¹ Erhi mala okugera Amfipolina Apolonia, bahika e Thesalonike, eyali e sinagogi lya bayahudi. ² Na Paulo bwali borhere bwage okuja omu bali, baka dosanyaku emyanzi ya marhegeko na mandiko ge sabato isharhu. ³ Kayi fulula n'oku babwira, oku byali hunyere Kristu ababazibwe ana fe omu bafu; n'oyu Yezu ye ndi na bababwira emyanzi yage ye Kristu. ⁴ Baguma muliba akaba nobwemere, bacishwekeraka Paulo na Sila; na Bayunani balya bakengaga Nyamuzinda, banji bwenene na bakazi balyo a ba gwerhe obuha barhali banyi. ⁵ Nabayahudi baba nenshombo, n'oku rhola balya bantu b'obushabusha, balya barhagwerhi borhere bwinja, n'oku bagusha banjira ishababe omulugo, bagendera abo munyumpa ya Yasoni, balonze oku baheka embere lya bantu b'omulugo. ⁶ N'erhi baba bula babulula Yasoni na benewabo baguma embere za bakulu b'omu lugo, n'okujira olubi, n'okuderha aba bantu bayubisire igulu ahisire n'eno mwirhu. ⁷ Yasoni ama yegereza, barhagweri bijiro byo borhere bwirhu n'amarhegeko, ga kaizari, n'okuderha mpu ali oyundi mwami oderwa Yezu. ⁸ Abakulu babonyo lulya lubago lomu lugo shonyi erhi bamalo okubayunva. ⁹ Na erhi bamala okumuhoza haguma bandi babaleka bagenda. ¹⁰ Hanaho baheka Paulo na Sila budufu kuhika eBeroya. N'abo erhi eyo baja omu sinagogi lya bayahudi. ¹¹ Abantu beyo balikunva hali abe Thesalonike, bakazi lola amandiko omu keyerekeza omurhima, n'okuligera ngasi mago mpu lyo bamanya erhi kokuli. ¹² Okubundi bantu banji bayemera n'abakazi babayunani, n'abagwerhe oburegesi cirhu nabalume barhali banji. ¹³ Ci abayahudi be Thesalonike erhi bayunva emyanzi oku akanwa alyalizibwe na Paulo cirhe ne Beroya baja eyo n'oku bahegezano, Irege n'oku yolohya n'okulahiza olubaga. ¹⁴ Caligumiza balya benewirhu baheka Paulo agende kuhiko oku lubibi lwenyanja, ci Sla na Timotheo basigala Beroya. ¹⁵ Ce ali lusize Paulo bamuhisa e Athene, n'okuhabwa amahono n'oku agaha Timotheo na Sila, barhalegerere ci bagende. ¹⁶ Paulo akaba ali abalinda eyo Athene, n'okubona oku ololugo lwali yujwire shusho omurhima gwage gwa kaba ninzinga bwenene enya lyezo shusho. ¹⁷ Omu sinagogi aka dosanya na Bayahudi balya bakenga Nyamuzinda, n'abalya bakagirhigana omu cambu ngasi lusiku. ¹⁸ Na balya Ba epikureo, Bastoike, balya bene obulenga barhiganana naye mpu oyu muhuzaguza, bici oyu aka derha? nabandi mpu ashushire owo kuyaliza emwionze ya enama zindi, bulya jaga ayali Yezu n'obufuke. ¹⁹ Bamugwarha ba muheka e Areopago n'okuderha mpu! karwamanya okuderha obulenga bwa olu luderho? ²⁰ Bulya adwire binji omumarwiri girhu, rwalonza okumanya obulengo bwa emi ali aderha. ²¹ Bulya aba athene n'ebigolo byahi eyo barha gwere ahaba karhera akanwa, koshi koshi bali bakulisa n'okuyunva emyanzi mihyahya. ²² Paulo ayimanga egarhi ka Areopago, aderha ninyu bantu be Athene, mbwine okumuli bakulonza bwenene ebiyerekire idini. ²³ Nagezi eyi n'eyi n'akabona ebiyerekire emisa yinyu, namabonana, emyandesirwe oku mahero mpu " EMWA NYAMUZINDA ORHA MANYIKINI," cinyehe mperhe n'ayaliza emyanzi y'oyo muharamya buzi kumumanya. ²⁴ Nyamuzinda walemaga igulu n'ebiremwa byoshi, bulya ye Nyakasane w'empingu n'igulu, arhala omu nyumpa nyubake n'amaboko. ²⁵ Arhana kolerwa n'amaboko ga bantu arhalagiriri na kantu koshi; bulya ye hana obuzine n'omuku n'ebintu byoshi. ²⁶ Ye wajiraga ngasi ishanja lya bantu kurhenga omu buguma mpu lyo bahashe okula oku bushu by'igulu lyoshi, abahebera omango gamira aheba embibi zemikolo yabo. ²⁷ Lyo balonza Nyamuzinda cirhu kwankaba omu kuhumahuma n'obo arhali kuli na ngasi muntu. ²⁸ Bulya mule ye rhuna lamerhuna gende n'okuba n'obuzi bwirhu, kakula otula amarhegeko, bulya rhweshi rhuba iburha lyage. ²⁹ Okuba rhuba iburha lya Nyamuzinda, rhurha gwasiri okushusho ye noro erhi marhale erhi ibuye, na bilya omuntu atulaga "kubinja" omubulenga n'obumanye bwa mwene omu muntu. ³⁰ Ci ogo mango gamira Nyamuzinda ayorhorha nkarhali azibona, ci ene abahani ririzize oku ngasi muntu hoshi ahungame. ³¹ Bulya ahebire olusiku lokuhana igulu omu kuli, n'oku muntu yeshi wamuyemera amuhire okuba n'ofuke omu bafu. ³² Erhi bayunva ubufuke, bwabafire baguma baba nakagayo na bandi baderha rwakuyunva kandi muli kweyi myanzi. ³⁴ Abandi bacishwekera kuliye bayeme muli ebyo, haligi na Dionisio, Mwareopago, na mukazi muguma yewaderhagwa Damari na bandi bantu haguma n'abo.