¹ Ebila biri mwechi chitabu bi Nehemiya mugala wa Hakaliya ajirire omu mwezi gwa Kisilevi,oku mwaka gwa makumyabiri,g'amango naliri Esuse oku burhwali b'obwami. ² Mwene werhu Hanani ayinja haguma n'abandi bantu kurheng'e Yuda,nabadosa emyazi ye chishagala che Yerusalemu. ³ Bambwira mpu : Bala bantu bafumaga emunda bali balibukire bwenene eshonyi zababumbire mwecho chihugo olugurhu lwe Yerusalemu lwashandukire,n'enyunvi yalo bayidulika m'omuliro. ⁴ Nabere nayunva ntyo nayikala nalaka,oburhe bwangwarha siku zinene : Nachishalisa n'okuhema Nyamuzinda w'empingu. ⁵ Na derha mpu mani Nyamuzinda oba wa buhashe,onaba wakuyobohwa,orhagaluka omu ndagano yawe yaba kusima,nabayunvir'olukogo nkabakenger'amarhegeko gae. ⁶ Mani oyunve waliha,onajire okula ndi naguhema nyono mwambali wawe. Hano ndi emalanga gawe nashengera olubaga lwalwe ezuba n'obudufu,ndi nahungama ebyaha by'aba Israeli buno rhwagomere. Nyono naba shokuliza. ⁷ Rhwajirire mabi manene. Rhurhakengag'amarhegeko wahaga omwambali wawe Musa mpw'arhulerhere. ⁸ Waliha oyibuke kulala wabwiraga omwambali wawe Musa,galala mango waderhaga mpu eri mwankajira amabi nanabashandaz'omu gulu. ⁹ Aliko eri mwankachigalukako n'okukenga amarhegeko gani mukayinj'emunda ndi,buno mwaba mushandere omu gulu elubungo,nanabashubuza mbalerhe hano hantu nachishogaga h'okumparamya. ¹⁰ Aba bali bambali bawe,na lubaga lwawe wachungulaga wenine n'emisi yawe n'obuhashe bwawe bunene. ¹¹ Mani Nyamuzinda oyunviriz'omusengero gwani,n'ogwabandi boshi bakukenga waliha ongashanire mber'oku bulagizi najilagira emunda mwami mukulu ali,ashuze nk'oku namuhemere.Ago mango goshi nyinaliri murhonyi w'okurhanza oku bwami.