma mo bandit abo mobaenda ba bwirana bati: Omundu oyu ni Balesebuli, Omukulu we mitsimu yo inaenda amuha amaka wibingaro. 16 Abandi babyaa niabashondya imulengako. Mobamushaba akolerebo bitikotiko kiuma Kyo kitoka elubula. 17 Hewethuwe Yesu abyaa abyaa namamala iminyaebiri mo mitima yabo. Mwabwira bo ati: Abandu bomo bwami buuma bamalwa ibo kwibo, obwami obo nibwatera. Nabandu bomo luanda luuma bamalwa ibo kwibo, oluanda olo nilwamashubukala. 18 Aho, Sitani amabya angayilwisa yowene, obwami buwe bwashubimana buti ? Enyineena ebyo kushangwa omuneena muti : Enyibinga emitsimu ko Maka wa Balesebuli. 19 Nyamabya nienyibinga emitsimu mo maka we Belesebuli, aho abana benyu nabo abanaenda babingaro mo maka wandi? Bushana nekyo ni abana benyu abo bobandabasoha. 20 He ingye,ali mo maka wa Ongo wonyibingamo emitsimu, nineena mbu o Bwami bwa Ongo bwalire ibahikira. 21 Omuulu omundu wakaala awite ku ku bimano bya malwa ali ataya omwe, obushoki buwe ubunabya nibuteyibwe kubuya. 22 He Undi mundu youwite Kaala kwimulengya amahika imuako nimukinda,Aho angashamula omwenyenyumba ebimano bya malwa ebyo atayihinihire niaba ebindu byoshi ata munyaa. 23 Oyo utali ko luhande lwaye, nziu aye. Noyo utalianyiwatikya kwikumakuma napanza. 24 Yesu mwashuba neena ati : Mondambi mutsimu mubi anabya abatoka ko mundu andaenda atimbatimba mo bwarara niyashondya Aho angaluhukira.Amabushaho nianeena ati:Nyashuba monyumba yaye nitashuba tokamo. 25 Amabya ashubamo ameyaro Niyamabitsimbwa nikomibwa kubuya. 26 Bushana nekyo omutsimu Oyo anayenda yindi mitsimu irinda mibi kutsibu kulengya iye.Eyoshi niyingira monyumba eyo niyikaramo.Aho Omundu oyo emibere yiwe niyabya mibi kutsibu kulengya emibere yiwe yimbere. 27 Mondambi Yesu abere anemuneena Ebinwa ebyo mukatsi muuma mo muhindano mwahambala ati : Omukatsi yo wakubutaa nikwongya aashanirwe! 28 He Yesu mwashubya ati: He abo baashanirwe kundu kundu nibo banaenda abonvwa ekinwa Kya Ongo nikola ngako kineenire. 29 Mo ndambi nandi bangi Babere bahindana ho Yesu abyaa, mwabwirabo ati: Abandu bomo muulu ono ni babi!Abashaba kiminyikalo. Hewethuwe hatali kiminyikalo bandakangibwa kitali ekyo muminyeretsi Yona. 30 Yona abyaa kiminyikalo ko bandu be Jiniasi.Nangye muala wo Mundu, kutyo byandabya kiminyikalo ko bandu ba Munobwire. 31 Mo kiro kyesohi omuole watokaa ko lunda lwa kihya andalubukira hauma nemwe bandu bamunobwire bushana nibasitaka. Kushangwa iyi atokaa hale kutsibu bushana nionvwe Ebinwa byobutheekania bwo mwami Solomona.Mwenvwe! Hano hali mukulu kulengya Solomon! 32 Omukulu ekiro kyoshi kyandabyaa kyahika,abandu be Ninawi nabo bandalubukira hauma namwe bandu bamunobwire ni basitika. He abo ibo babere bonvwa Ebinwa byomuminyeretsi Yona akangiritsyabo mobabinduka itoka mo bitsibu byabo.Monvwe kulengya muminyeretsi Yona. 33 Yesu mwashuba neena ati :hatali mundu yo unaenda anokya etara nibisharo,kutse kutse nishwikaro kitonga. Hewethuwe niahiraro kwihango, nimo abandu bobingira monyumba balole ku kyakakala. 