¹ Erhi Yezu ayandagala oku ntondo, olubaga lunji lwa mukulikira. ² Lolinomushumyo anachimuyegera anachiharamya emalanga gage, anachiderha erhi ; Nahano nkolonzize wananchesa. ³ Yezu amurheg'okuboko amuhumako , aderha, nonzize onchese, honaho afuma olushomyo lwage. ⁴ Buzinda Yezu anachimubwira erhi, omanye orhabwiraga munu yeshi, ogendi ciyerek'omudahwa ohane n'entulo nkoku Musa abirhegesire lyo echo cibarhabala nka budima ⁵ Erhi Yezu aja e kKaperenaumu omukulu w'abarungu anacimubwira ⁶ amuyinginga erhi ; Nahamwirhu, mwmbali wani agwishire omu nyumpa ahozir'ebirumbu ababazibwe bwenene. ⁷ Yezu amubwira erhi najimufumya. ⁸ Omukulu w'abarungu amushuza erhi, nnahamwirhu ntashinganini lyoja omumwani, cikone derhe cinwa ciguma na mwambali wani afuma . ⁹ Bulya niemba idako lyo urhegesi bw'abakulu, njira abarungu ntegeka, nambwir'oyu genda, aagende, n'ola yisha anayishe, naa mwambali wani jira echi anachijire ¹⁰ Enyuma z'okumuyunvirhiza, Yezu asomerwa , abwir'abalimukulikire, mubwizir'omukuli ciru n'omu Izraeli ntasigibon'obwemere buli nkobula. ¹¹ Cimbabwizire, bani bashirheng'ebushoshokero n'ebuzikiro, baje n'okucibu ciguma na Abrahimu, izaki na Yakobo omu bwami bw'empingu. ¹² Cikone abimi bw'obwami bashi kwebwa omu mwizimya eyo yashib'okulaka n'okukugurha amino. ¹³ Buzinda Yezu abwira omukulu w'abarungu, gend'ojirirwe nkoku obwemere bwawe buli,muli okokasanzi omukozi afuma. ¹⁴ Erhi Yezu aj'omunyumpa ya Petru ashanga nnazala agwishire alimwo ishushira . ¹⁵ Yezu amugwarh'okuboko n'ishushira lyahwa, buzind'ayimuk'amukolera. ¹⁶ Erhi biba bijingo balerhera Yezu bantu banji bali mw'abazimu . Ahiv'ezo mpusi mbi oku luderho lwage, afumya n'abalwala boshi. . ¹⁷ Lyo kahikirira akanwa omulebi Isaya aderhaga mpu, "Yene abarhwire obu gonyo gonyo n'endwala zirhu. ¹⁸ Erhi Yezu abona olubaga lunji lumuzungulusire alonza okuyikirira ishiriza lye enyanja ye galilaya. ¹⁹ Honaho omwandisi amugendera amu bwira," Mwigiriza, nayishi kukulikira ngasi hoshi washija." ²⁰ Yezu amushuza, "Banyambwe bajira obulumba, n'ebinyunyi bijir'enyogo do mwene omuntu arhajira aha aheba other". ²¹ Owundi omu ntumwa amubwira, "Nahamwirhu, ondeke ntangi jibisha Larha." ²² Yezu anaci mushuza, "Onkulikire, oleke n'emifu ebishe eyabo." ²³ Erhi Yezu ashona omu bwarho, abaganda bage baukulikira. ²⁴ Lolagi omulaba gwa nacizuka omu nyanja, obwarho bwalonzi lohama, Yezu erhi ali omwiro. ²⁵ Abaganda bamuyegera, banacimubwira erhi, Nahano , orhucize rhwamahera. ²⁶ Abashuza erhi, cirhumire muyobohire, bantu bwo bwemere busungunu? Anacixuka, akalihira empusi n'enyanja yabam'omuhuli. ²⁷ Abo bantu basomerwa bakazi bwirana, erhi yendi oyu ciru empusi n'enyanja byakenga? ²⁸ Erhi Yezu aja ishiriza omu cihugo ca Bagerasi, bantu babirhi bali mw'abazimu bamubona, barhengaga ebwa nshinda, bayerekera emunda ali. Bali bakali ntamuntu wakagi yerekera ololunda. ²⁹ Labi, bana ciyakuza , bici woyo na nirhu mwene Nyamuzinda? koyishiri rhurhindibuza embere lya kasanzi? ³⁰ Kuli nabo hai obuso bwe ngulube bwa geraga ezo ntambi. ³¹ Abazimu banaci huna Yezu erhi okarhuhiva orhu rhume mwobu buso bw'engulube. ³² Yezu abashuza gendi, bahuluka baja mwezo ngulube bulya buso boshi bwalibirha bwaciloha omu nyanja bwafira mwago mishi. ³³ Abali ziyabwire balibirha baja oulugo bashambalira boshi ebyabiri n'ebyahikire abo bantu bali mw'abazimu. ³⁴ Olugo loshi lwa gendi shimana Yezu, erhi bamubona bamuyinginga arhagaraga omu lugo lwabo.