¹ Lusiku luguma mwami Bene-Hadadi we Suriya ashimanyanya engabo yage y'enfola miherho boshi,yaliri mu bami makumi masharhu na babiri bachilundire haguma,n'efarasi z'okulwa n'emitugari eri bajigorha echishagala ch'e Samariya bachirhere : ² Arhumira mwami Ahaba we Israeli entumwa mpu bamubwire ntya : " Mwami Bene - Hadadi aderhe ok'omuhe, ³ efuranga zawe,n'ehoro zawe,na bakawe,n'abana bawe osima bwenene." ⁴ Mwami we Israeli ashuza Bene-Hadadi ntya : Waliha Nakuno nyemerere ok'oderhere,nyenine nchihanir'emunda oli n'ehi nangwerhe hyoshi. ⁵ Ezo ntumwa za galuka obwa kabiri emwa Ahaba za jimubwira oku Bene -Hadadi amurhegekere oku amuhe ehoro n'efarasi zage zoshi,n'abakage n'abana bage. ⁶ Anamenye oku omusezi nka mweno saa arhuma entumwa oku bwami bwa mwami Ahaba n'omu mw'abarhambo zifukule mo barhole ngasi kantu ka kwirire ka ngulonene kalimo. ⁷ Mwami Ahaba ahamagala abashamuka b'omu chihugo boshi,ababwira ntya : " Mwabwene oku oyu muntu alyalonza obubi;antumire entumwa mpu banyege bakani n'abana bani,efuranga zani n'ehoro yani,s'aliko ntanalahire." ⁸ Abashamuka bage boshi n'olubaga bamushuza ntya : " Orhayemeraga ntyo. " ⁹ Ahaba abwira entumwa za Bene-Hadadi mpu zijimuwbira ntya : Waliha, nyemerere echi warhangagi derha choshi,s'aliko oby'oderhere buzinda mpu waja omu bwami bwani,n'omu mw'abarhambo bani onyegane ebilimo,kw'oke ndahire. Ezo ntumwa zagenda zaji bwira Bene- Hadadi ntyo, ¹⁰ naye abarhuma obwa kasharhu mpu baji bwira Ahaba ntya : Lyangombe anyirhe,nkaleka omu Samriya chiro n'akachulo kakalumira aba rhuli haguma nabo,fune nguma buli muntu. ¹¹ Ahaba ashuza ntya : Mubwire Bene hadadi oku hali omugani guderhere mpu : Owajilwa arha nkashwira kuchivuga arhanazihimana. ¹² Eri abwira Bene hadadi oku Ahaba ashuzize, oliyikere omu chiralo eri ali anywera haguma na balala bandi bami. Abwira abarhambo b'engabo mpu bachirheganye. Bachirheganya bajilwisa echo chishagala. ¹³ Ago mango omulebi ayinja, abwira mwami Ahaba w'e Israeli ntya : Nahano aderhere ntya : Orhayubahaga eyi ngabo nene nene, nakuhimira yo zene zene, lyo omenya oku nye Nahano. ¹⁴ Ahaba aderha : Nde wakarhuma nahima bwo? Oyo mulabi ashuza ntya : Nahano aderhere oku bana misole bachizindiyandikwa n'abakulu b'omu burhegesi. Mwami Ahaba adosa ntya : Ndewabashokolera omu ntambala? Amushuza erhi: wayo! ¹⁵ Agomango mwami Ahaba ayinja lamusa balala bana b'emisole bayandikagwa omu nfola miherho n'abakulu babarhegesi abona bali magana mabiri na makumi esharhu n'ebibiri, alema alamusa abandi basirika b'abisraeli boshi babona bihumbi mushanvu. ¹⁶ Yabere ahagarhi k'ezuba bajihangalana. Eri Benehadadi na balala bami makumi asharhu na babiri baliyunvikene naye bali banywa oku mavu omu chiralo. ¹⁷ Balala basirika b'emisole bakoza entambala. Babwira Benehadadi oku hali abantu barhengere e Samariya. ¹⁸ Ashuza ntya : Akaba bali shiga, mubafarhe banazene, kandi eri akaba kulwa, mubafarhe banazene. ¹⁹ Balala nfola miherho z'emisole haguma n'aba Israeli barhengere omu chishagala. ²⁰ Ngasi muguma alema ayirha mushombanyi muguma, n'abantu b'e Suriya boshi bayaka. Abisraeli babanyako. Benehadadi yi waliri mwami w'Aba Suriya, ayulumuka ashonera oku farasi, ayaka haguma n'abandi basirika balemaga bagenda oku farasi. ²¹ Mwami Ahaba w'abisraeli afarha e farasi zabo fune, n'engale zabo, ahima engabo y'Abasiriya bwenene. ²² Buzinda bwaho olala mulebi ayinja abwira mwami Ahaba ntya : Ochihanganage, ololereze bwinja byo shinganene kushubi jira;bulala m'ogu mwaka gwayinjire nka zene, mwami w'eSiriya agaluka, ashubikulwisa. ²³ Abarhambo ba mwami Benehadadi w'e Siriya bamubwira ntya : Namahanga w'Aba Israeli aba Namahanga w'omutondo, che