¹ Ecitabu c'amaburhwa ga Yezu mugala wa Daudi mugala wa Ibrahimu. ² Ibrahimu al'ishe wa Izaki, na Izak' ishe wa Yakobo, na Yakobo ishe wa Yuda na bene wabo. ³ Yuda al'ishe wa Perezi na Zera kuli Tamari, Perezi y'ishe wa Hezroni, na Hezroni y'ishe wa rami. ⁴ Rami al'ishe waAminadabu, Aminadabu ishe wa Nasoni , na Nashoni ishe wa salumani ⁵ Salumani al'ishe wa Bowazi kuli Rahabu, Bowazi y'ishe wa Obedi kuli Ruti, Obedi y'ishe wa Yese . ⁶ Yese al'ishe wa Daudi mwami, Daudi ishe wa Sulemani kuli muka Uria. ⁷ Sulemani al'ishe wa Rehobowamu, Rehobowamu ishe wa Abija, Abija ishe wa Asa. ⁸ Asa al'ishe wa Yehozafati, Yehozafati ishe wa Yoramu na Yoramu ali shakulu wa Uziya ⁹ Uziya al'ishe wa Yotamu, Yotamu ishe wa Ahazi, Ahazi y'ishe wa Hezekiya. ¹⁰ Hezekiya al'ishe wa Manasi, Manasi ishe wa Amoni, na Amoni ishe wa Yosia. ¹¹ Yosia ali shakulu wa Yekonia na bene wabo amango bahekagwa e Babiloni. ¹² Enyuma z'okuhekwa e Babilone, Yekonia aburha shealitrli, Shealiteli ali shakulu wa Zerubabeli. ¹³ Zerubabeli al'ishe wa Abihudi, Abihudi alishe wa Eliakim, na Eliakimu ishe wa Azori. Azori alishe wa Zadoki, Zadoki ishe wa Akimu na Akimu ishe wa Eliudi ¹⁵ Eliudi al'ishe wa Eliazari, Eliazari ishe wa Matani, na Matani ishe wa Yakobo . ¹⁶ Yakobo al'ishe wa Yosefu ye wakagisheba Maria na muliye Yezu aburhagwa olya bayirikaga izino lya Kristu. ¹⁷ Amashanja goshi kurhenga Ibrahimu kuhika Daudi galimashanja makumiani, kurhenga Daudi kuhik'okuhekwa buja e Babilone mashanja makumiani, kandi kurheng'oluhekwa buja e Babiloni kuhika Kristu mashanja makumiani. ¹⁸ Lolagi kurhi amaburhwa ga Yezu Kristu gahikaga Marie nina waga akagishebwa na Yusufu, arhigana akolali nda okubuhashe bwa Muka Mutakatifu embere barhajiba haguma. ¹⁹ Yusufu iba owali mushinganyanya, arhalonzagya amubonese nshonyi alonza amulek'omwihwe ²⁰ Erhiab'ali abigerereza, malaika wa Nyakasane amubonekera omubilorho, amubwira, yusufu mwene Daudi, orhayobohaga okuyanka Maria nka mukawe, bulya erizimi aliri okubuhashe bwa Muka mutakatifu. ²¹ Ayishi burha omwana, wanayishi muyirika izino lya Yezu, muli ye ayishi chungula olubaga kurhenga omubyaha. ²² Ebi byoshi byahisirere lyo kahikirira akanwa Nyakasane abwiraga omulebi. ²³ Loli, omubikira ayishib'izimi, ayishi burha omwana w'oburhabana bashimuyirik'izino lya Emaniweri kuli kudrha oku Nyakasane ali haguma nirhu. ²⁴ Yusufu erhi asisimuka akola nkoku malaika anamubwiraga, arhola mukage. ²⁵ Cikone arhamumenyaga kuhik'amango aburhaga omugala, amuyirik'izino lya Yezu.