¹ Emyazi y'omwigiriza, mwene Daudi, mwami w'e Yerusalemu. ² Byoshi biri bya busha, kw''aderhere omwigiriza, byoshi biri bya busha, ngasi choshi chiri cha busha. ³ Omuntu aherhe nyungu nchi omu murhamo goshi anachiha eshishi w'ezuba ? ⁴ Oluburho luguma lwanagera, n'olundi lwa nayinja, n'egulu lyana beraho esiku zoshi . ⁵ Ezuba linazuka, ezuba lyana zika; lyanagaluka emunda lyahulukiraga. ⁶ Empusi enayerekera olunda lw'eshishi, lyana hindamukir'elugulu, lyana shubi hindamuka n'okugendekera emizungulo lyage. ⁷ Enyinji zoshi zinaj'omunyanja nene, n'enyanja nene erhayunjula, zanagendekera kuja emunda zilonzeze. ⁸ Ebintu byoshi biri byakola kulusha oku rhurhakagala kuderha; Elisho lirhayugurha n'okubona, n'okurhwi kurhakaleka okuyunva. ⁹ Echaliri ho, nji chashubiba, n'echakolwaga, nji chashubikolwa, ntacho chihyahya eshishi w'ezuba. ¹⁰ Akaba hali echintu bakaderha, lolaga cho, ch'echihyahya! Che chintu chaliriho omu myaka yarhurhangaga. ¹¹ Rhurhachiyibuka ebya liri byamira; n'ebya yinja omu siku ziri embere birhakayibukwa n'aba njibalama buzinda. ¹² Nyono, mwigiriza, na liri mwami w'e Israeli omu Yerusalemu. ¹³ Nalisezeze omurhima gwani omu kushonda n'okususuma omu bwirhonzi ngasi chintu chikolwa eshishi w'empingu : Na ntyo kali kasi kalibwize, kalala Lulema ahere bene omuntu. ¹⁴ Nabwene byoshi bikolwa eshishi w'ezuba; nabona , byoshi bya busha binashushire n'okuhig'empusi. ¹⁵ N'echiyinamire chirhankayumanga bwinja, n'echibulire chirhakaganjwa. ¹⁶ Naderha omu murhima gwani: Talaga, nakulire na nalusha obwirhonzi boshi bwabarhambulaga embere zani omu Yerusalema, n'omurhima gwani gwa bwene bwirhonzi bunene n'obumenyi. ¹⁷ Nachiseza omu murhima gwani okumenya obwirhonzi, n'okumenya obuhwinja n'esire; namenya oku nabyo kuli kuhig'empusi. ¹⁸ Bulala haguma n'oburhonzi bunene wanaba namugayo gunene, n'olala oyushula obumenyi bwage ana chiyushulira amalumwa.