¹ Mulioko ngasi mudahwa mukulu warhozirwe omugarhi k'abantu ahaebirhwe ahantunomu mukolo gwa Nyamuzinda, lyo ayegereza entulo n;enterekero y;ebyaha. ² analembera abarhamanyiri n;abhezire bulya naye alimuzamba, ³ N'enyanya lyo obozamba ogwasirwe okurhula entulo y;ebyaha byage n'eby'olubaga ⁴ ntaye waka cijira ntwali nka arhahamagalagwa na Nyamuzinda nka kulya kwa Haruni. ⁵ Na Kristu arhacijiraha irenge ly'okuba mudahwa mukulu cikone byabezire okuwabiderhaga:Olimugala wani, nakubusire ene. ⁶ nkakulya babidesire ahandi : olimudahwa amango goshi kugerera oburhegesi bwa Melkisedeki. ⁷ Oyu omunsiku zage za malibuko ayereka owamurhabala omumalibuko gage n'emirenge ly'a mukula omukanga ko kufa anamuyunva. ⁸ omanyire oku alimwana mulembedu omumalibuko gage. ⁹ Erhi akula omuntimanyo, ayokola ngasi yeshi wamuyemire omubuchungukebw'ensiku n'amango. ¹⁰ Nyamuzinda amuhamiriza nka mudahwa mukulu nkakulya Melikisedeki aderhaga. ¹¹ Mulioko rhugwerhe binji byokuderha n'amzibu rhayerekana bukya murhabaga babidu okuyunva. ¹² Ninyu nkokw'omwali mwaba bigiriza , muchigwerhe obulagirire bw'ebinwa ntimarima bya Nyamuzinda , muchigwerhe amalagirire g'amarha ci arhali g'ebilyo. ¹³ Ngasi yeshi oliwanywa arhagwerhi obulenga bw'okuli bulya alimwana. ¹⁴ abulya ebiryo biri by'abantu bakulu ,kulibalya oburhegesi bwa jizirwe okulangulana amabi na'aminja.