¹ Nyamuzinda ashambala na Musa na Haruni, aderha: ² Mushambale n'abana be Israeli n'oku babwira. Ngasi mulume yeshi yeshi oherhe omuziro eri naye arhachesizwe, ³ echola chi charhuma omuziro gwage gwa mujira oku arhaachesizwe omu biri gwage yi gwageza emburho, changwa achishwekere, ali munya byaha. ⁴ Ngasi nchingo yoshi nja lalako eri erhachesizwe na ngasi chintu choshi nja yikalako eri chirhachesezwe. ⁵ Oyola nji wahuma oku nchingo yage, nja fula emishangi yage, n'okuyoga omu menji eri arhanachesizwe kuhika egolo. ⁶ Oyula nji wayikula oku chi chumbi aliyikereko, nj'afula emishangi yage, nja yoga n'amenji n'okuba arhachesizwe kuhika egolo. ⁷ Oyula nji wahuma oku mubiri gwage nj'afula emishangi yage, n'oku chishuka omu menji, anaba arhachesizwe kuhika egolo. ⁸ Nk'akachira oku muntu ochesizwe, oyu muntu anafula emishangi yage, n'oku yoga omu menji, anaba arhachesizwe kuhika egolo. ⁹ Echirhungano choshi ch'okubalama bayikalako, nji chaba chirhachesizwe. ¹⁰ Oyula nji wahuma oku chintu choshi choshi alihumireko nj'aba arhachesizwe kuhika egolo, n'oyula nji wachiheka nja fula emishangi yage, n'oku chiyoza omu menji, nj'aba arhachesizwe kuhik'egolo. ¹¹ Ngasi yeshi nj'aba amuhumireko, arhana kalabire efune omu menji, n'oku ful'emishangi yage, nj'aba oyogere omu menji, nj'aba arhana chesizwe kuhik'egolo. ¹² Ngasi naga yoshi ahumireko nji bayibera, na ngasi mbale yoshi nji bayishuka n'amenji. ¹³ Amango nja chichesa n'ebya shulula nja ganja siku mushanvu z'obuchesibwa; nj'afula emishangi yage n'oku yoga omubiri gwage n'amenji ga kwirire nja n'aba achesizwe. ¹⁴ Oku lusiku lwa munane nj'arhola nyunyi ebiri na nguku ebiri z'emisole, nja n'aja embere za Nyamuzinda oku lunvi lw'enju ya Nyamuzinda, n'oku bihereza omudahwa. ¹⁵ Omudahwa nja na birhula, nguma nka nterekero y'okuhun'obonjo n'eyindi oku mbagwa; n'omudahwa nja na muhunir'obonjo embere za Nyamuzinda eri by'okushulula kwa rhuma. ¹⁶ Omulume ojira echavu nja yoga omubiri gwage goshi omu menji, nj'aba arhachesizwe kuhik'egolo. ¹⁷ Ngasi mushangi gonh lwagwarhirwe nji lwashukwa omu menji, na nji birhacheswa kuhik'egolo. ¹⁸ Nka mukazi muguma akahusha na mulume muguma ntya, nji banayoga muguma n'owindi na nji banaba barhachesizwe kuhik'egolo. ¹⁹ Omukazi nji waba aherhe okugeza eshagama oku mubiri gwage, nj'abera siku mushanvu omu kurhachesibwa, ngasi yeshi nji wamuhumako nj'aba arhachesizwe kuhik'egolo. ²⁰ Ngasi nchingo yoshi nj'alyamako amango g'okurhachesibwa kwage nji y'aba arhachesizwe na ngasi chintu choshi nj'ayikalako nji chaba chirhachesizwe. ²¹ Ngasi yeshi nji wahuma oku nchingo yage njaful'emishangi yage, n'okuyoga n'amenji nj'anaba arhachesizwe kuhik'egolo. ²² Ngasi yeshi nji wahuma oku chintu ayikereko, nj'aful'emishangi yage, nja nayoge omu menji, nj'anaba arhechesizwe kuhik'egolo. ²³ Nk'aba haliri echintu oku nchingo changwa ehindi hintu aha waliyikere oyula nji wahihumako eri arha chesizzwe kuhik'egolo. ²⁴ Nk'omulume amalyama haguma naye, n'okurhachesibwa k'oyola mukazi kwa na muyahukira, nja naba arhachesizwe siku mushanvu, n'enchingo yoshi balyamagako nji yaba erh erhachesizwe. ²⁵ Omukazi nji waja oku mwezi siku zinene kulusha akasanzi kage, eshagama ekalegama nj'aba azingire amango goshi eri yagera, kulala amango gage aba ali oku mwezi. ²⁶ Enchingo yoshi nja lyamako, n'amango akamalako n'eshagama nji yaba nka y'omwezi gwage, n'echintu choshi nj'ayikalako nji chaba chazingire nka kulala anaba oku mwezi gwage. ²⁷ Ngasi yeshi nji wabihumako mpu azingire njan'afula emishangi yage, n'okuyoga omu menji, nj'aba arhachesizwe kuhik'egolo. ²⁸ Amango nja chesibwa oku shagama yage, nja ganja siku mushanvu, enyuma nj'aba amechesibwa. ²⁹ Oku lusiku lwa munane nj'alonza nyunyi ebiri na nguku ebiri z'emisole nja nazilerhera omudahwa oku lunvi lwa ka Nahano. ³⁰ Omudahwa nja na rhula nguma nterekero y'okuhun'obonjo eyindi y'okuheka oku mbagwa, omudahwa ana yinjira ya bonjo embere za Nahano, eri shagama yarhumaga abazingisa. ³¹ Nji muje hale n'abana be Israeli n'oku rhachesibwa kwabo, n'okububa n'oku rhafa mpu zinga lyabo lyarhuma, nji bashuke omu mbikiro yani eri omu charagati chabo. ³² Eryola ly'erhegeko k'oyula w'omuziro changwa oyul'azingisa n'ebyo bayisa. ³³ Ngasi yeshi wakagez'eshagama,abe oku mulume changwa oku mukazi ali oku mwezi, n'omulume olyama haguma n'omukazi ozingire.