¹ Mukulu, kwa Gayo Mwinami, nikuswene mubinebine. ² Mutande, nakukulombela ukwashubwe abuli bwa mianda yonso na kuikala na kutintila kulumbuluke, ginsi pana tima diobe bidyakusaidiua bwa . ³ Buludi nibekuswa sana kitati byanali kusagulubwa na batandwa babekuya na bukatakukilila bine bine bobe, ginsi ya ntembelo yobe yakunu kwine. ⁴ Nipwe musanku gukata kukilila yeyi kutenena mwage bana bami bakusimuka mubinebine. ⁵ Muswe, lonagenda mubalukuigilo lonabavugula batandwa na bampwani, ⁶ Bababo bakutusha bukata ba busue bobe kumeso ya chibunkeno cha Nvidinyambi wakulonga bilumbuluke kwa basimusha munda ya lugendo lwabo kwa ginsi yabifandekene na Nvidinyambi. ⁷ Amwanda wa abululi bwazina, babekwenda bushikuyata chintu chochonso kutuka kwa bantu batubila. ⁸ Biebi, tuswenubwe kusambukila bantu panababa, kwanginsi tuyikale balongi ba mugabo wa muvubo wa binebine. ⁹ Nibekukundugwila chibukeno mukenzi wa ala, luluno Diotrofe, iswene kuyikala kumunonga gumo munda yabo, hailungene na batwe. ¹⁰ Biebi utanakuya ninabivuluka bilongwa byage byanalonganga, nansi byakwinsamba mianda yibaya kumugongo gwetu, kale kwitusha na bilongwa byebi, age mwine abatambule batandwa. nansi kubakusha bamo bababo baswene kubasambilila ba batandwe na kubayeba bakatuke mu chibunkeno ¹¹ Mwinami,kwashayiganga chechecho chibaya,yitabizya kuyiga chechecho chilumbuluke. gegeo inalonga bilumbuluke ngwa Nvilinyambi . nageu inalonga bishifa ndekene kale kumumona Nvilinyambi . ¹² Demetrio akusumbikubwa bonso na binebine dine.batwe nabo tubakata, na uyukile bukata bwetu Bwa kunukwine. ¹³ Nina yo mianda ya bunge ya kukukundugwila,na chikaratasi na mema ga kukundugula ¹⁴ nakulunga kulamina kumona kwa bela na tunaisamba na gode meso kwa meso. ¹⁵ Chitumaini chiikale ampa na gobe.Bampwani bakukuyimuna. bayimunwe chila gimo muzina Diage