34 Amesho wo tara yo mubiri,Amesho awe amabya atalwere,omubiri wosho niali mo kyakakala. He Amesho awe amabya nialwere, omubiri awe nawo niabya mo mutsimya. 35 Bushana nekyo uyiteye Kushangwa ekyakakala kiri mwimwe kitahinduka mwitsimiya. 36 Omubiri awe woshi amabyaa ali mokyakakala, hamabya hatali kitambo kirimomwitsi,yinaendaeyikukoletsyamokyakakalakyaro. 37 Yesu abere amamala ineena Ebinwa ebyo, Mufarisayo muuma mwamubirikira ayalye kolyokomwe.Yesumwingiramonyumbanamoatanga irya. 38 o Mufarisayo oyo mwashweka abere ashunga Yesu komwalya mutanabako minwe. 39 Aho Ninyakuwethu mwamubwira ati :Imwe Bafarisayo amuanaenda mushunga enyuma yo lwata na ye mbale. Hewethuwe mo mitima enyu muchwire ngumbu yo mwitsi ne bindi bibi. 40 Imwe muli tuhumo!Mutechi koyo akomyaa yotwata na yembale niye yowanakobyaa nomwishi watho? 41 Ebyo biri mobindu ebyoomuwatikya mubyo bobatsene.Aho nebindu byoshi byatsimbwa bushana nemwe. 42 Muli balio, imwe Bafarisayo !Omunahana ekiuma kyikumi ,kyakandambuka nasoshoo, nesindi nyinyi,he omunaenda omusunzuura ikola ebitunganene, na butatsiira Ongo. Naho ni ebyo byo mwangaendire omulola,butalika ihana kiuma kyakumi kyebindibindu byoshi ebyo. 43 Muli balio,imwe Bafarisayo !Omunanzaerikalako kokifumbi byembere mo so Sinagogi . Nakandi omunanza abandu baende abaketsya nelushikyo mihindano . 44 Muli balio!amunabya ngamasinda wataliko kinyikalo,owabandu abanalyatanga kuwo butaminya. 45 Mukangiritsya muuma womuomba Mwabwira Yesu ati :Mungiritsya,ulioneena utyo ni outukamba. 46 Na Yesu mwashubya ati:Bulio kwimwe bakangiritsya bo muomba! kushangwa omuhekya abandu bwemitsiyo itsitohire,Kandi nimutangakola na kuro ko mo mimwe enyu. 47 Bulio kwimwe ! Kushangwa omuhimba amashinda wabaminyeretsi bo bitawa no bosho. 48 Aho omwimirana nabo sho bakolaa, kushangwa mobita abaminyeretsi, nemwe amuhimba amasinda wabo! 49 Bushana nekyo Ongo muteekania liwe mwaneena ati : Nyandatumirabo abaminyeretsi na batumwa.He bandaenda baitha bauma ba mubo ni nubya bandi. 50 Ni bushana nekyo omusasi wa baminyeretsi boshi bitwaa itoka kwibumbwa lyekihuo,andabya ko mutwe wa bandu ba Munobwire. 51 Obwiti obo bwatangaa Ku Abeli ihika ku Sakariya yo bitiraa mo Nyumba ya Ongo mokati kati ko butara bwerihererako nahandu ha buirire. Ea, Enyibabwira nyiti omusasi wabandu boshi aba andabya ko mutwe enyu imwe bandu bamunobwire. 52 Muli balio bakangiritsya bo muomba!Omunabisha abandi bandu bolufunguro bushana batingiraa aho bangiyira iminya Ongo. Imwe bene mutali omushondya ingiraho,nabobashondya ingiramo omunakikirabo. 53 Yesu abere atokamonyumba eyo, abakangiritsa bo muomba na Bafarisayo mobakapikira busha naye nimubutsyabutsya bingi. 54 Baenda abanashondya imulengako nimo babona kyo bangimanirako kwimwisitaka.