¹ Ekitabo kyakera nya shakaa, theofili, nyama ebyoshi yesu ebya anzaa eri kola neri inzia. ² Kwihika kokiro denda elubula. Ebimobyabya embere weri habwa miambo ne mutima mweru na bia bwa bia nimashombola. ³ Abere atsuka mo bwaazi, amashungika kubo inineho kandi niite ko biminyeretso bingi byama komerera, kobiro makuma ne, amashubibwa kubo, amasimola no ko bwami bwa Ongo. ⁴ Abere ahindana nabo, amabwira bo ati; mutatokaa eyerusalema, hewetuwe balinde endaane ya thatha, eya neenaa, yo mo nuao itoka kwi ngye. ⁵ Ambu yohana mwe libika kushe mo metsi, hewetuwe mwa libikwa mo mutima mobiro bike bino. ⁶ Babia bamali nindana naye bamamubutsia bati; nyinyakuwetu eno yondambi eyo wa shubulitsia isiraheli bo bwami bwabo? ⁷ Iye amabwirabo ati; bitakwirire kwi mwe eriminya endambi ne biminyiritso obo thatha ashonda ko butoki buwe. ⁸ Hewetuwe mwa nda habwa kaala endambi mutima mweru andabia eluulu wenyu, nemwe mwandabia ababaho baye ehoshi eyerusalema ne yudea ne samaria kwihi ka muhetso we kihuo. ⁹ Nyinyakuwetu yesu amali neena ebyo nibanalolire eluulu, iye amashumbwa eluulu, nekitu kya mamushwiki batanda mucolako momesho wabo. ¹⁰ Nebane mulola elubula ngoko aenda, hamatokera bandu babiri ba mimana hokati kabo nibambite ngimbasia mushohe. ¹¹ Bamaneenabati; imwe bandu be galilaya bushanaki mwimene hano ni mulola elubula? yesu owu yowa miruka eria elubula, andashubula ngoko maenda momesho wenyu elubula. ¹² Naho bamashubula eyerusalemu itoka kokitwa ekye mizeituni, kyo kiri hofi ne yerusalema, hofi nekiro ekyo sabato. ¹³ Babere bahika mo nyumba eye luulu ho babia ni bikere nabo babia, petero, yohana, yakobo, anderea, filipo, tomasi, bartolomayo, matayo, yakobo muala wa alfayo, simoni zelote na yuda muala wa yakobo. ¹⁴ Aboshi mo batsimbana nga mundu muuma, noko muhwa bamashiba mo mahemo. huma nabo mwabia bakatsi, maria nyina wa yesu na baala babo. ¹⁵ Noko biro ebyo petero amimana mokati ka baada babo, bangana iana na makumia biri neri neenati. ¹⁶ Balikyetu yabia kushe amashako aonere ebyomutima mweru mo bunu bwa daudi kubushibwa yuda, oyo wabwira abo ko bobatsimbaa yesu. ¹⁷ Bushana abia muuma witwe mwabona neliabo liwe ko mwongerero we kiabiro kiwe. ¹⁸ Hewetuwe omundu oyu mwaulahandu halebe oko kya bo naa kwishabulwa liwe naho mwatoera ko mutwe, nomubiri amahuta ne bishali bya mashungika ni shekahiki. ¹⁹ Aboshi ebe yerusalemu mobonua ko mwatsio na handu aho bamanulaho no muneene mbu; akeldama inelinilishwalia sheemai. ²⁰ Nomukitabo kye sonyimbo kinahandikire ambu; ohwanikala habye butsira mundu. Nomundu atanda kalaho; noundi mundu atsimbe ubwimaniri buwe. ²¹ Kikwirire, naho muuma woko baira obotwabia nabo ko ndambi nyinyakuwe yesu abia ingira neritoka mwitwe. ²² Kwi anzira ko lubatizo lwa yohana kuhika kiro ayaa eluulu, kandi nibia yowabiaho kwifuka hauma netwe. ²³ Ba ma hira baira babiribe mbere, yusufu anabiri kirwamo barnaba, ka anabirikirwa mo yusto na matia. ²⁴ Bamahema neri neena bati; iwe nyinyakuwetu wo wetsi emitima yabandu boshi utuka ngye ko babiriaba nga nindi yo wa masho mbolwa. ²⁵ Eritsimba hangu aho wituma, ho yuda akolera bubi neria ho wuwe. ²⁶ Bamashombola bushana nabo, nerishombola limatoera ku matia amaanzwa mo bandi batuma kumi na muuma.