¹ N'aboshi abahekire omutsigo w'obugombe baminye abakulu babo ko batholere lushikyo kushangwa eritsina lya Gongo na makangiritsya athahangibawa. ² N'abakulu n'abo bathabushaga erishikya abakwamirebo bushana n'eribya bagala n'abagala, he wethuwe bakolerebo kubuya bushana n'ibathumwa kandi ni bagalabethu banzirwe bobakoleragabo ebibuya, ikangiritsya ebindu ebi n'ikashirabyobo. ³ Mundu mulebe akangirtsya amakangiritsya w'emabetsi kandi ni athe omo makangiritsya w'ekwenenewa Nyinyakowethu Yesu Kristo n'oko makangiritsya walingene n'obweru. ⁴ Alimo obuhaka athetsi n'ekindu kandi omuthwe wuwe alwere omo bye bushabusha n'obuhaka bw'ebinwa hohana thoka amalio, amalwa, inegenanegena, n'emianitse mibi. ⁵ Abandu abawithe obuhaka bubi nibabi omomibere yabo ababishawa ekwenene, n'erianitsa oko bithunganene n'erishondamo obushoki. ⁶ Obuthunganene haguma n'erimoga n'eshoko nene y'obushoki. ⁷ Kushangwa mothuthaletha kindu omo kihugo hathali kyo thwandaheka ⁸ Thwa bona akalyo n'esongimba ebyo bithutholere ⁹ He wethuwe abobashonda obushoki abanathogera omw'ilengwako n'omomithego mw'iyitsutsa bingi by'obuthyobutyo n'ebyerihatsya byobinathogetsya abandu bo mw'ithera n'omwihera ¹⁰ Kushangwa eritsigira ebithwe ni nzira ye bibi byoshi n'ebaguma kubo bamaliribya hale k'olwikiritsyo bayigushire bobene m'obuligo. ¹¹ Okw'iwe mundu wa Gongoshaga ebindu ebyo ushondye ekwenene, mweru lwikiritsyo, lukogo, ndindiritsi bulonvu. ¹² Uyitsinge omomalwa w'olwikiritsyo ubone obuyingo bw'ekera n'ekera, bo wabirikirirawako bowikiritsaya kubuya embere s'abandu bangi. ¹³ Enyikuhana embere sa Gongo oyuna hana obuyingo oko bindu byoshi n'embere sa yesu Kristo oyo wikiritsaya embere sa ponto Pilato ishikya amahano. ¹⁴ W'ibyaho omo kwenene butsira kibi okw'ihika oko ndambi nyinyakowethu yesu kristo andashungika. ¹⁵ Oyowandakangya mo biro biwe andashashayo utholere ubukulu; mwami w'abami, Nyinyakowethu w'obonyinyakowethu. ¹⁶ Yowene y'uthindafwe ekere omo kyakakala kithangahikwamo ekyo mundu n'omuguma athashungika nakyo, iye y'uthatholere ishikibwa, maka w'ekera n'ekera bibye bthyo. ¹⁷ Uhane abashoki bamunobwire bali omo obukaka bathahiraga wabo omo bushoki bwabo bo bwandatsuka; he wethuwe bahire amaha wabo w'omu Gongo y'uthuha ebyoshi byo thumogera. ¹⁸ Hanabo ikola bibuya, ibya mushoki mw'ikola kubuya n'obweru bw'erihana kutsibu. ¹⁹ N'erikuka ko byoshi wandahika obuwithe ngingi itsibuhire n'imo bandabona obuyingo b'okwenene. ²⁰ O Timoteo theya ekigona mika ebinwa ebithatholere. ²¹ N'obuhaka bw'omo kihugo bobuleka ebaguma baguma n'ibayithokya omo lwikiritsyo, olukogo lubye nawe.