¹ Hana cihona abantu kurhenga eb'uyahudi, baka bayigiriza mpu nka murha biri bakarhe oku borhere bwa Musa murha cunguke. ² Ci enyuma lya Paulo na Barnaba, n'okuyabirana nabo bantu n'okushuzanya bwenene, benewirhu abahiga bagenda haguma na Paulo na Barnaba, na bondi basokere e yerusalemu emwentumwa n'aba dahwa enyanya lyokurerha. ³ Ci erhi baja omulugezi bagera omu cihugo ce Foinike ne Samaria n'okuyaliza emyanzi y'obuchuke bwa bapagani, abaganda basima bwenene. ⁴ Erhi bahika e yerusalemu bayerezibwa n'abemezi n'entumwa n'a badahwa, bakashambala ebi Nyamuzinda ajijire haguma nabo. ⁵ Ci abayahudi baguma na fariseyo baloyemire aderha mpu bihashokine bakarhwe, nokubaregekaga okushimba etorali ya Musa. ⁶ Entumwa n'abadahwa majira ihono lyabe noburhimanya enyanya lyo kurha. ⁷ Oku bundi emyanzi ya luga enyanya lyako kanwa Petro ayimuka, aderha benewirhu oku kwenga omunsiku zamira Nyamuzinda arhu londola baguma mulimwe mpu abapagani bahashe okuyunva emyanzi yakalembe, omu kanwa kani nokuleyemera. ⁸ Na Nyamuzinda ayishi emirhima yirhu, ahamiriza amuha muka mwimana nanirhu konoko. ⁹ Ci arha jiraga lubero kulirhwe nabo, abacisa emirhi oku bwemere. ¹⁰ Cimulo mwa rhagula Nyamuzinda, n'okuhebo obuzirhu enya zamagosi, ga baganda, cirhu, bashakulu na nirhu rhula lihashiri okuli heka. ¹¹ Ci rhuli n'obwemere oku rwacunguka oku inema lya Nyakasane Yezu haguma n'abo. ¹² Ci olubaga lwa hulika lwa kayunviriza Paulo na Barnaba n'okubabwira ebijiro nebisomerine Nyamuzinda ajiji haguma n'abo omu lubaga lwa bapagani. ¹³ Erhi bahuli Yakobo ashuza erhi benewirhu yunvi. ¹⁴ Mpu Simeoni omarhubwira oku Nyamuzinda oho buranzi oku alolaga olubagalwa bapagani mpu olondole mulibo enyanya lizino lyage. ¹⁵ Ne myanzi ya balebi ehashiba miguma nkoku enyandisirwe. ¹⁶ Enyuma lya ha nani nayubaka enyumpa ya Daudi alishabusire, nebya shabusire na biyimanza. ¹⁷ Lya ngasi muntu lwasigire ahashe okulonza izino lyage liderwa mo. ¹⁸ Adesire Nyakasane amasa kurhenga mira n'ensiku zoshi. ¹⁹ Enyanya lyoko ndesire na twire rumanye rwabazibuhiza abahindukire Nyamuzinda kurenga omu bapagani. ²⁰ Cirhu bayandikire bacilange oku hemu omu karamya e shusho, n'obugonyi n'enyaza cifisagya. ²¹ Bulya kurhegamira Musa agwerhe abantu bayorhaga yaliza endagono omu gansi lugo, olusiku lwa sabato omu masinagogi. ²² Ci byasimisa entumwa na badohwa n'abemezi, kulondola abantu baguma mulibo, n'okubahe haguma na Paulo na Barnaba, banaba, Yuda oderwa Barsaba, na Sila, bali bantu bakulu muli bene wirhu. bayandi n'okulerha omu maboko gabo. ²³ Entumwa na bene wirhu badahwa na benewirhu ali e Antiokiya, na e Shamu, na e kilikia bali bapagani musigo. ²⁴ Bulya rhwa yunvirhe oku babalibuzi abantu birhu, oku myanzi yabo, n'oku heza emirhima yinyu, kwebi rhuka barhumaga. ²⁵ Nirhu rhubwine bwinja n'okuyunvanya muli murhima muguma, n'okulondola baguma n'okubarhuma emunda muli, haguma n'abazigirwa Barnaa na Paulo, ²⁶ Bantu bahebire akalamo kabo cungura enyanya lizino lya Nyakasane wirhu Yezu kristu. ²⁷ Ci rhurhumire Yuda na Sila bababwirhe yeneyo myanzi kukanwa kabo. ²⁸ Bulya bisimizize Muka mwimana na nirhu, rurha hashaga akubahesa emikolo, ci bilya byo bulagirhire. ²⁹ Ci muyake zirya ntulo barhuliraga eshusho, n'omuko, nae nyamafu, n'obugonyi, mucirhange n'ebyo, mwajira bwinja, musigo. ³⁰ Erhi bamala kubarhegeka Bahonera e Antiokiya n'enyu lyoku kugusha olubaga loshi, bahabwa galya maruba. ³¹ Erhi bagasoma bakaba n'obushagaluke bulya barhulirizibwa. ³² Kandi Yuda na Sila bali balebi baka yigiriza benewirhu oku myanzi minji n'okubahanula. ³³ Na erhi balama eyo munda oku kansanzi, balikulwa na benewirhu baji emwabo n'omurhula emwa bali barhumire. ³⁴ [Ci Sila abona kwinja okubera eyo] ³⁵ Paulo na Barnaba babera e Antiokiya omu kuyigiriza nokuyaliza emyanzi akanwa wa Nyakasane haguma na bantu banji. ³⁶ Enyuma lya nsiku Paulo abwira Barnaba mpu rhugaluke, ruyirandula balya benewirhu omu ngasi cishagala rwayigirizize, akanwa ka Nyakasane n'oku bali. ³⁷ Barnaba arhimanya okuheka Yohane ye derwa Marko. ³⁸ Ci Paulo arha simaga akumuheka haguma, yewa basigaga e Pamfiliya omu mikolo. ³⁹ Ci harenga akadali mulibo, bana cileka. Barnaba aheka Marko baja Kipro. ⁴⁰ Paulo alondola Sila, bagenda erhi ahunirwe nabenewirhu ahabwe inema lya Nyakasane. ⁴¹ Agera muli Shamu na Kilikiya n'okuhanu abemezi.