charhuma Aba Israeli barhuhima, s'aliko rhulwisize bw' omu lubanda, balole akabarhurhahima nabo. ²⁴ Oku wajira kandi kokuno : okule balala bami waliyunvikene nabo, obahindamule n'abarhegesi ali bo. ²⁵ Buzinda bwaho, olonze ngabo nene kulusha elala ntanzi n'e Farasi, n'engale zinene kulusha ezirhanzi, rhubalwisize omu lubanda, bankakola akaba rhurhabahima. Benehadadi abayunviriza ayemera okuba muhanulaga. ²⁶ Omwaka gwakulikiraho, aganja ho, aganja engabo y'abasiriya, abaheka omu chishagala ch'e Afeki alwisiza mw'Abisraeli. ²⁷ Enfola miherho z'aba Israeli nabo balema balamuswa na Ahaba; bahabw'ebilyo, bagenda lwisa aba Suriya. Bahanda bigusho bibiri emalangambere g'abasiriya. Balema balangira nka maso mabiri magekegeke ma mpene, s'aliko aba Suriya bawe bashandala omu chihugo. ²⁸ Olala mulebi ayinja, abwira mwami Ahaba w'Aba Israeli ntya : Nahano aderhere okumba Namahanga w'omu mbanda, nkola nakuhimirebo boshi chiro bankaluga, limumanya,woyo n'abantu bawe,oku nye Nahano. ²⁹ Ngasi baguma bahanda siku mushanvu emalanga mbere g'ababo. Oku lusiku lwa kali mushanvu,entambala ya rhondera,n'aba Israeli bayirha enfola miherho ba Basiriya bihumbi egana,bali balwira oku daho oku lusiku luguma. ³⁰ Abayorhaga bayaka mw'echo chishagala ch'e Afeki,s'aliko olukuta lwa bahongokera ko,bantu bihumbi makumyabiri na mushanvu,bafa.Bene Hadadi ayaka ajichibisha omu chishagala,aja omu nju nguma achibisha e busika. ³¹ Abarhambo bage bamubwira ntya : " Rhwayunvirhe okw'abami baba Israeli baba bami b'olukogo;oleke rhuyambale engunira omu mpindi byerhu,rhushwekere n'emigozi omu marhwe merhu,rhuj'emunda mwami w'aba Israeli ali,hali amango akafundi kuyirha." ³² Bayambala engunira omu mpindi,bashwekera n'emigozi omu marhwe,baja emunda mwami Ahaba ali,bamubwira ntya : " Omuja wawe Bene Hadadi aderhere mpu omu babalire,orhamuyirhaga. " Mwami Ahaba ashuza ntya : " Yewe achizene ? Oli mwene werhu." ³³ Entumwa za Bene Hadadi zachishinga,za derha ntya : Bene Hadadi aba mwene wenyu. Ahaba aderha ntya : Muji mulerha. Bene hadadi ayinja amushimba,mwami Ahaba amuhira omu ngale yage. ³⁴ Benehadadi amubwira ntya : Na kugalulira ebishagala darha anyegaga isho oleme wanaguziza emyaka yawe e Damasiki nka kulala darha analemaga ajiyiguziza e Samariya. Ahaba naye aderha ntya: Rhukola rhwanywana rhwembi okubuzinda nje na kulika ogende n'omurhula. Banywana,eri bamali ku nywana,amulaga agenda n'omurhula. ³⁵ Omu kushimbulira nk'oku Nyamuzinda aderhere,muguma w'omu chihugo ch'eabalebi abwira wabo muguma ntya : " Nshurha muza we ! " S'aliko oyo wabo alahira oku mushurha. ³⁶ Lero oyo mulebi abwira owabo ntya : " Bulala walahire oku Nyamuzinda aderhere,hano rhulekana,entale yanajikuyirha. " Abere amuleka,entale yamubugana,yamuyirha. ³⁷ Oyo mulebi abona owindi muntu,amubwira ntya : " Nshurha muzawe ! " Oyo muntu amushurha,ana mukoromesa. ³⁸ Oyo mulebi achihindamula kwindi kwindi aji yimanga oku njira alinga oku mwami agera,achishukira amasu. ³⁹ Mwami abere akalagera ayakuza mwami,aderha ntya : " Ndi mwambali wawe,naliri omu kagarhi k'entambala,lero muntu muguma amanshegerera,amanderhera omuntu mpu ndange ye; ambwira mpu akafuma ananyirha ahali hage,nakaba arhanyirhire nananyinji hindamula echikono ch'efuranga ! ⁴⁰ Amango nalemaga na koyakoya eyi n'eyi,oyo muntu amanfuma amana chiherera." ⁴¹ Hon'aho,oyo mulebi ashukula amasu,mwami amu menya oku aba w'omu chigusho ch'abalebi. ⁴² Oyo mulebi abwira mwami ntya : Nahano aderhere ntya : Bulala walilikire olala muntu nalilonzez'olufu afuma,we kola wafa ahali hage,n'olubaga lwage lufe ahali h'olwage. ⁴³ Oyo mwami w'e Israeli ashubira emwage e Samariya eri anakola agayire anagayire.