¹ Mungumwa nihika ohowa mukatsi omushombolwa na bana buwe, obo nitsiyire, omo kwenene kandi ndengye ingyo wene. Na bushana na boshi abetsi amatengekan'ya we kwenene. ² Na bushana ne kwenene ingire emwishiwethu, kandi ya ndikala hauma netwe ekera ne kere. ³ Obuholo ne rishashirwa okobikiritse bya ndaba netwe okwitoka kowa Ongo tata no kwitoka kowa Yesu Kirisito. Muala wa Ongo omo kwenene na lukogho. ⁴ Ni moyire kutsibu ngoko na mabutula kibuanano kya bana, kiitsingire omokwenene ngoko itwe twangiriraha ekilayiro ekiitoka okowa tata. ⁵ Ewo enikubwira iwe omukatsi, in'yataba ngama kuhandikira kindi kilayiro kihya kihya, tse kyene kilayiro kimbere twabaa nakyo ngoko tutolere ni twatsiirana itwe kwitwe. Nolu lokogho twanga kwama ishoshekan'ya ne miambo iwe. ⁶ Eki kyokilayiro ngoko mwomvaa okwitsuka erimbere ngoko mutolere imwaitsingira mukyo. ⁷ Bushana babesi bangi bameshanzaana omokihugho kandi batikiritse ko Yesu Kirisito komwahika omomubiri oyo yomubesi kandi yutinda Kirisito. ⁸ Uyishunge iwowene omomitima enyu mutangahetsa ebinwa bimbere mwakolaa, ewo nimomwatoka eryangirira oluhembo lwenyu. ⁹ Owoshiwoshi, oyu itsingirira embere kandi in'yatikere na momahano wa Yesu Kirisito atawite Ongo, oyo wamaitsingirira omomahano awite tata no mwana Yesu Kirisito. ¹⁰ Omundu akanahika okowenyu atalite amahano imutamwangira omomiyi no monyumba enyu kandi ni mutamuketsa. ¹¹ Kundi oyumuketsa inishangira oko mikolere iwe mibi: ¹² niwite myatsi mingi yikuhandikira ewondanzire ikuhandikira oko karatasi no mokalamu. Ewo enilalitsa ihika okowenyu, tusimole. Busu kubusu kundi erimowa lwetu liirwemo elwe kwenene. ¹³ Abana ba mwali wenyu omushombolwa bamabuketsa.