¹ Roboamu agana e Sishemu,bulala aba Israeli boshi balijireyo kumuyimika. ² Ago mango eri Yeroboamu mwene Nebati ayakire mwami Solomono e Misiri,ayunva okw'abantu boshi bajire e Sikemu,eri achiri e Misiri ava achilamira yo. ³ Barhuma mpu bamuhamagale ayinje. Ntyo ku Yeroboamu n'olubaga loshi lw'aba Israeli bashimbire Roboamu,bamubwira ntya : ⁴ " Isho Solomono alemaga arhukolesa emikolo y'obukukuru nka baja;lero woyo eri wankarhulembuhiza okuyo kulusha isho,rhwana kushiga . " ⁵ Abashuza ntya : " Mugende,na hano siku e sharhu zigera,mwanagaluka emunda ndi." N'olubaga lwachigendera. ⁶ Mwami Roboamu adosa ehano oku bashamuka balemaga bashiba n'eshe,Solomono achiriho,anaderha ntya : " Hano lichi mwampere mu bwene nashuza mu balala bantu ? " ⁷ Bamubwira ntya : Eri zene wa kachi yerekana okw'oli wakolera aba bantu emikolo,n'eri wakabaha,n'eri wakabashuza n'emyazi ekwirire bana kushiga esiku zoshi. ⁸ Aliko Roboamu arhashimbaga ehano ly'abo bashamuka,adosa ehano oku misole yaliri haguma naye,ayushukiraga kuguma nayo. ⁹ Abadosa ntya : " Hano lichi mumpere mubwene nashuza mw'aba bantu bampemere mpu mbakeheze okumirimo y'obukukuru darha alemaga ahabo ? " ¹⁰ Eyo misole akulaga nayo ya mubwira ntya : " Olo lubaga lwakuhemaga oku obakeheze oku mirimo y'obukukuru,obabwire ntya : Akadoke kani nageke kakachwerere kulusha esiku za darha. ¹¹ Darha akazagi baha emirimo y'obukukuru,nyono nayiyushula eluge,n'akaba akazagi bakolesa n'oku bashurha orhurhi,nyono nalema nabashurha rho kabiri ." ¹² Zilala siku esharhu zahikire,Yeroboamu n'aba Israeli boshi bayinja emunda Roboamu ali nka kulala anaba bwiraga. ¹³ Mwami ashuza abo bantu kubi. Aleka lilala hano abashamuka bamuhaga, ¹⁴ akulikira kulala elala misole yamuhanulaga,abwirabo ntya : Darha akazagi baha emirimo y'obukukuru,s'aliko nyono nayiyushula eluge,n'akaba akazagi bakolesa n'oku bashurha orhurhi,nyono nalema n'abashurha rho kabiri. ¹⁵ Ntyo ku mwami arhayunvaga emiziga y'olubaga;bulala Nyamuzinda Namahanga yenine wahekaga eyo myazi ntyo eli kulala abwiraga Yeroboamu mwene Nabati omu bunu bw'omulebi Ahiya e Shilo kuhikirira oku gabwa kw'echihugo. ¹⁶ Amango aba Israeli boshi babonaga oku mwami arhachibayunvirhe,bashuza mwami ntya : Bichi bya Daudi rhwachihebako ? Na nta kashambala rhushangirire n'oyola mwene Yese ! Banya Israeli,lero ow'emwage ow'emwage,nawe mwene Daudi oyorhanage obwami bwawe. N'abanya Israeli bachigendera emwababo. ¹⁷ Roboamu abera eri amanyikene nka mwami w'abantu bali omuchihugo che Yuda bonine. ¹⁸ Ago mango mwami Roboamu arhuma Adoramu yi waliri mwimangizi w'ebarati,mpu ajifurhisa. Aliko aba Israeli bamu bwene,bamujugunja amabale,afa. N'omwami Roboamu ayunvirhe ntyo,ashonera oku ngale yage,ayakira e Yerusalema. ¹⁹ Ntyo kw'aba Israeli bachiberwire,balahira okurhambulwa n'abeburha lya Daudi kugera zene. ²⁰ Babwirire aba Israeli oku Yeroboamu agalukire bamuhamagala omu lubaga,bana muyimuka okuba mwami we Israeli yoshi. Ab'omu mulala gwa Daudi barhambula abantu bw'omubuko bwa Yuda bonine. ²¹ Amango Roboamu ahika e Yerusalema,alunda entwali z'enfola miherho bayinjaga be Yuda,n'abe Benjamina boshi,balihikire bihumbi egana na makumi gali munane. Aba bwira mpu balwise aba Israeli abarhambule n'e Misiri bulala ye mwene Solomono. ²² Aliko Nyamuzinda abwira omulebi Shemaya : ²³ Obwire mwami Roboamu,mwene Solomono we Yuda,anabwire n'abantu boshi bayo,n'abe Benjamina n'abandi bayorhere b'olubaga. ²⁴ Bwira bo ntya : Nahano aderhere ntya : murhachirheremaga,murhanachilwisaga bene benyu,ba Israeli !Ngasi muntu agaluke emwage,bulala nyenine ntumire kw'ebyo bibe. Bakenga omwazi gwa Nahano,banagaluka emwababo,nk'oku Nyamuzinda aba bwiraga. ²⁵ Mwami Yeroboamu mwami we Israeli ayumbaka echishagala che Sikemu oku ntondo y'e Efurahimu analama yo,ashubirhenga yo,anaji yumbaka e Penuweli. ²⁶ Yeroboamu aganiza omu murhima gwage.Obwami bwankana shubigalukira omulala gwa Daudi. ²⁷ Eri aba bantu ba kashubilema baja e Yerusalema kurherekerera yo Nahano enterekero omu Kanyamuzinda,nji banyirha,bagalukire nahamwabo mwami Roboamu we Yuda . ²⁸ Mwami amalire ganiza ntyo,achuza ebimanyiso bibiri by'amanyena y'ehoro,abwira abantu mpu : Mwajire e Yerusalema siku zinene mwajirherekera yo; Ba Israeli, oyu ye Nyamuzinda wenyu wabakulaga omu chihugo che Misiri . ²⁹ Ahira eshushano nguma y'enyena e Beteli,n'eyindi e Dani. ³⁰ Ntyo kw'ashumikaga abantu okujira ebyaha. Bantu banene baja e Beteli n'e Dani bagenda baherekeze eyola shushanyo y'eyola nyena bahekaga yo. ³¹ Yeroboamu ayumbaka ahantu hashinganyanya hofu n'enterekero,ajilondol'abantu konine abajira bajinji n'abo barhali b'omu buko bw'abajinji b'omu lubaga lw'Abalawi. ³² Yeroboamu ajira olusiku lukulu,omu siku ekumi n'erhano z'omwezi gwa munane,bulala bakazagi lujira n'e Yuda mwago mango. Mwolo lusiku yenine ahanira enterekero okuluherero.Muyunvage eby'akolere e Beteli.Ahira abajinji e Beteli muzilala nterekero ayumbakaga,mpu bagende barherekerera mwo zilala shushano za zila nyana achulaga. ³³ Olo lusiku lw'ekumi na karhano lw'omwezi gwa munane,lusiku yenine ahebaga ho mpu lugende lwaba lusiku lukulu. Yeroboamu ajirira aba Israeli boshi echimogo e Beteli. Mw'echo chimogo,mwami yenine aja okuluherero ayumbakisaga eyo arhulira kw'enterekero.