¹ Lusiku luguma Nyamuzinda arhuma omulebi muguma arhenga e Yuda,agera e Beteli eri Yeroboamu akola ali arhula enterekero oku luherero. ² Alema ayakuza n'okujachira olo luherero,alema aderha oku Nyamuzinda aderhe ntya : " We luherero we ! We luherero we ! Yunvaga oku Nyamuzinda aderhere : omu mwa Daudi mwa burhwa omwana rhabana,ezino lyage ye Yosiya. We luherero we ! Oyo mwana akuyirhira kw'abajinji balemaga barherekera enterekero mira,nji bana kuyoseza kw'amavurha g'abantu . " ³ Olo lusiku ajira echimanyiso,aderha ntya : " Nyamuzinda aderhere okw'olu luherero lwashandala,n'olo luvu lw'amashushi lululiko,lwashandazwa ahashi,ebyo bya kumanyisa oku Nyamuzinda aderheko. " ⁴ Amango mwami Yeroboamu ayunvaga eby'omulebi alahiza oku luherero lw'e Beteli efune yage oku luherero enyanya aderha ntya : Mumufarhe ! Hon'aho efune yage yeyuma arhana chigalaga yigalula. ⁵ Hon'aho oluherero lwashandala,n'oluvu lw'amashushi lwaliriko lwashandala nka kulala olala mulebi aderhaga ebi Namahanga abaga aderhere. ⁶ Ntyo ku mwami Yeroboamu abwirire oyo mulebi : " Mani waliha oshigirire Nyamuzinda Namahanga wawe ambabalire anfumye efune ! Oyo mulebi ahema Nyamuzinda,na Nyamuzinda amuyunva,efune ya mwami yashubiba nk'oku yanaliri embere. ⁷ Mwami abwira oyo mulebi ntya : Oyinje oje omu nju oly'ebiryo bigeke, nji nkulozeze n'ehintu. ⁸ Oyo mulebi ashuza mwami ntya : chirowa kampa echigabi ch'ebikulo byawe,ntakaja omu mwawe mpu ndiremw'ebiryo,ntananywera menji hanola; ⁹ Bulala Nyamuzinda wampanzaga,amaderha mpu : Orhalyaga kalyo chango okunywa amenji gw'oku lwinji,na hano ogaluka emwawe,oyinji galuka omunjira erhali eyi wainjaga mo amango wajaga e Beteli." ¹⁰ Oyo mulebi arhachigalukaga omunjira ayinjaga mo,agera omu yindi yindi,mulebi muguma arhenguha,afa. ¹¹ E Beteli yaliri omushaja walemaga waleba ago mango abagala bayinji mubwira eby'olala mulebi warhengaga e Yuda ajiraga e Betli,n'oku abwiraga mwami Yeroboamu. ¹² Eshe abadosa ntya ! " Njira ehe agereremo ? " Abagala baji lola ngahe agerere. ¹³ Eshe abwira abagala ntya ! " Munteganyize punda na gendako ." Nabo bamurheganyiza punda wage,hon'aho amushonereko " ¹⁴ Akulikira enjira oyo mulebi warhengaga e Yuda ageragamo,amushigana eri ayikere omu mboho y'omurhi g'omwaloni,amudosa ntya : Ka w'olala mulebi warhengaga e Yuda ? Ashuza ntya : Nechi, nyono. ¹⁵ Olala mushaja amubwira ntya: Oyinje emwani olye y'ebiryo bigeke. ¹⁶ Ashuza ntya : Ntachigaluka enyuma mpu njilira emwawe n'oku nywerayo, ¹⁷ bulala Nyamuzinda ampanzize ntya : " Orhaliraga yo ebiryo n'oku nywerayo amenji,na hano ogaluka orhageraga omunjira wagendamo amango wa yinjaga. ¹⁸ Ntyo k'oyo mulebi w'omushaja abwirire oyo wabo mulebi w'e Yuda : " Anti nani ndi mulebi kuguma nawe;Nyamuzinda alintumire malayika mpu nkubwire oje emwani olire yo ona nywereyo. " Amurhebeka. ¹⁹ Oyo mulebi w'e Yuda ayemera,bagenda n'olala mulebi w'omushaja baja omu mwage,balya bananywa. ²⁰ Babere bakala bali balya bombi,Nyamuzinda aderhesa olala mulebi w'omushaja,abwira olala wabo w'e Yuda ntya : ²¹ Wahemukire Nyamuzinda bulala orhachijirire nk'oku Nyamuzinda Namahanga wawe akurhegekaga. ²² Bulala wagalukire n'okulya akalyo hano n'obwo Nyamuzinda abaga akulahize mpu orhalyaga orhana nywaga chintu aho,obwo okola wafa,s'aliko orhahambwa omushinda za bashokulu bawe. ²³ Babere bamalilya n'okunywa,olala mushaja w'omulebi arheganyiza olala mulebi w'e Yuda e punda. ²⁴ Oyo mulebi w'e Yuda agenda,abugana entale omu njira,yamuyirha. Omurhumba gwage gwa lyama omu njira;eyo punda n'eyo ntale byabera ahaburhambi bw'omurhumba gwage. ²⁵ Abantu balemaga bagera,bamubona eri eyo ntale emuli ahaburhambi;bajibwira olala mushaja w'omulebi w'e Beteli ntyo. ²⁶ Eri ayunva ntyo,oyola washubigigalula owabo e Beteli anakola ali omu njira aderha ntya : Olala mulebi w'e Yuda wafundaga yunva Nyamuzinda oyu ! Che charhumire Nyamuzinda amurhumira entale mpu emuyirhe nk'oku anamu bwiraga. ²⁷ Enyuma ly'aho,abwira abagala ntya : Munteganyize e punda " Bamurheganyiza yo, ²⁸ agenda,ashigana echirhumba chi lyamire omunjira,n'entale n'e punda bili ahaburhambi,s'aliko eyo ntale erhalyaga echo chirhumba,chango elwise eyo punda. ²⁹ Arhola echo chirhumba,achihira oku punda,ayinja achiherhe,ashubira omu chishagala,achihamba,ana chishibira. ³⁰ Ahamba echo chirhumba omushinda za bene babo,yewe,na bali omu mulala gwage,bamulakira n'oku banda endulu mpu : Mwene werhu amafa we ! Mwene werhu amafa we ! ³¹ Amalire mubisha,abwira abagala ntya : Hano njifa,nji mwanampamba ahaburhambi bw'oyu mulebi w'e Yuda,mwanahira omurhumba gwani hofu n'ogwage. ³² Bulala kubinali alebere oluherero lw 'e Beteli n'ahantu hashingane h'okuherera haba omu chishagala che Samariya,n'okwa derhaga kwajirikire. ³³ Mwami Yeroboamu we Israeli arhalekaga obubi bwage,ashubilondola abandi bajinji b'omu mperero barhali Balawi. Eri ha kabere owalonza obukulu b'obujinji,banamurheganya okuba mujinji w'omu mperero. ³⁴ Ebyo byarhuma ab'omu mwage balema bajira ebyaha,k'okwa narhumire omulala gwa Yeroboamu gwahera loshi n'okuhirima omu gulu.