¹ Buzinda Yezu asosibwa n'omuka omwirungu lyo arhangulwa na lyangombe . ² acishalisa nsiku makumi ani budufu na mushi buzinda ayunva ishali. ³ olya murhanguzi amuyishira amubwira, erhi akaba oli mugala wa Namahanga, ohindule agamabuye migati. ⁴ Naye amushuza aderha, biyandisirwe, mwene muntu arhankalama oku mugati gone ci oku ngasi kanwa karhenga emwa Namahanga. ⁵ Buzinda lyangombe amuheheka omucihugo c'obushinganyanya amusokana okwirhwerhwe amubwira, erhi ankaba oli mugala wa Namahanga, ohame ocikwebe okwidaho bulya biyandisirwe oku arhuma ba Malahika bakugwarhe omumaboko bakuyandagaze orhayagalikaga amaglu n'amabuye ⁷ Yezu amushuza, " kandi biyandisirwe, orhahiraga okurhangula Nyakasane Nyamuzinda wawe." ⁸ Kandi lyangombe amusosa oku ntondo amulangula obwami bw'igulu n'ebimuli byoshi. ⁹ Amubwira, "Ebi byoshi naguha byo erhi wankafukamira. ¹⁰ Lero Yezu amushuza ,"genda kuli lyangombe, bulya biyandisirwe, Okacikumba Nyakasane Nyamuzinda wawe, onamukolere yenene." ¹¹ Lyangombe anachigenda amusiga, bamalahika bayisha bamukolera. ¹² erhi Yezu ayunva oku Yohana ashwesirwe acigendera e galilaya . ¹³ Arhenga e Nazareti agendi handa e Kapernaumu hofi n'enyanja y'Egalilaya omu cishagala ca Zabuloni na Naftali. ¹⁴ Lyo kahikirira akanwa kayandikagwa n'omulebi Isaya, ¹⁵ Ecishagala ca Zabuloni ne ca Naftali, njira yo munyanja entambi z'eyordani, Galilaya y'olubaga. ¹⁶ Olubaga lwalamaga omumwizimya lwabona obulangashane bunji na balya balilamire omuhibanda hy'olufu obuche bwamabahikira kandi. ¹⁷ Kurhenga ezo nsa Yezu arhondera ayigiriza aderha "Muchiyunjuze bulya obwami bw'empingu buyegerire." ¹⁸ erhi aba aliagenda hofi n'enyanja y'Egalilaya, Simoni ye wa hamagalagwa Petro, na andreya mwene wabo erhi bali bakweb'akeshi omu nyanja bulya bali badubi. ¹⁹ Yezu ababwira, munkulikire nabahindula badubi ba bantu. ²⁰ Honaho baleka emikolo yabo bamukulikira. ²¹ Yezu aganderera aha mbere arhingana bandi babirhi, Yakobo mugala wa Zebedeyo na Yohana mwene wabo, bali omu bwarho bwa Zebedayo ishe wabo bashweka orhweshe. Abahamagala, ²² honaho baleka bulya bwarho n'ishe bamukulikira ²³ Yezu naye ajag'azunguluka e Galilaya ajayigiriza omu ntamba zabo, akagiyigiriza enyanya ly'obwami, afumya n'ebilwala n'obgonyogonyo omu bantu. ²⁴ Emyanzi yage yayalagala hoshi omu Siriya n'olubaga lwamulerhera abalwala n'abagwerhwe n'empusi mbi n'abakagi hola , n'orhumoga Yezu abafumya. ²⁵ Lubaga lunji lwamukulikira kurheng'Egalilaya nE'dekapoliya, e Yerusalemu n'omu Buyahudi n'ishiriza ly'Eyordani.