¹ Erhi Apolo aba ali e korintho, Paulo amayusi gera omu bihugo b'enyanya, ahika e efeso ashimana yo baganda. ² Abadosa erhi ka mwankirire muka mwimana erhi muyemera? Bamushuza erhi cirhu n'okuyumva okuhaba muka mwimana orhasigi kuyumva . ³ Paulo abadosagya erhi bubatizo buchigi mwa yankirire ? bamushuza erhi bwemwa Yohana. ⁴ Paulo ababwira erhi, Yohana abatizize obubatizo b'obuchiyunjuze, akazi babwira oku byemere oyishire enyuma lyage ye Yezu." ⁵ Erhi bayunva ebyo babatizibwa oku izina lya Nyakasane yezu. ⁶ erhi Paulo amli baheba kw'amaboko, muka mwimana abayandagalira, barhondera baderha oku luderho n'okuleba. ⁷ Omubale gwabo bali balume ikumi n'ababirhi. ⁸ Paulo aja omu sinagogi ashambala n'oburhwali kasanzi ka myezi isharhu akaganiza abantu, akazi bayerekeza omu buyerekire obwami bwa Nyamuzinda. ⁹ Cikone abandi bagoma balahira okuyemerha, bajachira eyo njira omu burhimanane, abarhenga ho, abeerula abaganda, akaganira n'abantu ngasi lusiku omwi somo lya muntu muguma, wahamagalagwa Tirano. ¹⁰ Ebyola bya gendekire kasanzi ka miaka ibirhi, kuhika boshi abali kamire omu Azia bayumva omwanzi gwa Nyakasane, Abayahudi na bayunani. ¹¹ Nyamuzinda ajira bisomerine birhankaderhwa kugerera Paulo, ¹² Bakarhola omushangi gwage n'ecitambara cage n'okubiheba oku balwala n'endwala zanafuma n'empusi mbi zanabarhenga mwo ¹³ Abayagudi banji bajaga baja eyi n'eyi, bali bafumu b'eka, bacishomya mpu bakula abo bazimu, baderha erhi: mbagashire oku izino lya Yesu olya Paulo akazigi hamiriza. ¹⁴ Hali bana ndabamuntu muguma ye Skewa, muyahudi, namaudahwa mukulu, nabo bakajira ntyo. ¹⁵ Omuzimu abashuza erhi, Yezu mumanyire na Paulo mumanyire n'inyu mwebahigi? ¹⁶ Olya muntu walim'olya muzimu abahamira ko bombi, abahasha, abalusha misi, guhika bahuluka bulibirha barhanacijambiri banayagalisire. ¹⁷ Ogu mwanzi gwa manyikana omu bayahudi boshi n'bayunani b'abaga omu Efeso, echoba chabagwarha boshi, n'izino lya Yezu lya kuzibwa. ¹⁸ Banyi b'omu bayemeraga bayishi chiyunjuza, bayalagaza ebijiro byabo. ¹⁹ Bantu banji bali bafumu bashubuza ebitabu byabo bakagi bukamwo, babiheba k'omuliro bya hya emalanga g'abantu boshi; irhi bajira omubale gwabyo bashanga byanka guzire nfaranga bihumbimakumi arhanu. ²⁰ Ntyo kwo omwanzi gwa Nyakasane gwayushukaga okumisi n'obuhashe bunji bwenene. ²¹ Erhi ebyo bihwa, Paulo arhimanya, Erhi amayusi gera e Makedonia n'ekaya, okuja yerusalemu, aderha erhi, hano ntenga eyo, ebi mpunyire mbone na Roma. ²² Arhuma bantu babirhi muli abajaga bamukolera, ye Timoteyo na Erasto, yene arhangi bera intya omu Aziya. ²³ Mwaka kasanzi hazuka kadali karhali kanyi omu myanzi yeyo njira. ²⁴ bulya muntu muguma wahamagalagwa Demetrio, akagi kola enfaranga, akagi jirira Artemi olurhamba lw'enfaranga, omu luganda lwagen'aba kozi b'omo akagi baha bunguke bwinji. ²⁵ Aashubuza abo bakozi, haguma n'abandi bakage kola ogomukolo, ababwira erhi mwebalume, kamumanyire oku obugale bwirhu mwogumukolo burhenga. ²⁶ Muna mbwine, muna manyire oku arhali omu efeso monene, chi omu Aziya yoshi, kandi Paulo oyu warhebire abantu banji abayemeza n'amaboko oku abirhukazi kolavarhaba ye mungu. ²⁷ Kamurhambwini oku emikolo yirhu ekeli gayaguzibwa; arhanali mikolo yirhu yone chi n'olurhambo lwa mungu kazi wrhu mukulu Artemi, arhachiganjwe nka kantu, n'irenge lyage likahera, oyu e Azia yoshi n'obomwigulu boshi baharamya. ²⁸ Erhi bayunva ebyo byoshi babarhuka burhe, bah oloho baderha erhi Artemi w'efeso aba mukulu. ²⁹ Olugo loshi lwaja mwo ishababe, bagenda balibisire baja oku chimbotera boshi na muhigo muguma, erhi bamayusi gwarha gaya na Aristarko, bantu b'e Makedonia bali balamire kuguma na Paulo ³⁰ Paulo alonza okuja omu luhya, abaganda bage bamuhanza. ³¹ Barhegesi baguma b'omu Asia bali b'ira bage, bamurhuma kwentumwa oku amanye arhageraga ebwa chimbotera. ³² Baguma barabande kwako; bulya obushimanane bwaba bwakavango bwenene, cirhu nabaguma barhamanyaga bichi balijira aho. ³³ Bamoga iskanda omu luhya Abayahudi bamuhera emalanga g'abantu. Iskanda ayimamula oluhya emalanga g'abantu. ³⁴ Chi erhi bamanya oku ali muyahudi, baha oloho chaligumiza kasanzi ka nsazi zibirhi, erhi, Artemi w'efeso abamukulu ³⁵ Omukarani w'olugo erhi ayusi barhuliriza. ababwira erhi mwebashamuka b'efeso, muntu ndi orhishi oku olugo l'efeso gaba mahero ga artemi, olya mukulu, nakalya kantu kahanaga ku rhenga empingu? ³⁶ Bulya ebi birhanka lahirwa, musshinganine mu rhulirire; murhagende omu bintu bulibira. ³⁷ Bulya mudwirhe abantu barhazimbire ebintu byomu lurhamba erhi bijachire mungu kazi wirhu. ³⁸ Erhi ankaba Demetrio naba kozi bali kuguma bagwerhe akanwa kw'aba bantu, e ngombe hoziri, n'abarhegesi hobali; bahebane okw'ibuye. ³⁹ Chi ngasi kanwa mwakachilonza omu zindi njira, kakubulwa omu nshimanane eshinganine. ⁴⁰ Bulya rhukola rhuli omu chizibu ch'okuhamagalwa n'abakulu erhi aka kadali kene karhumire, karhanagwerhi ngwarhirho, na mwebi binwa ntako rhalahira oku rhurhali mu eyi nshimanane. ⁴¹ Erhi ayusi derha ebyo binwa ayusa enshimanane.