¹ Kufunulirwa, kwa ba Israeli omwazi gwa Nahano na Malaki. ² Nabasima mwabo, Nahano aderha. Nenyu mwa derha : Abarhusimire omu bichi ? Esau arhaliri mwene wabo Yakobo ? Nahano aderhere. Che charhumaga nasima Yakobo, ³ na gaya Esau, na jira entondo zage buzira kuyera, n'akashambala kage na kaha banyambwe bw'omu mpinga. ⁴ Na akaba Edomu aderhere : Rhwashandwirwe, rhwashubi yumbak'ahashandwirwe ! Intyo kuna Nahano w'enfola miherho aderhere : Bayumbake, nani nashandula, nji banabahamagala chihugo chabanya bukali, lubaga Nahano abagayir'esiku zoshi. ⁵ Amesho genyu nji gabona, nji mwana derha : Mukulu ye Nahano w'enyanya w'embibi ze Israeli! ⁶ Omwana akeng'eshe, n'omukozi akenge nahamwabo, akaba ndi she eccrngah'obuba baherh'enyanya zani ? Nahano w'enfola miherho ababwirire, badahwa, mw'omu bonerera ezino lyani, munaderha : Omu bichi rhwabonerere mw'ezino lyawe ? ⁷ Munarhul'oku lurhamba lwani ebiryo bibi, mwana derha : Omu bichi rhwakubihizyemo ? Omukuderha : Ameza ga Nahano gali ga kubonererwa ! ⁸ Amango mwarhulag'entulo y'enyama y'empurha, kurhali kubi ? Amango mwarhulag'envune changw'echirema, kurhali kubi ? Muyirhulire omurhegesi wenyu ! Aka kuyankirira bwinja, akushegera bwinja ? Nahano w'enfola miherho kwa derhere. ⁹ Mujage mwahuna Nyamuzinda, mpu yaja arhuberh'obonjo ! Ebyo biyinjire enyanya wenyu : Njaj'abayankirira bwinja ? Nahano w'enfola miherho kwa derhere. ¹⁰ Nde mu mwabo nji mwa ching'enyunvi, yimurha chanaga bwinja omuliro oku lurhamba lwani ? Ntaka nasimiswa n'enyu chiro, ku Nahano w'enfola miherho aderhere, n'entulo z'efune zenyu zirhakwirir'emunda ndi. ¹¹ Bulala kurheng'okushoshokero bw'ezuba kugera lizikira, ezino lyani liri likulu omu buko boshi, n'omu hantu hoshi banayosez'obuku omu kusimis'ezino lyani n'okulerh'entulo zinja; bulal'ezino lyani liri likulu omu buko bunene, Nahano w'enfola miherho aderhere. ¹² Aliko mwabo, mwabo munayibonerera, omu kuderha: Ameza ga Nahano gazingire, bulala gaherh'ebilyo bibonererwe. ¹³ Munaderha : murhamo guchi ! N'oku bubonerera, Nahano w'enfola miherho aderhere; Na ntyo munalerha ebya yibwaga, ebivunikire changw'ebirema, n'ezo zentulo munajira ! Na kaziyemer'omu fune zenyu ? ku Nahano aderhere. ¹⁴ Akagwe ola orhebekana ogwerhe omu buso bwage empanzi, n'oku jira echiragane, mpu arhulire Nahano echirhungano chibi ! Bulala nyono mba mwami mukulu, Nahano w'enfola miherho aderhere, n'ezino lyani liba liyubahirwe omu buko boshi.