¹ Ye Petero na Yohana babya nebaya omonyumba kosaha yi hema, saha mwenda. ² Nundu mulebe, kirema kwitoka eributwa, abya nanahekwa biro byoshi na na onzeribwa oko luyi lwe nyumba yaongo eyabya ihirikireuamo mzuri ishaba bihembo kwitoka kobandu abaenda binyira omo nyumba. ³ Amashunga se petero na yohana nebahika iyingira monyumba, mwashababo bihembo. ⁴ Petero, amamulola, kuuma na Yohana, mwaneena,"utushungitwe" ⁵ Kihema kyamashungabo, nekianitsa ibona kindu kyo kubo. ⁶ Petero amaneena,"Sofuranga ne horo ingye ndawito, hewetu kyoshi kyoniwiteko nakuhakyo. Ko ritsina lya yesu kirisitu we nazareti, uwende." ⁷ Petero amamuwatako komuboko wa malyo, na amamushumba luulu; Aho naho bishando biwe ne bifuko bya mafuha awe byama bona kaala. ⁸ Amauluka eluulu, omunda kirema mwimana nitangira iyenda; amingina omanyumba kuuma na petero na yohana, naenda, nauluka,, nipipa ongo. ⁹ Bandu boshi nobamushunga naenda nipipa ongo. ¹⁰ Bamaninya koniye yo wandabya nanikala okoluyi mpuri lwe nyumba; nobashulamo ishweka kokya hulukaa kwiye. ¹¹ Ngokwabya ama watana na petero na yohana, bandu beshi hauma bamatibitira kokiraro ekinahulwamo sulemani, nebashweka kutsibu. ¹² Petero abilolatya, iye amatsabisa bantu, imwe bandu be isiraeli, bushananaki emushweka? Bushanaki emulotsa neshwenyu we yotuli, tutama mukola ende mukaala ketu twebene ao kwikiritsa lyetu? ¹³ Ongo wa ibrahama, no wa Isaka, no wa Yakobo, ongo wa thathetu, amamupipa mutumwa wa yesu. Omo yowabyaa mamahanwa ne ntindwa mbere wo busu bwa Pilato, hewetu abya namamulekera kyakakala. ¹⁴ Momwamutinda mwerire no mwenye kwenene, naho nwa shonda omwiti alikwe busha, ¹⁵ Imwe momwamurita mwami wo buingo, yo ongo amafukya kwitoka ko baholi itwe totwa byabo kobinwebi. ¹⁶ Kwi kiritsa ko ritsina liwe, omundwono yo mushunga nimuminya wayirwa ibya na lyakwenene, mberenyu moboshi. ¹⁷ Ewo, mwaletu, ninetsi komwakolaa mubutamanya, kobaira batyo bakula benu. ¹⁸ Hewetu bindu ebyo ongo abwiraabo embere ko banu bwabaheretsi boshi, ko yesu ono andaalwa, ewo amakoletsabya. ¹⁹ Kebo, mushape shashi na mufinduka ebibi byenyu sibone eritokibwa, sihike sondambi seri shata esitokana na nyinyakuwetu. ²⁰ Na akotse tuma ye kirisito yo wamabyaho bushana nemwe, ye yesu. ²¹ Yo lubula lwanga kotsa imupokera kwihika hobyanda bulukubwa kobundu byoshi, byo ongo arimoleraa kena kobunu bwa baheretsi berire. ²² Kokwenone musa mwaneena, nyinyakuwetu ongoo andimanya muheretsi ngangye. ²³ Byanda huluka obulimundu oyutonuwire komuheretsyonoanda bihubwa kundukunda atoke mo bandu. ²⁴ Kwenene, na baheretsi boshi kwitanga ku samueli na bakwamaa, nobasimola ni fulapho kwihika oko biro bino. ²⁵ Imwe mulibana babaheretsi na bendaane nabo ongo akomaya nabotatakulu, ngokobyaneenawa na Abrahamu, mokati ke mbutwawe na nyiwanda soshi sanda sandaashanirwa. ²⁶ Itokaho ongo kwimurukya omaombe uwe mwata nga erimatama ewenyu, abahiriko muisha kwibinduka ne rotoka omobibi lyenu.