¹ Omuazi gwa Nahano gwa gerera yona mugala wa Amitayi, gwa derha: ² Yumuka, oje e Ninawi, chizingu chikulu, m'Oku yama enyanya zacho! bulala obubi bwabo bwagerere emunda ndi. ³ Na Yona ayumuka alibirhira e Tarasisi, omu kuyaka amalanga ga Nahano. Ayandagalira e Yafa, n'okubugana amasuhe gaja e Tarasisi; ahana efranga z'olugenzi, n'okuja omu Masuhe agende haguma n'ababalama baja e Tarasisi, hale namalaga ganahano. ⁴ Aliko nahano arhuma omuhusi gunene oku nyanja n'omulaba gunene. Amasuhe galonza okuzika. ⁵ Abakulu ba Masuhe baba n'obuba, n'okubwira abantu boshi ngasi mutu ahune Nyamuzida wage n'okukabula omu nyanja ebitu bya liri omu masuhe, omukulembuhya amasuhe. Yona ayandagala eshishi w'amasuhe, alyama, n'okujero linene. ⁶ Kapini amushegerera, n'oku mubwira: Gurhe olyamire? Yamanga, huna nyamuzinda wawe! akana rhuyibuka, na nta kuchihera. ⁷ N'okubwirana ngasi muntu n'owundi: muyije, rhuyeshe esimbi, rhulole nde orhulerhere obu buhanya. Banyesha esimbi (emiderhe), n'esimbi z'arhogera ku Yona. ⁸ Ahola bamu bwira: Orhubwire nde orhulerhere obu buhanya. kasi kachi okala, nagahe warhenga? Echihugo chawe chili chihe, onali wa bulyo buhe? ⁹ Abashuza: Indi mu Hebraraniya, na nyubaha nahano, lulema w'empingu, wa lemaga enyanja mkulu n'egulu. ¹⁰ Abo balume bagwarhwa n'obuba bunene n'oku mubwira: Chasumaga wajira ebilintya? Bulala abo balume baliyinji kwa libirhire amalanga ga Nahano, bulala abaga ababwirire. ¹¹ Bamubwira: gurhe rhuku jarage, y'enyanja nkulu erhelera enyanja werhu? Blala enyanja nkulu egendekere n'okuba n'omulaba bwenene. ¹² Abashuza: muntole,n'oku kabula omu nyanja nkulu, n'enyanja nkulu ya na rhulera enyaya zenyu;bulala menyere oku enyanja zani y'ogu mulaba gunene gubayinjire. ¹³ Abo bantu bavugama mpu yi bajeshi, ako barha galaga, bulala enyanja nkulu ya gendekeraga ba bihira. ¹⁴ Ahola bahamagala Nahano, n'oku mubwira: Ee Nahano, omenye waka rhuyirha enyanya w'akalamo k'oyu muntu, na ntakurhuhekesa eshagama echere! Bulala woyo Nahano onajira ebyolonzeze. ¹⁵ Hanaho barhola Yona n'okumukabula omunyanja nkulu. N'oburhe bw'enyanja bwahwa. ¹⁶ Abo bantu bagwarhwa n'obuba bunene emalangambere ga Nahano, n'okurhulira Nahano entulo y'echungulo,n'oku muha ebiragane. ¹⁷ Nahano alerh'efi zimbuzibu mpu emire Yona, Yona ajira siku esharhu n'amadufu masharhu omunda y'efi.